LEKSIYON 06
Paano Nagkaigwa nin Buhay?
“An burabod nin buhay yaon sa [Diyos].” (Salmo 36:9) Tubod ka diyan? May mga naniniwala na an buhay basta na sana naglataw. Kun totoo iyan, buot sabihon nagkataon lang na nabuhay kita. Pero kun linalang kan Diyos na Jehova an buhay, buot sabihon may dahilan kaya nabubuhay kita, bako daw? a Pag-isipan an sinasabi kan Bibliya sa kun paano nagpuon an buhay saka kun taano ta kapani-paniwala iyan.
1. Paano nagkaigwa nin uniberso?
Sinasabi kan Bibliya: “Sa kapinunan, linalang nin Diyos an kalangitan asin an daga.” (Genesis 1:1) Uyon an kadaklan na siyentista na an uniberso may kapinunan. Paano iyan ginibo nin Diyos? Ginamit niya an saiyang “aktibong puwersa”—an saiyang banal na espiritu—tanganing gibuhon an bilog na uniberso, kaiba na an mga galaksiya, mga bituon, saka mga planeta.—Genesis 1:2.
2. Taano ta ginibo nin Diyos an planetang Daga?
‘An daga dai linalang ni Jehova na mayong katuyuhan, kundi hinaman iyan tanganing istaran.’ (Isaias 45:18) Ginibo niya an satong planetang Daga para magin komportableng istaran kan mga tawo sagkod pa man. (Basahon an Isaias 40:28; 42:5.) Sinasabi kan mga siyentista na an Daga espesyal na marhay, asin na ibang-iba iyan kisa sa ibang planeta. Mayo sindang nahiling na ibang planeta na igwa kan gabos na kaipuhan nin tawo para mabuhay.
3. Paano naiiba an mga tawo sa mga hayop?
Pagkatapos na gibuhon ni Jehova an Daga, linalang niya an buhay diyan. Inot, naglalang siya nin mga pananom asin mga hayop. Dangan, “linalang nin Diyos an tawo uyon sa saiyang ladawan.” (Basahon an Genesis 1:27.) Paano naiiba an mga tawo sa mga hayop? Dahil linalang kita uyon sa ladawan nin Diyos, may kakayahan kitang ipahiling an saiyang mga kuwalidad, arog kan pagkamuot asin hustisya. Linalang niya man kita na may kakayahan na makanuod nin mga lengguwahe asin ikaugma an magagayon na bagay saka musika. Saka bakong arog nin mga hayop, may kakayahan kitang ipahiling an satong pagkamuot saka paggalang sa satong Kaglalang.
ARAMON PA
Pag-isipan an mga patunay na dinisenyo an buhay asin na kapani-paniwala an pagkasaysay kan Bibliya sa paglalang. Aramon kun ano an manunudan ta manungod sa Diyos base sa mga kuwalidad nin tawo.
4. May nagdisenyo kan buhay
Inuumaw an mga tawo sa mga disenyong kinopya ninda sa kapalibutan. Kaya siisay talaga an dapat umawon sa mga disenyo na inarog lang ninda? I-play an VIDEO, dangan pag-ulayan an hapot na ini:
-
Anong mga disenyo an kinopya nin mga tawo sa kapalibutan?
An lambang harong may nagdisenyo saka naggibo. Pero siisay an nagdisenyo saka naggibo kan gabos na bagay sa kapalibutan? Basahon an Hebreo 3:4, dangan pag-ulayan an mga hapot na ini:
-
Anong mga disenyo sa kapalibutan an hinahangaan mo?
-
May basehan daw na maniwala na may nagdisenyo sa uniberso asin sa gabos na yaon diyan? Taano?
Aram mo daw?
May mahihiling kang mga artikulo asin video manungod digdi sa jw.org/bcl sa seryeng “May Nagdisenyo Daw Kaini?” saka “Opinyon Dapit sa Ginikanan nin Buhay.”
“Siyempre, an lambang harong igwa nin nagtugdok, alagad an nagtugdok kan gabos na bagay iyo an Diyos”
5. May masarig na basehan para maniwala na totoo an pagkasaysay kan Bibliya sa paglalang
Sa Genesis kapitulo 1, isinaysay kan Bibliya an kapinunan kan daga asin kan buhay diyan. Totoo daw iyan, o uruistorya sana? I-play an VIDEO, dangan pag-ulayan an mga hapot na ini:
-
Itinutukdo daw kan Bibliya na an Daga saka an buhay diyan linalang sa laog nin anom na aldaw na may tig-24 oras?
-
Sa hiling mo, an pagkasaysay daw kan Bibliya sa paglalang may basehan asin kapani-paniwala? Taano ta nasabi mo iyan?
Basahon an Genesis 1:1, dangan pag-ulayan an hapot na ini:
-
Sinasabi kan mga siyentista na an uniberso may kapinunan. Sa hiling mo, kauyon daw iyan kan nabasa mo pa sana sa Bibliya?
May mga nag-iisip na tibaad linalang nin Diyos an buhay paagi sa ebolusyon. Basahon an Genesis 1:21, 25, 27, dangan pag-ulayan an mga hapot na ini:
-
Itinutukdo daw kan Bibliya na ebolusyon an ginamit nin Diyos para magkaigwa nin sira, iba pang mga hayop, asin mga tawo? O linalang niya an gabos na manlain-lain na “klase” nin buhay? b
6. An mga tawo espesyal na mga linalang nin Diyos
Ibang-iba kita sa mga hayop na linalang ni Jehova. Basahon an Genesis 1:26, dangan pag-ulayan an hapot na ini:
-
Dahil linalang kita uyon sa ladawan nin Diyos, ano an itinutukdo saimo manungod sa personalidad nin Diyos kan satong kakayahan na magpahiling nin pagkamuot asin pagmalasakit?
MAY MGA NAGSASABI: “Mga uruistorya man sana an sinasabi kan Bibliya manungod sa paglalang.”
-
Ano sa hiling mo? Taano ta nasabi mo iyan?
SUMARYO
Linalang ni Jehova an uniberso saka an gabos na buhay.
Rebyu
-
Ano an itinutukdo kan Bibliya sa kun paano nagpuon an uniberso?
-
Ginamit daw nin Diyos an ebolusyon para magkaigwa nin manlain-lain na klase nin buhay, o linalang niya an mga iyan?
-
Taano ta espesyal an mga tawo?
HILINGON MAN
Aramon an mga disenyo na mahihiling sa kapalibutan na nagpapatunay na may nagdisenyo kaiyan.
“Ano an Itinutukdo kan Naturalesa?” (Magmata!, Setyembre 2006)
Hilingon kun paano puwedeng ipaliwanag nin sarong ama sa saiyang aki an pagkasaysay kan Bibliya sa paglalang.
Pag-isipan kun puwedeng magin parehong tama an Bibliya saka an ebolusyon.
Siyasaton kun baga linalang an buhay o iyan basta na sana naglataw base sa mga fossil record o eksperimento kan mga siyentista.
a Pag-uulayan sa Leksiyon 25 kun anong buhay an gusto nin Diyos para sa mga tawo.
b An “klase” na sinasabi digdi kan Bibliya iyo an dakulang grupo nin buhay na mga linalang.
Puwede Mo Man Magustuhan
PARATING MGA IHINAHAPOT
Ano an Pag-adal sa Bibliya na Iinaalok kan mga Saksi ni Jehova?
Sa interactive na programa nin pag-adal na iinaalok kan mga Saksi ni Jehova, puwede mong gamiton an arin man na traduksiyon nin Bibliya. Dai mag-alangan na imbitaran an saimong bilog na pamilya o an siisay man sa mga amigo mo na umiba saimo.
