CHIIYO 05
Bbayibbele ndiJwi lyaLeza
Jehova wakatupa chipo chiyandikana loko chaBbayibbele alubo lipangidwe aamabbuku maniini aali 66. Ulakonzya kulibuzya kuti: ‘Ani Bbayibbele lyakazwa kuli? Ngwani munaalyo?’ Kuti tujane nsandulo zyamibuzyo eeyi, atubone kuti Bbayibbele lyakasika biyeni kulindiswe.
1. Nkamboonzi nikutegwa Leza nguMunaaBbayibbele kakuli lyakalembwa aabantu?
Bbayibbele lyakalembwa aabantu bali 40 alubo lyakatola minyaka yiinda ku1 600. Lyakasaanguna kulembwa mu1513 B.C.E. kusika kuma98 C.E. Balembi baBbayibbele bakali aamaponeno aasiyene-siyene. Nikuba kuti balembi baBbayibbele bakali aamaponeno aasiyene-siyene pesi nzibakalemba zileendelana. Zyakakonzeka biyeni eezi? Zyakakonzeka nkaambo MunaaBbayibbele nguLeza. (Bala 1 Batesalonika 2:13.) Balembi baBbayibbele teebakalemba zyakali mumizeezo yabo pe. Pesi “bakaambaula zyakazwa kuli Leza kwiinda mukusololelwa amuuya uusalala.” * (2 Petro 1:21) Leza wakabelesya muuya wakwe uusalala kuti balembi baBbayibbele bakonzye kulemba mizeezo yakwe.—2 Timoteyo 3:16.
2. Mbaani beelede kubala Bbayibbele?
Bantu bazwa “kumasi oonse, kumisyobo yoonse, kumilaka yoonse alimwi akubantu bamisyobo yoonse,” beelede kumvwa makani mabotu aazwa muBbayibbele. (Bala Ciyubunuzyo 14:6.) Jehova wakapa kuti Bbayibbele lijanike mumilaka myiingi loko kwiinda aamwi mabbuku. Namba yabantu biingi balaalyo Bbayibbele kazitakwe ndaba kuti bakkala kuli naakuti baambuula uuli mulaka.
3. Jehova wakalikwabilila biyeni Bbayibbele?
Bbayibbele lyakalembedwe aazintu zifwambaana kuzakala. Pesi bantu bakali kuyandisya Bbayibbele bakali kulikkopa. Nikuba kuti bamwi bantu bakeezya kuyanda kunyonyoona Bbayibbele pesi bamwi bakalipeda kubikka buumi bwabo mumapenzi kuti bakwabilile Bbayibbele. Taakwe chintu chakakonzya kukachizya Jehova kuti aambuule aandiswe. Bbayibbele litii: “Ijwi lya Leza wesu linooliko lyoonse mane kukabe kutamani.”—Isaya 40:8.
YIYA ZYIINGI
Bona kuti Leza wakabagwasya biyeni bantu kuti bakonzye kulemba Bbayibbele, mbaakalikwabilila ambaakapa kuti tukonzye kulijana.
4. Bbayibbele lilaamba kuti ngwani Munaalyo
Mweebele KAVIDIYO. Kuzwa waawo, mubale 2 Timoteyo 3:16, mpawo musandule mibuzyo iitobela.
-
Kuti kakuli Bbayibbele lyakalembwa aabantu, nkamboonzi nilitegwa ndiJwi lyaLeza?
-
Ulasyoma na kuti balembi baBbayibbele bakalemba mizeezo yaLeza?
Muntu ulakonzya kukumbilwa kuti alembe lugwalo, pesi unoolemba zintu nzyaabuzigwa aawamutuma. Munzila iikozyenie, Leza wakabelesya bantu kuti balembe Bbayibbele pesi nzibakali kulemba zyakali kuzwa kulinguwe
5. Bantu bakakachilwa kunyonyoona Bbayibbele
Bantu bakakachilwa kunyonyoona Bbayibbele nkaambo ndiJwi lyaLeza. Kuzwa chiindi, bantu bakeezya kunyonyoona Bbayibbele. Bapati bazikombelo bakali kukasya kuti bantu babale Bbayibbele. Pesi bantu biingi bakali kulipeda kujayigwa kuti bakwabilile Bbayibbele. Kuti uzibe umwi mwaalumi wakabikka buumi bwakwe mumapenzi kayanda kukwabilila Bbayibbele, mweebele VIDIYO, mpawo musandule mibuzyo iitobela.
-
Kuziba kuti bantu bakabikka buumi bwabo mumapenzi kuti bakwabilile Bbayibbele, takupi kuti uyande kulibala na? Nkamboonzi nuwaamba oobo?
Bala Intembauzyo 119:97, mpawo musandule mubuzyo uutobela:
-
Niinzi zyakapa kuti bantu biingi babikke buumi bwabo mumapenzi kuti basandulule Bbayibbele?
6. Bbayibbele ndibbuku lyabantu boonse
Bbayibbele lyakasandululwa akupupululwa mumilaka myiingi kwiinda amwi mabbuku. Bala Milimo 10:34, 35, mpawo musandule mibuzyo iitobela:
-
Nkamboonzi Leza naakapa kuti Bbayibbele lisandululwe akupupululwa mumilaka myiingi?
-
Kujanika kwaBbayibbele mumilaka myiingi kutondeezyaanzi?
Namba
yabantu biingi
munyika
babala Bbayibbele mumilaka yabo
Lijanika mumilaka yiinda
ku3 000
kalikkwene
naakuti kalili muzipanzi
kuyeeyelwa kuti maBbayibbele aakapupululwa
asika ku5 bbiliyoni
alubo taakwe bbuku lisandulwidwe mbuli Bbayibbele
BAMWI BAAMBA KUTI: “Bbayibbele ndibbuku lyachiindi alubo lyakalembwa aabantu.”
-
Aniwe utyeni?
-
Niinzi zitondeezya kuti Bbayibbele ndiJwi lyaLeza?
CHIFWIINSYO
Bbayibbele ndiJwi lyaLeza alubo Leza wakachita mabambe aakuti bantu boonse bakonzye kulijana.
Mibuzyo Yakwiindulula
-
Zyaambaanzi kuti Leza wakazulwida bantu kuti balembe Bbayibbele?
-
Ngaali makani aakugambya atala ambulyakakwabililwa, mbulyakasandululwa ambulyakapupululwa Bbayibbele?
-
Kuziba nzila Leza njaakalikwabililaayo Bbayibbele kupa kuti umvwe biyeni?
YANDUULISISYA
Bala atala aBbayibbele kuzwa chiindi nilyakasaanguna kulembwa kusikila lizoosandululwe mumilaka iiwambuulwa mazubaano.
“Mbulyakasika Kulindiswe Bbayibbele” (Amubuke!, November 2007)
Bona kuti Bbayibbele lyakakwabililwa biyeni.
“Mbulyakakwabililwa Bbayibbele” (Ngaziyakulinda No. 4 2016)
Bona bamwi bantu mbubakabikka buumi bwabo mumapenzi kuti basandulule Bbayibbele.
Bbayibbele lyakakkopwa akusandululwa kwaziindi zyiingi. Kujana twaziziba biyeni kuti basanduluzi baBbayibbele teebakali kuzichincha pe zyakalembedwe kumasaangunino?
“Bbayibbele Lyakachinchwa Na?” (Chiiyo chijanika aaIntaneti)
^ Mbuli mbutuyoobona muChiiyo 07, muuya uusalala ninguzu zyaLeza.
