O Jehova dias amen iek shukar prama: e Biblia, kai si la 66 libruria. Numa shai avela pushes tu: “Katar avel e Biblia? Kon kerdias la?”. Te zhanas kako aida dikhas sar areslo o suato le Devlesko ka amare giesa.

1. Te avela ke le manush ramosarde e Biblia, sostar phenelpe ke avel katar o Del?

Uni 40 mursh ramosarde e Biblia sa ande 1.600 borsh, a von nas iek fialo iek avrestar, uni sas masharia, aver pastoruria vai amperaturia. Makar kerdili gadia, sa lake ginduria maladion. Sar shai avel kako? Ke e Biblia avel katar o Del (chito 1 Tesalonicenses 2:13, NWT). Kakala manush chi thode penge ginduria, “O Swunto duxo sikavelas le manushenge ta mothonas so mangel O Del” (2 Petri 1:21). b O Del ningerdias peske suntone dujosa kakala manushen te ramon so vo gindilas (2 Timote 3:16).

2. Kaste shai avel iek Biblia?

“Suako them, vitsa, shib ai foro” shai lel o mishtimos anda le lashe viesti kai sikavel e Biblia (chito Apocalipsis 14:6, NWT). O Del kerdias te avel ramome ande mai but shiba katar fersavo libro ande historia. Avena katar avena, le manush shai zhanen so mothol e Biblia.

3. Sar lias sama o Jehova katar e Biblia?

Kana kerdili e Biblia ramosarde la ande rhartii kai kerdile anda e morchi katar le animaluria vai ande patria anda o papiro, kakala prame rimonaspe. Uni manush kai sas lenge pala e Biblia lenas sama kana kerenas kopi penge vastentsa. Makar but manush bare anda e lumia kamle te na mai avel e Biblia, aver kerde sa so sas ande lenge vast te arakhen la. O Jehova chi meklias te avel khonik chi khanchi te na mekel les te del duma amentsa. E Biblia phenel “o suato amare Devlesko siempre si te avel” (Isaías 40:8).

 TE MAI SIKIOS

5. Khanchi chi peradias la Biblia

 6. Iek libro savorhenge

E Biblia si ande but shiba ai aresel ka mai but manush katar fersavo libro ande historia. Chiton Hechos 10:34, 35 [NWT] ai den duma pa:

• Sostar kamel o Del te avel lesko Suato ande but shiba ai te aresel ka sa le manush?

• So plachal tu mai katar e Biblia?

 SO DIKHLIAM

E Biblia si e Vorba le Devleski ai vo kerdias te shai aresel ka sa le manush.

So sas te mothos?

• So kamel te phenel ke o Del kerdias te ramon uni manush e Biblia?

• So lian sama kana dikhlian ke nashtisarde te peraven la Biblia? So sas te phenes kana dikhes ke e Biblia si ande but shiba ai ke aresel ka but manush?

• Sar aliarelpe cho ilo te zhanes sa so kerdias o Del te del duma tusa?