PELAJAREN 06
Uga nge Tangtangna Lit Kegeluhen?
“[Dibata] kap sumber kegeluhen.” (Masmur 36:9) Tek nge kam kerna si e? Piga-piga kalak erpengakap maka kegeluhen lit labo perban iciptaken tapi terjadi bage-bage saja. Adi payo kin bage, la lit si banci njelaskenca engkai maka kita lit i doni enda. Tapi adi kegeluhen enda lit perban iciptaken Dibata Jahwe, pasti lit tujunNa nciptaken kita. a Mari sibahas kai nina Pustaka si Badia kerna uga tangtangna lit kegeluhen. Sibahas ka kari engkai maka penjelasen Pustaka si Badia e masuk akal.
1. Uga tangtangna lit alam semesta enda?
Nina Pustaka si Badia, “Tangtangna iciptaken Dibata langit ras doni.” (Kejadin 1:1) Teremen ilmuwan setuju maka alam semesta enda lit nge awal mulana. Uga cara Dibata nciptaken alam semesta enda? PakeNa ‘kuasaNa’ eme kesah si badiaNa guna erban kerina si lit bas alam semesta, termasuk galaksi, bintang ras planet.—Kejadin 1:2.
2. Kai tujun Dibata nciptaken doni enda?
Jahwe “nciptaken [doni] labo perban la lit tujunna tapi guna iingani.” (Jesaya 45:18) Iban Dibata doni enda jadi ingan tading si cocok man manusia janah berekenNa kerina si iperluken manusia guna nggeluh seh rasa lalap. (Baca Jesaya 40:28; 42:5.) Enterem ilmuwan si ngataken maka doni enda beda ras planet-planet si deban. Bas doni enda ngenca lit kerina si iperluken manusia gelah banci nggeluh.
3. Kai kelebihen manusia si la lit bas binatang?
Kenca ciptaken Jahwe doni enda, ciptakenNa ka sinuan-sinuan ras binatang. Kenca si e, “Ciptaken Dibata me manusia si mirip ras Ia.” (Baca Kejadin 1:27.) Kai kelebihen manusia si la lit bas binatang bage pe bas sinuan-sinuan? Kita iciptaken mirip ras Dibata, emaka sipat-sipatta mirip ras sipat-sipatNa, contohna sipat perkeleng ras adil. Sanga nciptaken kita, iban Jahwe kita banci erlajar bahasa, meriah siakap megiken musik janah meriah siakap ngenen kai si mejile. Selain si e, banci silakoken kai si la banci ilakoken binatang, eme engkelengi ras ngergai Penciptata.
PELAJARI TERBAGESEN
Sibahas kari bukti-bukti si ncidahken maka Dibata nge si nciptaken mahluk hidup. Sibahas ka kari engkai maka penjelasen Pustaka si Badia kerna penciptan e masuk akal. Janah banci kari sipelajari kerna Dibata arah sipat-sipat manusia.
4. Dibata kap si nciptaken mahluk hidup
Manusia rusur ipuji perban rancangenna amin pe rancangenna e usihna arah alam. Situhuna, Dibata nge si arus ndatken pujin si terbelinen, sebap Ia me si nciptaken kerina si lit bas alam. Putar VIDEO, kenca si e bahas penungkunen enda.
-
Rancangen kai saja si usih manusia arah alam nari?
Tiap rumah lit si ngerancangsa ras si mbangunsa. Tapi ise nge si ngerancang ras mbangun kerina si lit bas alam? Bacalah Heber 3:4, kenca si e bahas penungkunen-penungkunen enda:
-
Ciptan si apai nge si menarik akapndu?
-
Masuk akal nge akapndu adi ikataken maka alam semesta enda ras kerina isina, Dibata si nciptakenca? Engkai maka bage nindu?
Tehndu nge?
Bas jw.org banci sibaca artikel ras sitonton video si mbahas kerna si enda bas bagin “Apakah Ini Dirancang?” ras “Pendapat tentang Asal Mula Kehidupan.”
“Tiap rumah lit si mbangunsa, tapi si mbangun kerinana eme Dibata”
5. Penjelasen Pustaka si Badia kerna penciptan e masuk akal
Bas Kejadin pasal 1, ijelasken Pustaka si Badia uga kin tangtangna doni enda lit, janah uga tangtangna lit kegeluhen. Banci nge kita tek man penjelasen e, ntah si e cerita si la tuhu saja? Putar VIDEO, kenca si e bahas penungkunen-penungkunen enda.
-
Lit nge iajarken bas Pustaka si Badia maka doni ras kerina isina iciptaken bas waktu enem kali 24 jam?
-
Adi menurutndu, masuk akal nge penjelasen Pustaka si Badia kerna penciptan? Engkai maka bage nindu?
Bacalah Kejadin 1:1, kenca si e bahas penungkunen enda:
-
Ikataken ilmuwan maka alam semesta enda lit awal mulana. Adi menurutndu, cocok nge kai si kataken kalak e ras ayat ndai?
Lit si erpengakap maka ciptaken Dibata mahluk hidup arah evolusi. Bacalah Kejadin 1:21, 25, 27, kenca si e bahas penungkunen-penungkunen enda:
-
Menurut kalak e, ciptaken Dibata sada sel, dungna sel e berubah jadi erbage-bage mahluk hidup. Lit nge iajarken bas Pustaka si Badia maka Dibata nciptaken ikan, binatang, ras manusia arah evolusi? Ntah, tangtangna nari nge enggo iciptaken Dibata “erbage-bage” mahluk hidup?
6. Manusia iciptaken Dibata la seri ras binatang
Jahwe si nciptaken manusia ras binatang. Tapi iciptakenNa manusia la seri ras binatang. Bacalah Kejadin 1:26, kenca si e bahas penungkunen enda:
-
Manusia banci ncidahken sipat-sipat bagi perkeleng ras perkuah ate perban kita iciptaken mirip ras Dibata. Emaka kai si banci sisimpulken kerna sipat-sipat Dibata?
LIT SI NGATAKEN: “Labo tuhu si ikataken Pustaka si Badia kerna penciptan.”
-
Uga menurutndu? Engkai maka bage nindu?
KESIMPULEN PELAJAREN ENDA
Jahwe si nciptaken alam semesta ras kerina mahluk hidup.
Kai si Enggo Sipelajari?
-
Kai si iajarken Pustaka si Badia kerna uga tangtangna alam semesta enda lit?
-
Arah evolusi nge Dibata nciptaken mahluk hidup, ntah tangtangna nari enggo ciptaken Dibata erbage-bage mahluk hidup?
-
Engkai maka manusia la seri ras binatang?
DARAMI TERBUEN
Ciptan mbuktiken maka lit Pencipta.
Nenlah uga sekalak perbapan njelasken uga nina Pustaka si Badia kerna penciptan man anakna si kitik denga.
Cocok nge ajaren evolusi ras Pustaka si Badia?
“Arah Evolusi nge Dibata Nciptaken Erbage-bage Mahluk Hidup?” (Artikel web)
Menurut bukti-bukti, bagi fosil ntah tulan-tulan si enggo ndekah bas taneh bage pe arah penelitian, mahluk hidup iciptaken ntah lit arah evolusi?
Asal Mula Kehidupan—Lima Pertanyaan yang Patut Direnungkan (brosur)
a Bas pelajaren 25, sibahas pagi kai tujun Dibata nciptaken manusia.
