YOOSOMA 05
Biibiliya Muhupi Muluku Onaaroihela Awe Apinaatamu
Yehova oonivaha etthu ya efaita yinceene, Biibiliya. Nto Biibiliya orina iliivuru 66 saamukhaani. Woonasa wene, nyuwo munniikoha so: ‘Biibiliya okhumme woowi? Tani ori mwaneene Biibiliya?’ Wira naakhule makoho awo, nrowe niwehe moota Biibiliya ophiyale awe mpakha hiyo.
1. Okhala wira Biibiliya olempwale ni atthu, xeeni ohimyaka wira Nuulumo na Muluku?
Biibiliya olempwale ni alopwana 40 ni soovira iyaakha 1600 olempwaka. Eliivuru yoopacerya yaalempwale 1513 Kristu ohinatthi orwa, eliivuru yookiserya elempwale mwaakha 98 nuumala Kristu orwa. Alopwana yaamulepa Biibiliya yaari a makhalelo oovirikana. Akina yaari amakampusi, akina yaatotha ihopa ni akina yaari mamwene. Hata vaari siiso, itthu yaalempe aya sinnivarihana. Vaaweryaneyale sai eyo wiiraneya? Mwaha woowi, Muluku tori mwaneene Biibiliya. (Mmusome 1 aTesaloonika 2:13.) Alopwana ale yaamulepa Biibiliya khahiyo wira yaalepa muupuwelo aya. Ohiya-vo, awo “yaahilavula moolumo a Muluku, yeettihiwaka ni munepa woowaarya”. a (2 Pedru 1:21) Tthiri Muluku aahirumeela munepa awe woowaarya wira owiirihe alopwana awo olepa muupuwelo awe.—2 Timootheyo 3:16.
2. Tani anittottela mureerelo muhupi wa Biibiliya?
“Atthu a maloko otheene, ni a mahimo otheene, ni a mattaava otheene, ni a makhuli otheene” annittottela mureerelo ihapari sooreera siri mBiibiliyani. (Mmusome Wiisuupulula 14:6.) Olelo-va, Biibiliya onniphwanyaneya mattaava manceene ovikana iliivuru sikina. Tthiri Muluku tiirinhe wiiraneya eyo. Nto atthu otheene molumwenkuni anoowerya omusoma Biibiliya, moohicikha nttaava anilavula aya aahiiso elapo anikhala aya.
3. Yehova omukhapelenle sai Biibiliya?
Biibiliya aalempwale sirumeeliwaka itthu sowaakuva ohononeya. Nto vaweryaneyale sai Biibiliya ophiya mpakha olelo-va? Alopwana yaasiveliwa Nuulumo na Muluku yaahikopiyari ni matata ikwaha sinceene ni yaanivaha ephoole yuulupale okathi yaakopiyari aya. Muxankiho mukina okhala wira atthu akina yaarina owerya yaahiimananiha ommala-maliha Biibiliya. Masi hata vari siiso yaahikhala atthu yaalenve okumi aya wira amukhapelele Biibiliya. Tthiri vannooneya wira Yehova aahikhapelela Nuulumo nawe ni khaamweemerenrye mutthu wala etthu emuhiihaka orumeela Nuulumo nawe wira olavule ni hiyo. Eyo ennivarihana ni ele Biibiliya onihimya awe oriki: “Masu a Muluku ahu annikhala mahiku othene”.—Yesaya 40:8.
MWIIXUTTE ITTHU SIKINA
Nwehe moota Muluku aarumme awe alopwana omulepa Biibiliya, moota omukhapelenle awe ni moota omwiirinhe awe Biibiliya ophwanyaneya mattaava manceene wira apinaatamu amusomeke.
4. Ti pani ori Mwaneene Biibiliya?
Nwehe EVIIDIYU. Moottharelana mmusome 2 Timootheyo 3:16, nuumala-vo mwaakhule makoho anittharelana.
-
Xeeni ohimyaka wira Biibiliya Nuulumo na Muluku olempwale ene ni apinaatamu?
-
Niireke nyuwo munnikupali wira Muluku aahaaleela muupuwelo awe apinaatamu yaamulepa Biibiliya?
5. Atthu anceene yaaniphavela ommala-maliha Biibiliya, masi owo ohoopowa
Okhala wira Biibiliya Nuulumo na Muluku, owo oomukhapelela. Atthu anceene yaaniphavela ommala-maliha Biibiliya. Mwa ntakiheryo, okhuma khalai alopwana arina owerya yaahiimananiha ommala-maliha Biibiliya. Ahooleli a itiini khiyaaphavela wira atthu akhalane ni amusomeke Biibiliya. Atthu anceene yaanilupatthiwa, akina yaanoopopihiwa wiiviwa ni anamunceene yaahileva okumi aya wira amukhapelele Biibiliya. Nrowe nimusuwele mulopwana mmosa aapanke eyo, nwehe EVIIDIYU, nuumala-vo mwaakhule makoho anittharelana.
-
Vano musuwenle anyu itthu sinceene atthu apanke aya wira amukhapelele Biibiliya, niireke eyo kheniwiirihani ophavela omusoma? Mwaha wa xeeni?
Musome Esalimo 119:97, nuumala-vo mwaakhule nikoho ninttharelana:
-
Xeeni atthu anceene yaalenve aya okumi aya wira amutaphulele ni omukawa Biibiliya?
6. Eliivuru ya atthu otheene
Biibiliya eliivuru ehireere otaphuleliwa ni okaiwa olumwenku wotheene. Musome Miteko 10:34, 35, nuumala-vo mwaakhule makoho anittharelana:
-
Xeeni Muluku oniphavela awe wira Nuulumo nawe nitaphuleliwe ni okaiwa mattaava manceene?
-
Etthu xeeni enoosivelani vanceene voohimya sa Biibiliya?
Vanikhala wira
atthu ootheene
olumwenku wotheene
anoowerya omusoma Biibiliya nttaava aniiwexexa aya
Onniphwanyaneya mattaava anivikana
3.000
mattaava
Biibiliya ntero aahiiso metaade
Ahimpirimiriwa aBiibiliya 5.000.000.000.
Tthiri Biibiliya eliivuru ehireere wimpirimiriwa,
ovikana iliivuru sikina
ATTHU AKINA ANIHIMYA WIRA: “Biibiliya eliivuru ya khalai elempwale ni apinaatamu”.
-
Nyuwo munoonela sai muupuwelo owo?
-
Itthu xeeni sinooniherya wira Biibiliya Nuulumo na Muluku?
IPONTO SUULUPALE
Biibiliya, Nuulumo na Muluku ni owo ohiiriha wira atthu otheene awerye okhalana Biibiliya.
Wuuluula
-
Biibiliya onihimya wira Muluku aahaaruma atthu omulepa Biibiliya. Eyo enitaphulela exeeni?
-
Etthu xeeni enoosivelani vanceene voohimya sa otaphuleliwa ni okaiwa Biibiliya?
-
Exeeni yoosivenleni mwaha wa Biibiliya owerya woopowa hata atthu anceene yaimananinhe ommala-maliha? Munoonela sai vano musuwenle anyu wira Muluku ohiimananiha wira oosuweliheni Nuulumo nawe?
NWEHE ITTHU SIKINA
Musome yowiiraneya ya Biibiliya okhuma okathi aalempwa awe ni matata ni moota onitaphuleliwa awe olelo-va.
“Moota Biibiliya Ophiyale Awe Mahiku Ahu Ala” (Nvenye!, Novembro, 2007)
Nwehe moota Biibiliya aaphavela awe omala-malihiwa mwa inamuna tthaaru.
“Yoowiiraneya Yoovara Murima ya moota Biibiliya Ooponwe Awe” (Owehaweha No. 4 2016)
Nwehe mixankiho atthu yaarina aya wira amutaphulele Biibiliya.
Biibiliya khoreere otaphuleliwa ni okopiyariwa ikwaha sinceene. Etthu xeeni enrowa wookupalihani wira muhupi awe khoturukiwe?
“Niireke Muhupi wa Biibiliya Khoturukiwe?” (Mwaha ori va jw.org)