OCIPAMA 05
Embimbiliya Esapulo Lia Suku Kokuetu
Yehova wa tu ĩha Embimbiliya. Olio ombanjaile yimue yi komõhisa okuti, li kuete 66 kalivulu a litepa. Pamue o lipula ndoco: ‘Embimbiliya pi lia tunda? Helie usovoli walio?’ Oco ku tambuluiwe apulilo aco, tu konomuisa ndomo esapulo lia Suku li sangiwa Vembimbiliya lieya kokuetu.
1. Nda alume ovo va soneha Embimbiliya, momo lie tu popela okuti lia tunda ku Suku?
Embimbiliya lia sonehiwa lalume 40 vokuenda 1.600 kanyamo oku upisa kunyamo 1513 O.Y., toke kunyamo 98 K.K. Asonehi vaco, va litepele calua omunu lukuavo. Ndaño ndoco, olonepa viosi Viembimbiliya vi kuete elitokeko. Ndamupi? Momo Suku eye Usovoli Wembimbiliya. (Tanga 1 Va Tesalonike 2:13.) Ovo ka va sonehele ovisimĩlo viavo muẽle. Pole, “va popia ondaka ya tunda ku Suku, ndomo va vetiyiwa lespiritu sandu.” a (2 Petulu 1:21) Suku lespiritu sandu liaye, wa vetiya alume oco va sonehe ovisimĩlo viaye.—2 Timoteo 3:16.
2. Helie o pondola oku kuatisiwa Lembimbiliya?
‘Olofeka viosi, apata osi, alimi osi kuenda omanu vosi,’ va pondola oku kuatisiwa lolondaka viwa vi sangiwa Vembimbiliya. (Tanga Esituluilo 14:6.) Suku wa ecelela okuti, Embimbiliya li sandekiwa kalimi alua okuti, alivulu akuavo ci sule. Koloneke vilo, omanu valua va kuete Embimbiliya. Ci kaile kuosi va sangiwa ale elimi va vangula.
3. Yehova wa teyuila ndati Embimbiliya?
Embimbiliya lia sonehiwa vovimalẽho vimue ka vi kala otembo yalua ndeci, ovipa kuenda oloneva. Pole, alume vana va solele Embimbiliya, va li kopiyala lutate poku li soneha peka. Ndaño okuti olombiali vimue kuenda asongui vamue vetavo va seteka oku imũla Embimbiliya, vakuavo va nõlelepo oku kapa kohele omuenyo wavo oco va teyuile Embimbiliya. Yehova ka ecelela okuti omunu umue ale ocina cikuavo cu tateka oku sapela letu. Embimbiliya liti: “Ondaka ya Suku yetu yamamako otembo ka yi pui.”—Isaya 40:8.
LILONGISA ONDONGOSI
Lilongisa ovina vikuavo ndomo Suku a vetiya alume oku soneha Embimbiliya, ndomo a teyuila Embimbiliya kuenda ndomo a ecelela okuti, li sandekiwa komanu.
4. Embimbiliya li situlula Usovoli walio
Tala OVIDEO. Kuenje tanga 2 Timoteo 3:16, noke konomuisa apulilo a kuãimo.
-
Nda alume ovo va soneha Embimbiliya, momo lie li tukuiwila okuti Ondaka ya Suku?
-
O sima hẽ okuti, ca sunguluka oku tava okuti Suku o pondola oku pitiya ovisimĩlo viaye kasonehi?
Usonehi umue o kasi oku soneha ukanda umue, pole, esapulo liaco li tunda komunu wo tuma. Cimuamue haico ca pita lomanu va soneha Embimbiliya, pole, esapulo liaco lia tunda ku Suku
5. Embimbiliya lia puluka kalambalalo
Nda Embimbiliya lia tunda ku Suku, tu lavoka okuti eye o li teyuila. Ovolandu a lekisa okuti, omanu vakuonene va siata oku seteka oku imũla Embimbiliya. Asongui vetavo va siatavo oku ci linga. Pole, ndaño lalambalalo aco kuenda asaluiso oku pondiwa, omanu valua va nõlapo oku kapa kohele omuenyo wavo oco va teyuile Embimbiliya. Oco o lilongise catiamẽla kulume umue wa pita locitangi caco tioka, Tala OVIDEO, noke konomuisa apulilo a kuãimo.
-
Oku kũlĩha alikolisilo a lingiwa oco ku teyuiwe Embimbiliya, ci ku vetiya hẽ oku li tanga? Momo lie?
Tanga Olosamo 119:97, noke konomuisa epulilo li kuãimo:
-
Nye ca siata oku vetiya omanu valua oku kapa kohele omuenyo wavo oco va pongolole loku sandeka Embimbiliya?
6. Elivulu limue liomanu vosi
Embimbiliya elivulu limue lia pongoluiwa calua loku sandekiwa okuti, alivulu akuavo ci sule. Tanga Ovilinga 10:34, 35, noke konomuisa apulilo a kuãimo:
-
Momo lie Suku a yonguila okuti Ondaka yaye yi pongoluiwa loku sandekiwa?
-
Nye o sole catiamẽla Kembimbiliya?
Ci panda
100%
komanu voluali
va kuete Embimbiliya kelimi lia va lomboloka
Lia sandekiwa kueci ci pitahãla
3.000
kalimi
liosi ale onepa yimue
5.000.000.000
Etendelo Liambimbiliya a siata oku pangiwa
okuti, alivulu akuavo ci sule
OMANU VAMUE VA POPIA VATI: “Embimbiliya elivulu limue liosimbu lia sonehiwa lomanu.”
-
Nye o sima?
-
Uvangi upi u lekisa okuti Embimbiliya Ondaka ya Suku?
NYE WA LILONGISA?
Embimbiliya Ondaka ya Suku, eye wa ecelela okuti, li sandekiwa komanu vosi.
Oku Pitulula
-
Eci tu popia okuti Suku wa vetiya alume oco va sonehe Embimbiliya, ci lomboloka nye?
-
Nye o popia catiamẽla konjila ndomo Embimbiliya lia puluka, koku pongoluiwa kuenda koku sandekiwa kualio?
-
Poku kũlĩha alikolisilo osi Suku a linga oco a sapele love, o liyeva ndati?
OCO O KŨLĨHE OVINA VIKUAVO
Tanga eci catiamẽla kulandu Wembimbiliya oku upisa kovisonehua viosimbu toke Kambimbiliya o koloneke vilo.
“Ndomo Embimbiliya Lieya Kokuetu” (Omasuli!, ya Kuvala 2007)
Lilongisa ndomo Embimbiliya lia puluka koloseteko vitatu
“Ulandu Woku—Puluka Kuembimbiliya” (Utala Wondavululi No. 4 2016)
Tala ndomo omanu vakuavo va kapelevo kohele omuenyo wavo oco va pongolole Embimbiliya.
Embimbiliya lia kopiyaliwa kuenda oku pongoluiwa olonjanja vialua. Ove o pondola oku kolela ndati kesapulo liaco okuti lia suapo?
“Anga hẽ Embimbiliya ka Lia Suilepo?” (Ocipama ci sangiwa lika vo Internet)
a Ndomo ci ka lomboluiwa Vocipama 07, espiritu sandu ongusu ya pama ya Suku.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
