Yéhuwa geus méré hadiah nu luar biasa keur urang, nyaéta Alkitab. Alkitab téh kumpulan tina 66 buku. Tapi meureun anjeun hayang nyaho, ’Kumaha carana Yéhuwa méré Alkitab ka manusa?’ Hayu urang tingali jawabanana.

1. Pan Alkitab téh ditulisna ku manusa, naha atuh disebut asalna ti Allah?

Alkitab téh ditulis kira-kira ku 40 priya. Ditulisna kurang leuwih salila 1.600 taun, nyaéta ti taun 1513 SM nepi ka 98 M. Geus kitu, nu nulisna téh béda-béda, aya nu nalayan, pangangon, atawa raja. Tapi kabéh eusina téh sajalan. Naha bisa kitu? Sabab nu méré wahyuna téh Allah. (Baca 1 Tésalonika 2:13.) Jalma-jalma nu nulis Alkitab téh teu nuliskeun pamikiranana sorangan. Nu ditepikeun ku maranéhna téh ”asalna ti Allah, lantaran maranéhna dijurung ku kawasa suci”. (2 Pétrus 1:21) Liwat kawasa suci, Allah méré ilham ka maranéhna pikeun nuliskeun amanat-Na.​—2 Timotius 3:16.

2. Saha waé nu bisa meunang mangpaat tina Alkitab?

”Unggal bangsa, suku bangsa, basa, jeung kaom” bisa meunang mangpaat tina kabar gumbira nu aya dina Alkitab. (Baca Wahyu 14:6.) Ampir kabéh jalma di dunya ieu bisa maca Alkitab, teu sual manéhna cicing di mana atawa ngomong maké basa naon. Ku naon? Sabab Alkitab téh buku nu panglobana ditarjamahkeun.

3. Kumaha Yéhuwa ngajaga Alkitab supaya teu musna?

Alkitab téh ditulisna dina bahan nu gampang ruksak. Jadi, ku naon atuh Alkitab téh teu musna? Lantaran Alkitab terus disalin ku jalma-jalma nu ngahargaanana. Sanajan aya pajabat pamaréntah jeung pamingpin agama nu hayang ngamusnakeun Alkitab, tapi aya ogé jalma-jalma nu réla narohkeun nyawana demi ngajaga Alkitab. Jadi, moal aya nu bisa ngahalang-halang Yéhuwa nepikeun amanat-Na ka manusa. Ceuk Alkitab, ”Pangandika Allah urang mah umurna langgeng.”​—Yesaya 40:8.

 HAYU NGULIK

5. Alkitab tetep aya nepi ka ayeuna, najan loba nu hayang ngamusnakeunana

 6. Buku keur kabéh jalma

Ti baheula nepi ka ayeuna, Alkitab téh buku nu panglobana ditarjamahkeun jeung disebarkeun. Baca Kisah 10:34, 35, terus bahas:

• Ku naon Allah hayang Alkitab ditarjamahkeun ka loba basa jeung disebarkeun ka loba jalma?

• Ceuk anjeun, naon istiméwana Alkitab?

 INTI BAB

Alkitab téh amanat ti Allah. Anjeunna ngajaga supaya Alkitab teu musna jeung bisa dibaca ku kabéh jalma.

Nu geus dibahas

• Kumaha cara Allah méré wahyu ka jalma-jalma nu nulis Alkitab?

• Sanggeus ngabahas ieu bab, ceuk anjeun ku naon Alkitab téh istiméwa?

• Allah téh ngajaga Alkitab supaya bisa dibaca ku anjeun. Kumaha parasaan anjeun?