05-ДӘРИС
Худа инсанларға Муқәддәс Язмиларни чүшәргән
Яратқучи әҗайип бир соғатни, йәни 66 язмини өз ичигә алған Муқәддәс китапни a бизгә бәргән. Бирақ сиз бәлким: «Муқәддәс китап қәйәрдин кәлгән? Униң муәллипи ким?»— дәп соришиңиз мүмкин. Бу соалларға җавап бериш үчүн, авал Һәммигә Қадир Егимиз Муқәддәс китаптики Өз сөзлирини бизгә қандақ йәткүзгәнлигини муһакимә қилайли.
1. Әгәр Муқәддәс Язмиларни инсанлар язған болса, қандақму Худа униң муәллипи болсун?
Муқәддәс китапни 40қа йеқин киши язған. Биринчи китап 3500 жил илгири, әң ахирқи китап болса 1900 жил илгири йезилған. Уларни келип чиқиши һәртүрлүк кишиләр язған болсиму, амма язғанлири бир-биригә мас кәлгән. Бу қандақму мүмкин болсун? Сәвәви, Худа Өзи Муқәддәс китапниң муәллипидур (Салоникилиқларға 1-хәт 2:13ни оқуң). Язмиларни қәләмгә алғучилар өзиниң ой-пикирлирини язмиған. Әксичә, улар «муқәддәс роһниң b башчилиғида Худаниң намидин сөзлигән» (Петрусниң 2-хети 1:21). Худа адәмләргә Өз ой-пикирлирини яздуруш үчүн муқәддәс роһини ишлитип, уларни роһландурған яки илһамландурған (Тимотийға 2-хәт 3:16).
2. Муқәддәс китап кимләр үчүн йезилған?
Муқәддәс китаптики хуш хәвәр «һәр түрлүк милләт, қәбилә, тил вә хәлиқләргә» пайда елип келиду (Вәһий 14:6ни оқуң). Худа инсанларни өз ана тилида Муқәддәс китапни оқуш пурситигә егә қилған. Шуңа у дуниядики һәрқандақ китаптин көпирәк тилларға тәрҗимә қилинған. Адәмләр қәйәрдә яшисун, қандақ тилда сөзлисун, һәммисиниң Муқәддәс китапни оқуш имканийити бар.
3. Худа Муқәддәс китапни қандақ қоғдиған?
Муқәддәс Язмилар узун сақлиғили болмайдиған һайванатларниң терисигә яки папирусқа охшаш материалларға йезилған. Муқәддәс китапни яхши көридиған кишиләр уни еһтият билән қайта-қайта қолда көчүрүп сақлиған. Һәтта һөкүмранлар вә диний йетәкчиләр Муқәддәс китапни йоқ қилишқа урунған болсиму, башқа кишиләр өз һаятини хәтәргә тәвәккүл қилип, уни қоғдиған. Йәһва Униң билән болған алақимизни һәрқандақ кишиниң яки нәрсиниң тохтитишиға йол қоймиған. Муқәддәс китап: «Бирақ Худайимизниң калам-сөзи мәңгүгә туриду!»— дәйду (Йәшая 40:8, КТ).
ЧОҢҚУРИРАҚ ҚЕЗИҢ
Худа Муқәддәс китапни йезишқа инсанларни қандақ роһландурған? У Өз китавини қандақ қоғдиған вә инсанларниң бу китапни оқуши үчүн, қандақ имканийәт яритип бәргәнлиги һәққидә көпирәк биливелиң.
4. Муқәддәс китап Өзиниң муәллипи тоғрисида сөзләп бериду
ВИДЕОНИ көрүң. Кейин Тимотийға 2-хәт 3:16ни оқуп, төвәндики икки соал үстидә ойлинип көрүң.
-
Әгәр инсанлар Муқәддәс китапни язған болса, немә үчүн у Худаниң Сөзи дәп атилиду?
-
Сизниңчә Худа Өз ой-пикирлирини инсанларниң әқлигә салғанлиғиға ишиниш әқилгә мувапиқму?
Бир катип хәтни язиду, амма униңдики мәзмун униңға ейтип бәргүчидин кәлгән. Худди шуниңға охшаш, Муқәддәс китапни адәмләр қәләмгә алған болсиму, униңдики хәвәр Худадин кәлгән
5. Муқәддәс китап һәрхил һуҗумлардин қоғдап қелинған
Әгәр Муқәддәс китап Худадин кәлгән болса, Униң Өз китавини қоғдашқа қудрити йетәмду? Инсанийәт тарихида һөкүмранлар Муқәддәс китапни йоқ қилишқа урунуп кәлгән. Диний йетәкчиләр адәмләрниң уни оқушини чәклигән. Бирақ қаршилиқларға, һәтта өлүм хәтиригә қаримай, нурғун адәмләр һаятини тәвәккүл қилип, Муқәддәс китапни қоғдиған. Шундақ адәмләрдин бири һәққидә биливелиш үчүн, ВИДЕОНИ көрүң, кейин төвәндики соаллар үстидә ойлинип көрүң.
-
Муқәддәс китапни қоғдаш үчүн адәмләрниң қурбанлиқларни беришкә тәйяр болғанлиғини биливалдиңиз. Бу сизни Муқәддәс китапни оқушқа техиму қизиқтурдиму? Немә үчүн?
Зәбур 119:97ни оқуң, кейин төвәндики соалға җавап бериң:
-
Нурғун адәмләрни өз һаятини хәтәргә тәвәккүл қилип, Муқәддәс китапни тәрҗимә қилишқа вә уни кәң тарқитишқа немә дәвәт қилған?
6. Барлиқ инсанлар үчүн бир китап
Инсанийәт тарихида Муқәддәс китап әң көп тилға тәрҗимә қилинип тарқитилған китаптур. Әлчиләр 10:34, 35ни оқуң, кейин төвәндики соалларға җавап бериң:
-
Немә үчүн Яратқучи Өз Сөзиниң шунчә көп тилларға тәрҗимә қилинип тарқитилишини халайду?
-
Муқәддәс китап қайси тәрәптин сизни өзигә бәкирәк җәлип қилиду?
Дуния нопусиниң тәхминән
100%
өзи чүшинидиған тилда Муқәддәс китапни оқуш имканийитигә егә
Пүтүнләй яки мәлум бир бөлүги
3000дин
көпирәк тилда
нәшир қилинған
5 000 000 000
парчидин көпирәк бесилип,
Муқәддәс китап һәрқандақ башқа китаптин көп тарқитилған
БӘЗИЛӘР МУНДАҚ ДӘЙДУ: «Муқәддәс китап өзгәртилгән».
-
Сиз қандақ ойлайсиз?
-
Қандақ дәлил-испатлар Муқәддәс китапниң өзгәртилмигәнлигини көрситиду?
ХУЛАСӘ
Муқәддәс китап — Худаниң Сөзи. Худа барлиқ инсанларниң уни оқушиға имканийәт яритип бәргән.
Тәкрарлаш
-
Худа инсанларни Муқәддәс китапни йезишқа илһамландурған дегән сөзләр немини билдүриду?
-
Муқәддәс китапниң қоғдап қелиниши, тәрҗимә қилиниши вә кәң тарқитилиши сиздә қандақ тәсират қалдурди?
-
Сиз билән алақә қилиш үчүн Худа шунчә ишларни қилғанлиғини билгиниңиздә, қандақ һис-туйғуға чөмдиңиз?
ИЗДИНИП КӨРҮҢ
Муқәддәс китапниң қедимий әсли қолязмилиридин һазирқи тәрҗимилиригичә болған тарихи һәққидә оқуң.
«Муқәддәс китап бизгә қандақ йетип кәлгән?» («Ойғиниш!» 2007-жил, ноябрь)
Муқәддәс китап үч хәтәрдин қандақ аман қалғанлиғи һәққидә биливелиң.
«Муқәддәс китап қандақ аман қалған?» («Күзитиш мунари» 2016-жил, 4-сан)
Муқәддәс китапни тәрҗимә қилиш үчүн адәмләр қандақ хәтәргә тәвәккүл қилғанлиғини көрүң.
Муқәддәс китап қолда көчүрүлгән вә нурғун тилларға тәрҗимә қилинған. Униңдики мәлуматларниң өзгәртилмәй сақланғанлиғиға қандақ ишинәләйсиз?
«Муқәддәс китап өзгәртилгәнму яки бурмиланғанму?» (Торбәттики мақалә)
a Муқәддәс китап Тәврат, Зәбур вә Инҗилни өз ичигә алиду.
b Муқәддәс роһ — Худаниң һәрикәт күчи. 07-дәристә бу ениғирақ чүшәндүрүлиду.
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
