DUNGU 06
¿Cheu tuhui tati mongen?
Biblia eipi “Ngünechen deumabilu com mapu ca com mülelu tübamu” (Hechos 17:24). ¿Mupituquimi (beyentuquimi)? Quiñeque eipiqui “huebpai tati mongen müten, iñi no ume deumalai chem no ume”. Caque che raquiduamqui “Chau Dio deumaiñmu”. Huelu, ¿chem piabüimi? ¿Ngünam pemai mülepaiñ tübamu? a ¿Chemu eipiabüimi chem pilen Biblia, Chau Dio deumai com? Peaiñ.
1. ¿Chumngechi deumai Chau Dio mapu ca huenu mapu?
Biblia eipi: “Mülequelabüi chem no ume, Chau Dio deumai mapu ca huenu mapu” (Génesis 1:1). Quiñeque cientifico eipiqui “bütra cuibi mülequelabüi chem no ume”. Huelu, ¿chumngechi Chau Dio deumai com? Quidu ñi nehuen mu, deumai mapu, huangülen, cüyen ca antü (Génesis 1:2).
2. Chau Dio, ¿chumal deumabi tati mapu?
Jehová “ngünam deumalabi” tati mapu, “quidu deumabi tañi müleal pu che” (Isaías 45:18). Quidu müna cümelcacünobi ca elubi com ñi duamnel pu che tañi nieal abquenochi ayühun (papiltunge Isaías 40:28; 42:5). Pu cientifico quimlaingün ca planeta bemngelu, mapu müten.
3. ¿Chemu culliñ reque bemngelaiñ?
Chau Dio deumalu mapu hula, elcünoi mongen, apoli mapu, anüm mu ca culliñ. Beimu hula “Chau Dio deumabi tati che quidu reque bemngelu” (papiltunge Génesis 1:27). ¿Chemu culliñ reque bemngelaiñ? Chau Dio reque, pengelabüiñ piuqueyen ca norchengen. Cabei deumaiñmu taiñ quimal hueque dungu ca ayüucüleal. Cabei iñchiñ müten hueniyeabüiñ Chau Dio.
DOI CÜME QUIMNGE
¿Chemu maneluhuabüiñ Jehová ñi deuman com? ¿Chemu maneluhuabüiñ tati Biblia tañi eipilen mu? Pu che ñi bemngen mu, ¿chem quimelelqueiñmu Chau Ngünechen mu?
4. Com mongelelu deumangi
Pu che quintulqui tañi chumngen pu culliñ, pu challhua, pu üñüm, beimu deumaquingün hueque dungu, beimu tati pu che bemquelu yamnengequi engün. Huelu, ¿yamnequebi engün Chau Dio, tañi deumalu com? Quintulbe tati VIDEO. Quintulngele hula ngütramcaabiiñ tübachi ramtun:
-
¿Chem com ñi deumal Chau Dio inaquebi tati pu che?
Quiñe ruca deumangequi, huelu, ¿iñi deumai com mülelu? Papiltoiñ Hebreos 3:4. Papiltungele hula ngütramcaabiiñ tübachi pu ramtun:
-
Chau Dio com tañi deuman, ¿chem amatuqueimu?
-
¿Mupituquimi Chau Dio ñi deuman com? ¿Chemu?
¿Quimquebüimi?
Internet mu, jw.org mu doi peabüimi papil ca video. Amunge cheu eipi “¿Deumangepi mai?” ca “¿Chem raquiduamqui pu che cheu ñi tuhun tati mongen?”
“Mai, com ti ruca deumabi quiñe che, huelu deumalu com tati müleyelu Chau Dio ngi”.
5. Maneluhuabüiñ Biblia ñi eipin, chumngechi ñi deumangen com
Génesis tañi hunen capitulo eipi chumngechi deumangi mapu ca chumngechi deumangi com mülelu bei mu. ¿Maneluupeabüimi mai tübachi dungu mu? Quintulbe tati VIDEO. Quintulngele hula ngütramcaabiiñ tübachi pu ramtun:
-
¿Quimelelquepi mai Biblia ñi deumangel mongen mapu ca com mülelu bei mu, 6 antü mu 24 hora?
-
¿Mupituquimi Biblia ñi eipilen, chumngechi ñi deumangen com? ¿Chemu?
Papiltoiñ Génesis 1:1. Papiltungele hula, ngütramcaabiiñ tübachi ramtun:
-
Pu cientifico eipiquingün petu ñi mülenon mapu ca huenu mapu, mülequelabüi chem no ume. ¿Ca bemngechi eipiquepi mai huiriconcülelu Biblia mu?
Quiñeque pu che raquiduamqui Chau Dio deumai quiñeque culliñ müten, huelu caque culliñ, cabei pu che, huebpai evolucion mu, piquingün. Papiltoiñ Génesis 1:21, 25, 27. Papiltungele hula ngütramcaabiiñ tübachi pu ramtun:
-
¿Chem quimelelqui Biblia? ¿Chumngechi müleyepoi pu che ca pu culliñ?
6. Iñchiñ culliñ reque bemngelaiñ
Iñchiñ trürngelaiñ culliñ mu. Papiltoiñ Génesis 1:26. Papiltungele hula ngütramcaabiiñ tübachi pu ramtun:
-
Chau Dio deumaiñmu quidu reque, beimu piuqueyeiñ ca cutranduamyeiñ. ¿Chem pimi? ¿Ca bemngepi mai Chau Dio?
QUIÑEQUE CHE EIPIQUI: “Biblia ñi ngütram Dio ñi deuman com, rübngelai”.
-
¿Chem raquiduamimi? ¿Chemu?
CHEM PEIÑ TÜBAMU
Chau Dio deumai com mülelu, mapu ca huenu mapu.
Chem quimeleleiñmu tüba
-
Biblia tañi eipin, ¿chumngechi deumangi mapu ca huenu mapu?
-
Biblia tañi eipin, ¿chumngechi müleyepoi pu che ca pu culliñ?
-
¿Chemu culliñ reque bemngelaiñ?
HUIRINTUCUABÜIMI TAMI TUCULPAAL
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
