LESIONY 05
Ló la Biblia sieed ni racladx Dios ganno
La Biblia nac toib galrrascad sacróyen ni bidudy Dios lóono né napni 66 libros. Per sigory ranabdiitzlo: «¿Pu bireʼ la Biblia? ¿Chú bicaʼ láani?». Par labúu ganno mod rarexa galrranabdiitz reʼ, guisuidyno ximod labúu bidxin la Biblia dada ló xtzúno.
1. Pal buñgudxlio bicaʼ la Biblia, ¿xigony ranino que nacni Xtiitz Dios?
Midid 40 buñ bicaʼ la Biblia né gadzéga dxiin bunyibu. Gosaló cuáni ló íz 1513 antes de xtzúno né bilox cuáni ló íz 98 ló xtzúno. Né gocla cuáni 1.600 íz. Ná scú radzakni saʼni. ¿Xigony? Portín Dios bisaʼ láani (bíil 1 Tesalonicenses 2:13). Buñ ni bicaʼ la Biblia diti bicaʼyibu xpensaryibu. Xalagary ngú, «buñ goniʼ ni ná Dios portín espíritu santo bichiin layibu» (2 Pedro 1:21). a Dios biquiin espíritu santo xtuny par bichiin layibu nacaʼyibu ni ná Dios (2 Timoteo 3:16).
2. ¿Chú labúu goʼol la Biblia?
Diitz sacró ni sieed ló la Biblia labúu gacnéni, «guirá gudxrop, famil, diitz né gudx» (bíil Apocalipsis 14:6). Dios ma goleʼ láani ló xidalguixo diitz. Diti noʼ stoib libro ni ma góc traducir xomod láani. Casi guiránac buñ labúu gan ni ná la Biblia nac nitisi lagary ro rabésyibu o diitz ni raniʼyibu.
3. ¿Ximod gon Jehová la Biblia?
La Biblia cuáni ló guiich papiro, ló guidlaidy nimal né naguel rioʼxni. Per xidal buñ ni gondxiʼ la Biblia bicaʼyibu láani né ñayibu, biyopyibu mod bunyibu láani. Ná goyoʼ buñ mal ni goniiny nanitló láani, láaca goyoʼ buñ ni gon láani ná goyoʼ riesga ñaityibu. Jehová diti radudy lagary tzoʼ ni guicaa lóbu par guininébu lóono. La Biblia ná que Xtiitz Dios, noʼni por tipzó (Isaías 40:8).
NANOY GUISUIDYNO LÁANI
Guisuidyno más ximod gocné Jehová buñ par bicaʼ la Biblia. Láaca guisuidyno xi guirá bunybu par gonbu la Biblia né par labúu goʼol buñ láani.
4. La Biblia raiby lóono chú bisaʼ láani
Colguibiʼ VIDEO reʼ. De ngú colgoʼol 2 Timoteo 3:16 né colgooy xtiitzni:
-
Pal buñgudxlio bicaʼ la Biblia, ¿xigony ranino que nacni Xtiitz Dios?
-
¿Labúu gapno confianz que Dios bichiin buñgudxlio par bicaʼ la Biblia la?
Secretario racaʼ guiich per ni cayaiby láabu xi guicaʼbu ngú xpatronbu. Scúca nac né la Biblia: buñgudxlio bicaʼ láani per guirá ni sieed loni nacni xtiitz Dios.
5. Diti labúu binitlóyibu la Biblia
La Biblia nacni Xtiitz Dios, por ngú ranbu láani. Desde ló dzú ni see buñ ni nap galmandary goniiny nanitlóyibu la Biblia. Láaca goyoʼ buñ ni gosanir ló religión ni diti goniiny ñoʼol buñ la Biblia. Per ná scú, xidal buñ goyoʼ ló riesga ñaity par nalaa láani. Par labúu guimbuto toibticayibu, colguibiʼ VIDEO reʼ né colgooy xtiitzni:
-
Ni ma nanlo ximod bilaa la Biblia, ¿raniiny looy goʼolo láani la? ¿Xigony?
Colgoʼol Salmo 119:97 né colgooy xtiitzni:
-
¿Xí láani bichiin xidal buñ par buny traduciryibu la Biblia né par nakiʼsyibu láani, ná goyoʼ riesga ñaityibu?
6. Toib libro ni noʼ par guiráxadit buñ
Diti noʼ stoib libro ni ma góc traducir né ragaisy xomod la Biblia. Colgoʼol Hechos 10:34, 35 né colgooy xtiitzni:
-
¿Xigony raniiny Dios gac traducir la Biblia ló xidal diitz ni raniʼ buñ né guigaisni xidal lagary?
-
¿Xí láani más rioladxlo ni ná la Biblia?
Casi
100%
de buñ ni noʼ ló guidopynac Gudxlio
labúu roʼol la Biblia ló xtiitz
Ma noʼni ló más de
3.000
diitz ni raniʼ buñ,
guidopycani o tigalaʼni
5.000 millón
Casi cantida de biblias reʼ ma bireʼ ló guiich.
Más que nitisi libros
TIPNÉS BUÑ NÁ: «La Biblia ma xidzú de goló cuáni né buñgudxlio bicaʼ láani».
-
¿Xí ronylo pensary de láani?
-
¿Xí prueby noʼ que la Biblia nacni Xtiitz Dios?
¿XÍ BISUIDYLO?
La Biblia nacni Xtiitz Dios, né láabu racaabu cuidad que guirá buñ gap la Biblia.
Repas
-
¿Xí radudy diitz que Dios golonés buñgudxlio par nacaʼ la Biblia?
-
¿Xí láani radziguiaʼlo ni bidxin la Biblia dada ló xtzúno? ¿Né xí labúu naniʼlo mod góc traducirni né mod bigaisyni ló guidopynac Gudxlio?
-
¿Ximod rasaclo por guirá ni ma buny Dios par labúu guininébu looy?
PAR GANLO MÁS
Bíil historia xtuny la Biblia: desde guiichgool ni cuá nírcu né dada traducciones ni noʼ ló naareʼ.
«¿Ximod bidxin la Biblia dada ló xtzúno?» (¡Despertad!, noviembre íz 2007)
Bíil ximod la Biblia diti binitlóni ná gopni tzón enemig.
Bibiʼ xi riesga cualó buñ par labúu bicaʼyibu la Biblia.
Noʼ xidal copias né traducciones xtuny la Biblia. ¿Xigony labúu gaplo confianz que ni ná la Biblia diti ma bidzaʼni?
«¿Noʼ ni ma bitzaʼ ni ná la Biblia la?» (Artículo ni sieed ló jw.org)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
