LISOMO LYA 05
Bibilia Ni Mpunda Itupeelue na Leeza
Yehova watupeele Bibilia, bupe buweeme saana. Bibilia ilimo bitabu binini-biniini makumi sita na sita (66). Paange kunti waiipuzia: ‘Bibilia yaafumine pi? Naani waaitungile?’ Eevi tupate byasuko bya bebio biipuzio, tumone kine ezio mpunda yakue Leeza ili mu Bibilia yaaizile siani kuli fwefue.
1. Kine bantu i baaleembele Bibilia, ale Leeza Waaitungile siani?
Bibilia yaleembelue na bantu 40 eevi. Yaakitile miaka ikilile pa elufu imo ni mia sita (1 600) yali mukuleembua, kutendekela mu 1513 Yesu tanavyalue mpaka mu 98 Yesu wasyavyelue. Kabili baalia baaleembele Bibilia, bange baali basomene ni bange ata ni bange bali basungi, balobi ni bamakolo. Anzia evio beelia byonse bibaleembele bipateene. Juu ya ki ipateene? Paantu Leeza i waatungile Bibilia. (Some 1 Batesalonika 2:13.) Baalia baaleembele te baaleembele maano abo. Inzi, “baalandile byafumine kuli Leeza baatunguluilue na mupasi utakatiifu.” a (2 Petro 1:21, NWT) Leeza waabombiizie mupasi wakue utakatiifu eevi abatungulule ao kubasonsezia bantu baleembe maano akue.—2 Timoteo 3:16.
2. Bibilia kunti yakwasia ni?
Leeza waalandile nangue bantu ba “mikoa yonse ni bantu ba ndimi yonse pamo ni ntundu yonse” kunti bakwasiiwa na mpunda iweeme ili mu Bibilia. (Some Nfyulo 14:6.) Leenu Bibilia ileembelue mu ndimi ingi kupita bitabu binge byonse. Enu nsiku, kunti kyakitika kila muntu asome ao onvue mpunda ifumine kuli Leeza. Kabili keekio ni kisinka anzia kine bantu baye baikeele pi ao baye balanda lulimi ki.
3. Yehova waasuungile siani Bibilia?
Bibilia yaaleembelue pa bintu bisiizi kukokola saana kwinooneka, nga evelia kipapa ni luko. Inzi bantu baalia baali batonene Bibilia, baali baikopia ni kuikopolola na minue bila kilubo. Anzia kine bakateeka ni bantunguluzi ba ma diini baaeziizie kwinoona Bibilia, inzi bantu bange baali baipeela ni kubiika bukose bwabo mu buavia juu ya kusuunga Bibilia. Yehova taalekeleele muntu ao kintu kyokyonse kimulengie andue kulanda ni fwefue. Bibilia ili yalanda eevi: “Mulandu wakue Leeza weetu uliko lyonse.”—Isaya 40:8.
TUKEBE SAANA
Tumone bintu bingi bilangiliile Leeza vyaabatunguluile bantu baleembe Bibilia, vyaaisuungile, kabili vyaakitile eevi bantu baye baisoma.
4. Bibilia ili yalanda olia Waaitungile
Mone VIIDEO. Kisia some 2 Timoteo 3:16, ni kulondoluela beebi biipuzio.
-
Kine bantu i baaleembele Bibilia, juu ya ki ili yakuutua Mulandu Wakue Leeza?
-
Ati, wamona nangue kilisie buino kuzumina nangue Leeza kunti wababuila bantu ba kuleemba maano akue?
Kalaani ao olia wa kuleemba, kunti waleemba mukanda. Inzi mpunda yaaleemba yaafumanga kuli olia wamulandanga. Bibilia ni yeene yaaleembelue na bantu, inzi mpunda ilimo ifumine kuli Leeza
5. Bibilia yaasiile kwinoonua, inzi yaapusukile
Kine Bibilia ifumine kuli Leeza, tupalile kuketekela nangue ali kuisuunga. Istoria ili yalangilila nangue bantu bali ni buviinde baaeziizie kwinoona Bibilia. Bantunguluzi ba ma diini te baali batonene bantu basome Bibilia. Anzia kupiingua ni kutinsiiwa nangue bali kwipaiwa, bantu bengi baabiikile bukose bwabo mu buavia juu ya kusuunga Bibilia. Eevi kumanako muntu umo waakitile evio, mone VIIDEO, kisia, londoluele beebi biipuzio.
-
Kumana bintu bingi byaakitilue eevi kusuunga Bibilia, kwakulengia utone kuisoma? Juu ya ki?
Some Malumbo 119:97, kisia, londoluele keeki kiipuzio:
-
Ni kiki kyalengiizie bantu bengi babiike bukose bwabo mu buavia eevi kupilibula ni kukasania Bibilia?
6. Kitabu kya bantu bonse
Istoria ilangiliile nangue Bibilia i kitabu kipilibuilue ni kukasaniiwa saana mu kyalo. Some Miilo ya Batumua 10:34, 35, kisia, londoluele beebi biipuzio:
-
Juu ya ki Leeza atonene Mulandu wakue upilibulue ni kukasaniiwa saana mu kyalo?
-
Ni kiki kiwatona palua Bibilia?
Yalingililua nangue
100%
ya bantu mu kyalo
kunti basoma Bibilia mu lulimi lubali kunvua
Ili mu ndimi ikilile pa
3 000
yalingi
ao seemu
5 000 000 000
Mpendua ilingiliile ifumiziwemo Bibilia,
ivulile kupita kitabu kinge kyonse
BANGE BALI BALANDA: “Bibilia ni kitabu kya kale kabili kyaaleembeluesie na bantu.”
-
Weewe uimwene siani?
-
Ni bintu ki bili byasininkizia nangue Bibilia ni Mulandu Wakue Leeza?
MU KIFUPI
Bibilia ni Mulandu Wakue Leeza, kabili waisuungile eevi kila muntu aisome.
Kunti waasuka siani?
-
Kine twalanda nangue Leeza watunguluile bantu baleembe Bibilia, ezio milandu ili na mana ki?
-
Ni kiki kya kupapia palua kupusuka, kupilibulua ni kukasaniiwa kwa Bibilia?
-
Kumana nangue Leeza waakitile maka eevi alanziane ni weewe, kwakulengia wiunvue siani palwakue?
MANAKO NI BINGE
Soma istoria ilangiliile Bibilia viyaliko mu maleembo a kale ni viyakifikiila kwalukako mu mpilibulo ya enu nsiku.
Mona Bibilia viyapusukile mu maavia atatu akata eevi iye yaliko.
“Bibilia Yaapusukile Siani?” (Lupungu Lwakue Kamwenenena, Nim. 4, 2016)
Mona bantu bange vibaabiikile bukose bwabo mu buavia eevi bapilibule Bibilia mu lulimi lunge.
Bibilia yaakopiiziwe ni kupilibulua mu ndimi inge mara ingi. Kunti wasininkizia siani nangue mpunda yakue Leeza te yaalulukile?
“Eba, Bibilia Yaalulwilue ao Baaongeziiziemo Milandu Inge?” (Lyasi lili mu Kitente kya Enternete)
a Nga vitwakaba kumona mu Lisomo lya 07, mupasi utakatiifu ni maka akue Leeza ali abomba.
