GIHEVBULO 05
Bhibhiliya yi na ni mahungu ya Nungungulu
Jehovha a hi ningide giningwa nyo hlamadzise ngudzu — a gu 66 mabhuku nya madugwana ma tshanganisidwego ma khala libhuku limwedo, a gu Bhibhiliya. Ganiolu, adzina u nga dzi wudzisa gu khuwe: ‘Bhibhiliya ya guta khu hayi? Khu mani mutumbunusi wayo?’ Gasi gu hlamula siwudziso sesi, hongoleni hi wonani edzi Bhibhiliya yi vbohidego khidzo mandzani gwathu.
1. Abari gu Bhibhiliya yi lovidwe khu vathu, khu ginani hi gu khethu Mutumbunusi wayo khu Nungungulu?
Bhibhiliya yi lovidwe khu tanga nya 40 vama ndrani nya 1600 myaga, gukhugeya khu 1513 na ma si vbohi matshigu yathu kala khu 98 matshiguni yathu. Valovi nya Bhibhiliya va di guta khu malanga nyo hambane, va bwe va di dandriswa khu dzindziya nyo hambane, nigu va di gu gira mithumo nyo hambane gambe. Ambari ulolo, sipandre satshavbo nya Bhibhiliya si ngu pwanana. So kodzega kharini isoso? Khu gu Mutumbunusi nya Bhibhiliya khu Nungungulu. (Leri 1 Vatesalonika 2:13.) Valovi nya Bhibhiliya kha va lova silo sa mapimoni gwawe. Wulangani nya isoso, khu gu ‘kutsedzedwa khu liphuvbo nya guage, a va di ganeya mahungu nya gute khu ga Nungungulu.’ (2 Pedro 1:21) Nungungulu a di thumisa liphuvbo laye nya guage gasi gu pimiseya, mwendro gu kutsa vama vava gu lova mapimo yaye. — 2 Thimoti 3:16.
2. Khu mani a yedego gu manega ni Bhibhiliya?
Nungungulu giride Bhibhiliya gasi yi thumiswa khu “vathu va vbanyago mafuni, nya mafumbu, ni mahundzu, ni malimi yatshavbo.” (Leri Gutuledwa 14:6.) Khu kharato, Nungungulu giride malulamiselo nya gu Bhibhiliya yi manega khu malimi nya mangi ngudzu guvbindra ni levbini libhuku li manegidego mafuni. Hi nga ganeya gu khethu vathu vatshavbo si ngu kodzega gu va leri Bhibhiliya, ambari na va vbanya hayini mwendro na va ganeya lidimi muni.
3. Jehovha vhikede kharini Bhibhiliya?
Bhibhiliya yi di lovidwe omu nya silo nya gu kha si hweyi gu hagala, nya nga madowo mwendro papiro. Ganiolu, vama va nga ba va yi gola Bhibhiliya, va di yi kopiyari khu wukheta. Ambari olu dzipfhumu ni vathangeyi nya wukhongeyi nyo khaguri va zamidego gu fuvisa Bhibhiliya, vambe va di dzi emisede gu vega womi wawe mhangoni gasi gu yi vbulugisa. Jehovha kha dzumeleya gu khuye muthu mwendro gilo nyo khaguri gi mu digisa gu bhula ni ethu. Bhibhiliya yari khiyo: “Magana [lito] ya Nungungulu wathu, ma gu simama kala gupindruga.”— Isaya 40:8.
GIRA WUGEVISISI NYO ETE
Wona edzi Nungungulu a pimisedego khidzo vama gu lova Bhibhiliya, ni edzi a yi vhikedego khidzo, ni esi a giredego gasi gu si kodzega gu vathu va yi mana.
4. Bhibhiliya yi ngu tivegisa Mutumbunisi wayo
Sistirini VHIDHYU, mu bwe mu leri 2 Thimoti 3:16, khavbovbo mu bhula khu siwudziso si landreyago.
-
Abari gu Bhibhiliya yi lovidwe khu vathu, khu ginani yi ranwago pwani Lito la Nungungulu?
-
Ina u ngu khodwa kamo gu khuwe Nungungulu tiviside mapimo yaye ga vathu gasi va lova?
Sekretariyo a nga lova lidangaliya, ganiolu mahungu ma gomogo omu nya lidangaliya khya mune nya empreza. Khu ndziya nyo fane, Bhibhiliya yi lovidwe khu vathu, ganiolu mahungu ya kona ma guta khu ga Nungungulu
5. Vathu va zamide gu fuvisa Bhibhiliya, ganiolu va di dzi vbedzeya sikiri khu gu weya
Abari gu Bhibhiliya ya guta khu ga Nungungulu, hi di hadzi hlamala nari khatshi kha nga yi vhikeya. Ndrani nya matimu nya vathu, vathu va zamide gu fuvisa Bhibhiliya. Vathangeyi nya wukhongeyi kha va nga ba va vbweta gu wona muthu na hevbula Bhibhiliya. Ambari olu yi nga ba yi himbedzedwa khu ndziya yoyo, vathu nya vangi va vegide womi wawe mhangoni gasi va vhikeya Bhibhiliya. Hongole hi wona mwama moyo a giridego isoso. Sistirini VHIDHYU, mu vbedza mu bhula khu siwudziso sesi.
-
Olu u tidego silo nya singi si giridwego gasi gu vhikeya Bhibhiliya, ina kha si gu khuti monyo u vbweta gu leri Bhibhiliya? Khu ginani?
Lerini Ndzimo 119:97, khavbovbo mu bhula khu giwudziso gegi:
-
Khu ginani vathu nya vangi va vegidego womi wawe mhangoni gasi gu vbindrugedzeya ni gu kabaniseya Bhibhiliya?
6. Libhuku li giredwego vathu vatshavbo
Bhibhiliya khilo libhuku li vbindrugedzedwago ni gu kabanisedwa khu malimi nya mangi guvbindra mambe mabhuku. Lerini Mithumo 10:34, 35, khavbovbo mu bhula khu siwudziso sesi:
-
Khu ginani Nungungulu a vbwetago gu khuye Lito laye li vbindrugedzedwa ni gu kabanisedwa khu malimi nya mangi?
-
Ginani gi gu tsakisago ngudzu avba nya matimu nya Bhibhiliya?
Tanga nya
100%
nya vathu mafuni
va ngu leri Bhibhiliya khu lidimi va li pwisisago
Iyo yomo khu
3000
malimi ni guvbindra
khu sipandre mwendro nya rumba
5 dzibhiliyoni
Owu i tengo nya Dzibhibhiliya dzi giridwego,
nigu i tengo nyo vbindre ni levbini libhuku
VAMBE VARI KHAVO: “Bhibhiliya libhukowo la gale li lovidwego khu vathu.”
-
Uwe ke, wari khuwe ginani?
-
Ginani gi yeyedzago gu khigyo Bhibhiliya Lito la Nungungulu?
REZUMO
Bhibhiliya Lito la Nungungulu nigu uye giride malulamiselo nya gu yi manwa khu vathu vatshavbo.
Siwudziso nyo wusedze
-
Bhibhiliya yo vbweta khiyo ginani tepo yi gu khiyo Nungungulu a di pimiseya vama gu lova Bhibhiliya?
-
Ginani gi gu tsakisago avba nya guvbindrugedzedwe ni gukabanisedwa nya Bhibhiliya? Ahati ga edzi yi nga vhikedwa khidzo ke?
-
Wo dzipwa kharini khu guti gu khuwe Nungungulu si kodzide gu gu vbohiseya mahungu yaye?
HEVBULA SIMBE
Leri matimu ma tshamuseyago edzi Bhibhiliya yi vbohidego khidzo mandzani gwathu, gukhugeya ga milowo ya gale kala ga eyi ya muhuno.
“Edzi Bhibhiliya yi nga vboha khidzo mandzani gwathu” (Khendzugani! nya Novembro nya 2007, khu Guputukezi)
Wona edzi Bhibhiliya yi nga vbuluga khidzo ga dzimhango dziraru nya dzikhongolo.
“Bhibhiliya — Matimu nya guvbuluge gwayo” (Mukhedziseyi nya N.° 4 nya 2016, khu Githwa)
Wona dzimhango edzi vathu va tshanganidego nadzo tepo va nga ba va vbindrugedzeya Bhibhiliya.
Bhibhiliya yi kopiyaridwe ni gu vbundrugedzedwa dzitepo nya dzingi. Ginani gi hi girago hi khodwa gu khethu mahungu ya Nungungulu kha ma vbindrugedzwa?
“Ina gi mwalo gi nga vbindrugedzwa avba nya mahungu nya Bhibhiliya?” (Ndrima nya jw.org, khu Guputukezi)
a Omu nya gihevbulo 7, hi na hevbula gu khethu liphuvbo nya guage tshivba ya Nungungulu.
You May Also Like
SIWUDZISO VA TALAGO GU GIRA
Ginani gihevbulo nya Bhibhiliya?
Mana mihlamulo nya edzi hi girago khidzo gihevbulo nya Bhibhiliya.
