BAG I 06
Yôg toʼdʼà ndùke?
“Nummbe tumnsi ntse yôg bʼa mbañ [Nsi].” (Yobkwi 36:9) O bam yennà ké? Bwoñ benntùn num ntshob mbe taʼ ngabom ke bwe. A be zʼa bʼa nenùn nà, mba yôg toʼdʼà tùʼ i. Ndaʼndù, a be zʼa bʼa Yaweh Nsi bèn nabte njoñ tshu fa là, mbʼa ghù taʼ nkwade mfà num tshu tsʼa nabte là. * Yen ju ze Ñwaʼni Nsi tshwèt ntshob mfà num mba yôg toʼde yi là mbèn njen ju zʼa ghù o kuʼni nebam yennà là.
1. Nsitshaʼ bo kamànyam fe à yà?
Ñwaʼni Nsi mbe: “Netoʼde, Nsi nabte kamànyam bo tshaʼa.” (Netoʼde 1:1) Bwoñ ghatswide zenu njù num mbam mbe kamànyam bo nsitshaʼ ghù ntoʼde mi. Nsi nabte tshen tshu lʼà ndùke? A loʼ ze “neta”—zʼa be ywèt nelàne—num nenabte njoñ tshu fa, kamànyam, nsa, ba dùʼntswe boa tsemoʼ tshu.—Netoʼde 1:2.
2. Numke Nsi naʼ nabte nsitshaʼ à?
Yaweh Nsi naʼ ke nabte tshaʼ à “ndù a be bànbàn, là, ndù benntùn nke ntswe bwe.” (Esaya 45:18) A nabte nsitshaʼ, taʼ mbwô dùʼntswe num benntùn nyiañtu matmat. (Siañ Esaya 40:28; 42:5.) Zenu njù tshwèt ndaʼde mbe moʼ dùʼntswe mba nsitshaʼ là keʼ be. A bʼa ndaʼ num nsitshaʼ ze benntùn nyiañtu kuʼni neyôg là.
3. Mbade a be netèt benntùn nyiañtu bo ba nyàm nà bʼa tsile?
Ngelañ Yaweh Nsi miagde nenabte nsitshaʼ là, a bom tshu njab num bwe. A naʼ be toʼde, nabte ba nsàmtù bo ba nyàm. Mbe nèn mbwe, “Nsi nabte menntùn num mfuni mi.” (Siañ Netoʼde 1:27.) Mbade a be netèt benntùn nyiañtu bo ba nyàm nà bʼa tsile? Mba Yaweh Nsi nabte benntùn nyiañtu num mfuni mi là, be kuʼni nefiʼde mat tse mba nkôni bo nunetsin nà. A nabte ben mba be kuʼni neziʼde ntshob nzenze, nyàmde mbwô mbwô tshu neyene, mbèn ntsiañde nejuʼ ba nkwi là. Mbèn mbe, nebade bo ba nyàm, be kuʼni neghamde ngabom be.
TSWEʼ NTUN MI
Yen ju ze Ñwaʼni Nsi tshwèt ntshob mfà num mba yôg toʼde là, mbèn njen ju zʼa ghù o kuʼni nebam yennà là. Yen tshu tse mat benntùn nyiañtu tshwèt ntswide ben mfà num Nsi là.
4. Yôg ghù ntoʼde mi
Bo num nyàmde benntùn nyiañtu num tshu bo yen ntùm njù, mfiʼde nabte tshu nzenze yi là. Boaʼ nyàmdʼà we num tse ntùn à? Lôde LAʼDE NETSHAÑ, mbèn mbùnde yen bètte li.
-
Ke ze benntùn nyiañtu loʼ mfiʼ ntùm njù kà nabte tshu tshob yi à?
Mba zit baʼ lo ghù ngakul i, là, we zʼa nabte njoñ tshu fa mve kamànyam mba num nsitshaʼ à? Siañ Héber 3:4, mbèn mbùnde tshen mbètte li:
-
Netèt ba tshu tse Nsi nabte là, a zit bèn nke mbwô o neshu à?
-
A tsin nebam mbe bo nenabte njoñ tshu fa tsʼa be mve kamànyam mba num nsitshaʼ ké? Numke?
O naʼ lèn ké?
O kuʼni nefon ba ñwaʼni bo ba laʼde netshañ mfà num yen tu ntshob li num “Hasard ou conception?” bo “Points de vue sur lʼorigine de la vie.”
“Mba zit baʼ lo ghù ngakul i, là ngakut njoñ tshu fa bʼa Nsi”
5. Tshu tsʼa tshwèt ndaʼde mbe ju ze Ñwaʼni Nsi tshwèt ntshob mfà num mba bo nabte njù là bʼa nenùn nà
Ntùm Netoʼde nkam 1, Ñwaʼni Nsi tshwèt mbagde mba bo nabte nsitshaʼ bo tshu tsʼa be num bwe là. O bam ju zʼa tshwèt ntshob là ké? Kʼa bʼa ndaʼ tshô me sañ ke fe à? Lôde LAʼDE NETSHAÑ, mbèn mbùnde tshen mbètte li.
-
Ñwaʼni Nsi tshwèt ntswide mbe bo loʼ à kuaʼ léʼnjù ntôg kà nabte nsitshaʼ bo tshu tsʼa num bwe là ké?
-
O kwade mbe ju ze Ñwaʼni Nsi tshwèt ntshob mfà num mba bo nabte njoñ tshu fa là ghù tañ i mbèn mbʼa nenùn ké? Numke?
Siañ Netoʼde 1:1, mbèn mbùnde yen bètte li:
-
Ghatswide zenu njù num ntshob mbe nsitshaʼ bo kamànyam ghù ntoʼde mi. Ju bo tshob là zin ku ntshùʼ bo ju o siañ ntùm Ñwaʼni Nsi ké?
Tsemoʼ benntùn num nkwade mbe, Nsi naʼ be nabte yôg, ntoʼdʼà bo taʼ nzwit, ngù a bade ntùʼ mènntùn nyiañtu. Siañ Netoʼde 1:21, 25, 27, mbèn mbùnde tshen mbètte li:
-
Ñwaʼni Nsi tshwèt ntswide mbe, Nsi nabte taʼ ju ngù a bade ntùʼ ngontse, taʼ nyàm, mba mènntùn nyiañtu ké? Kʼa nke ntswidʼà mbe, Nsi nabte njoñ “nzwit” yôg fa à? *
6. Nsi keʼ nabte benntùn nyiañtu à mba tsemoʼ tshu num nsitshaʼ là
Benntùn nyiañtu keʼ fude ba nyàm tse Nsi nabte là. Siañ Netoʼde 1:26, mbèn mbùnde yen bètte li:
-
Mba Nsi nabte ben num mfuni mi là, be kuʼni nelaʼde nkôni bo kondèn, yennà nke ntswide ben à ke mfà num ba mat Nsi à?
TSEMOʼ BENNTÙN NUM NTSHOB MBE: “Ju ze Ñwaʼni Nsi tshwèt ntshob mfà num mba njù toʼde yi là bʼa taʼ tshô me sañ ke fe.”
-
Ke zʼo kwade yu à? Numke?
JU NETSHÙBE
Yaweh Nsi nabte njoñ tshu fa tsʼa be mve kamànyam mba num nsitshaʼ là.
Mbètte nekwimde
-
Ke ze Ñwaʼni Nsi tshwèt ntswide mfà num mba yôg naʼ ndoʼ ntoʼde yi lʼà?
-
Ñwaʼni Nsi tshwèt ntswide mbe Nsi nabte taʼ ju ngù a bade ntùʼ ngontse, taʼ nyàm, mba mènntùn nyiañtu ké? Kʼa nke ntswidʼà mbe, Nsi nabte njoñ nzwit yôg fa à?
-
Tsit mbade a be netèt benntùn nyiañtu bo tsemoʼ tshu num nsitshaʼ à?
DIAGE
Lôde ntùm njù, njen tshu tsʼa tshwèt ndaʼde mbe taʼ nganabte tshu be bwe là.
Yen mba taʼ tà kuʼni nebagde nshum i ju ze Ñwaʼni Nsi tshwèt ntshob mfà num mba yôg toʼde là.
Ntswide nzwit nebade num nzin ku ntshùʼ bo Ñwaʼni Nsi ké?
“Dieu sʼest-il servi de lʼévolution pour créer les différentes formes de vie?” (Ñwaʼni num jw.org)
Yen a be ze ba njwèn mvôg bo faʼ ghazenu njù tshwèt ndaʼde a be ze bo nebom yôg, kʼa toʼdʼà tùʼ i lo.
Cinq questions à se poser sur lʼorigine de la vie (nkam buʼ ñwaʼni)
