ROMNHORÉ 05
Bíblia hã Ropotoꞌwa nhimirowatsuꞌu wama
Jeová ma tô wama tinhoprub dzaꞌra marĩ ĩwẽ uptabi na hã — Bíblia na. Ĩꞌremhã te tihöimana dzaꞌra 66 ĩhöiwarobo norĩ. E ma hawimhã bété Bíblia hã. Duré e ꞌwa nhimirotsaꞌrada te ãma tihöiba. Wa te tsadaꞌöbö dzaꞌra da ãhã dadzadanharĩ norĩ hã wa dza ꞌmadöꞌö dzaꞌra ni e niha Ropotoꞌwai mreme hã ma tô watẽme tiwitsi dzaꞌra.
1. Aibö norĩ te te tsihötö dzaꞌra nherẽ Bíblia hã, e marĩ wa, wa ꞌmahörö dzaꞌra ni Ropotoꞌwai mreme na.
Niꞌwam norĩ 40 na aibö ma tô tsihötö dzaꞌra Ropotoꞌwai mreme hã 1.600 wahub ré hã. a Niꞌwam norĩ Bíblia nhihötöꞌwa norĩ hã poneꞌẽrebö ꞌmadöꞌöꞌwa, peꞌa mramiꞌwa duré rotiꞌwa. Ĩhöimana dzaꞌra dzé hã tô tsena aimawi. Tane nherẽ, uburé ĩhöiwarobo norĩ Ropotoꞌwai mreme ꞌremhã te tsitsarina tihöimana dzaꞌra. E niha bété. Bíblia hã Ropotoꞌwai hawi wa. (Tsõré na 1 Tessalonicenses 2:13.) Õ aibö norĩ tinhimirotsaꞌrada te te tsihötö dzaꞌra õ di. ‘ꞌRe ĩhöimana uꞌötsi mono tsi, ma tô Tipẽꞌẽdzani na te te tãma ꞌre awaihuꞌu, te te dama ꞌre watsuꞌu dzaꞌra mono da.’ b (2 Pedro 1:21) Ropotoꞌwa tipẽꞌẽdzani na ma tô tsitsadawa watsuꞌu õ aibö norĩ ma hã te te tsihötö dzaꞌra da ĩtsimirotsaꞌrada. — 2 Timóteo 3:16.
2. E ꞌwai ma Ropotoꞌwa ma ꞌmanha Bíblia hã.
Ropotoꞌwa ma tô dama ꞌmanha Bíblia hã ‘dapoto mono bö duré damreme tsipoꞌo mono bö ꞌre ĩdahöimana dzaꞌra mono norĩ ma’. (Tsõré na Apocalipse 14:6.) Taha da Ropotoꞌwa ma ꞌmanha Bíblia da te ãma tsaprĩ da damreme ahö na tsiwaꞌru ĩhöiwarobo ĩhöiba amo norĩ nhipai u. Taha wa, Tiꞌai mono bö tsada hã da te tsõré dzaꞌra da Ropotoꞌwai mreme hã datsimreme na.
3. E niha Jeová ma tô aimapa Bíblia ꞌwawi.
Roꞌwapé norĩ nherẽ marĩ te te roꞌwaꞌrutu waihuꞌu õ di Jeová wi tinhimirowatsuꞌu te te wama ropé dzaꞌra tõ da. Ãma ĩtsimiré, Ropotoꞌwai mreme ma tô tsihötö ni ĩhöiwarobo norĩ na hã, abadzei hö ꞌmanharĩ na hã duré tsuwaipo ne ꞌmanharĩ na hã. Ta norĩ tsiꞌutõrĩ waihuꞌu petse di. E niha tawamhã Ropotoꞌwai mreme ma tô watẽme tiwitsi dzaꞌra. Aibö te te ĩtsawi petse dzaꞌra norĩ Ropotoꞌwai mreme hã ma tô tsimiꞌẽ na te te ꞌre anhihötö dzahu ãma wahu mono tsidöpötsi. Nimahã dama ĩpire norĩ duré ma tô ꞌwapé dzaꞌra Ropotoꞌwai mreme te te tsiwi uprotsi da. Tane nherẽ, niꞌwam norĩ döꞌö dzaꞌra da nherẽ, ma tô ĩꞌwawi hã ꞌre tsimapa dzaꞌra. 1 Pedro 1:25 te te ĩnharĩ ne: ‘Uburé Danhibꞌapito nhimiroti hã õne uꞌö te dza ꞌre höimana.’
WAIHUꞌU DURÉ
Te dza ĩꞌuptsibi me e niha Ropotoꞌwa ma tô rétsi aibö norĩ timreme hã te te tsihötö dzaꞌra da. Te dza duré ĩtsadaihu e niha õ hã ma tô ĩꞌwawi aimapa duré e marĩ ma ꞌmanha aihĩni da te tsõré dzaꞌra da ĩmreme.
4. Ropotoꞌwai mreme te höiꞌré tiꞌmanharĩꞌwa
ꞌMadöꞌö aba ĨROPODO. Taha parimhã atsiré tsõré aba 2 Timóteo 3:16 duré atsima robdzanhamri aba ãhã dadzadanharĩ norĩ ãma piꞌrebamhã:
-
Aibö norĩ te te tsihötö dzaꞌra nherẽ Bíblia hã, e marĩ wa, wa ꞌmahörö dzaꞌra ni Ropotoꞌwai mreme na hã.
-
Ropotoꞌwa e tô tsena ma tô tsitsadawa watsuꞌu aibö norĩ ma hã Tiꞌai ãma. E niha te ĩrotsaꞌra.
Dapawaptoꞌwa te te tsihötö nherẽ romnhihödö, rowatsuꞌu ĩwatsuꞌuꞌwai hawimhã. Ãne duré, aibö norĩ ma tô tsihötö dzaꞌra Bíblia hã, tane nherẽ rowatsuꞌu hã Ropotoꞌwai hawimhã.
5. Da te ꞌwapé dzaꞌra nherẽ, Ropotoꞌwai mreme hã te ꞌre höimana uꞌötsi
Bíblia hã Ropotoꞌwai mreme wa, te ĩꞌwawi ꞌre tsimapa mono. Bödö ãma morĩ mono tsidöpötsi dama ĩpire norĩ ma tô ꞌwapé dzaꞌra Ropotoꞌwai mreme te te uprotsi dzaꞌra da. Danhibꞌihöꞌa norĩ danhimidzadze na, duré te te tsima wẽ dzaꞌra õ di Ropotoꞌwai mreme da te tsõré dzaꞌra da. Tadzahã, niꞌwam norĩ döꞌö dzaꞌra da nherẽ, ma tô ꞌre tsimapa dzaꞌra ãhã ĩhöiwarobo ꞌwawi. Wa dza waihuꞌu dzaꞌra ni aibö ãne te te ĩꞌmanharĩ hã. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
Waihuꞌu parimhã uburé Ropotoꞌwai mreme dzô ĩwatobrodzé, e aima tsõré dze ti dza danhipai u. E marĩ wa.
Atsiré tsõré aba Salmo 119:97. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ wa daꞌahö na ma tô ãma tsaprĩ dzaꞌra ni duré ma tô dama ãma ropé dzaꞌra ni Ropotoꞌwai mreme hã dadöꞌö dzaꞌra da nherẽ.
6. Ĩhöiwarobo aihĩni ma
Ropotoꞌwai mreme hã ĩhöiwarobo danhipai u da te ãma ĩtsaprĩ duré da te dama ãma ĩropé ĩhöimana hã. Atsiré tsõré aba Atos 10:34, 35. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E marĩ wa Ropotoꞌwa te tsima wẽ timreme da te ãma tsaprĩ da hã duré da te dama ãma ropé da hã damreme ahö uptabi na hã.
-
E marĩ na ma tô danhipai u atobꞌudzu Ropotoꞌwai mreme na.
Tsada hã aré
aihĩni
norĩ tiꞌai ãma
da te tsõré dzaꞌra da Ropotoꞌwai mreme hã damreme da te ĩtsadaihuꞌu dzaꞌra na hã
Te tihöiba damreme norĩ
3 mil
nhipai u
Ropotoꞌwai mreme hã wahuré niwamhã ĩpoꞌo mono na
5 bilhões
Taha ꞌremhã Ropotoꞌwai mreme dzaꞌratadzé da te ĩꞌmanharĩ hã,
tsaꞌẽtẽ di ĩhöiwarobo ĩhöiba amo norĩ nhipai u
NIꞌWAM NORĨ TE NHARĨ DZAꞌRA ÃNE: “Ropotoꞌwai mreme hã taré ĩhöiwarobo ĩꞌrada aibö nhimiꞌmanharĩ.”
-
E niha te ãma ĩrotsaꞌra.
-
E marĩ te höiꞌré Bíblia hã tô tsena Ropotoꞌwai mreme na hã.
ĨWAIHUꞌUDZÉ HÃ
Bíblia hã Ropotoꞌwai mreme, taha wa õ hã ma tô ꞌmanha höimana da aihĩni ma hã.
Ãma aipoꞌre puꞌu
-
Ropotoꞌwa ma tô tsitsadawa watsuꞌu aibö norĩ ma timreme te te tsihötö dzaꞌra da. E marĩ tahã te ãma tinha.
-
E marĩ na ma tô ãma atobꞌudzu Ropotoꞌwai mreme ãma ĩtsaprĩdzé, dama ãma ĩropédzé duré ĩtsiꞌutõrĩꞌõdzém na hã.
-
Ropotoꞌwa ma tô tsada tinhiptete timreme te te aima tsõmri da. E niha te ãma ĩrotsaꞌra.
TSÔ AIRĨTĨ DURÉ
Tsõré na Ropotoꞌwai mreme ꞌmanharĩdzé watsuꞌu — ĩhöiwarobo ĩꞌrata norĩ hawi ãma ĩtsaprĩdzém norĩ u ã bötö na.
“E niha Ropotoꞌwai mreme ma tô watẽme tiwitsi dzaꞌra.” (Atsimidzaꞌretse!, novembro 2007 na)
Uptsibi me na e niha Ropotoꞌwai mreme ma tô ꞌre höimana tsiꞌubdatõ ropipa tsô watobro nherẽ.
“Bíblia hã — ma tô ꞌre höimana ropipa nherẽ” (Roꞌmadöꞌöꞌwa, n.º 4 2016 na)
ꞌMadöꞌö e niha niꞌwam norĩ ma tô ãma tsaprĩ dzaꞌra Ropotoꞌwai mreme ropipa nherẽ.
Ropotoꞌwai mreme hã ma tô tsihötö ni duré ma tô ãma tsaprĩ ahö ni. E marĩ dzarina aima waihuꞌu petse di Ropotoꞌwa nhimirowatsuꞌu tô õne uꞌötsi na hã.
“E ma tô wamnarĩ ni Ropotoꞌwai mreme watsuꞌu hã.” (Ĩtsihötödzé jw.org na)
a Ropotoꞌwai mreme nhihötödzé ma tô tinhanaꞌrata wahum na 1513 Cristo wana ré duré ma tô tiꞌrãtsutu wahum na 98 Cristo parimhã.
b Romnhoré 7 ãma wa dza waihuꞌu dzaꞌra ni Ropotoꞌwa pẽꞌẽdzani, niwamhã Ĩhöiba Tsãmriꞌõ Ĩpe, ĩtsiptetedzém na hã duré ĩhawimhã marĩ te te ĩꞌabꞌmanharĩ na hã te te tsima ĩwẽdzéb dzarina.
