ISHOMO RYA 06
Amagara gakatandika gata?
‘Ahu [Ruhanga] ari, ni ho enshuro y’amagara eri.’ (Zaaburi 36:9) Mbehi eco nokikiriza? Abantu abamwe nibatekateka ku amagara gafire kubaho. Obwe rero, yaba twabireho aha bwa butandu tihariho ekigendererwa c’amagara. Konka yaba Yehova Ruhanga ari we owahangire amagara, ayine enshonga y’amani eyatumire yagahanga. * Yetegereze enkuru y’omuri Bibuli eri kwereka oburugo bw’amagara n’enshonga ahabw’enki kiri ec’obwenge kwesiga ku ni amazima.
1. Ni bata oku iguru n’ensi byatandikire?
Bibuli negira eti: ‘Omu kutandika Ruhanga akahanga iguru n’ensi.’ (Okutandika 1:1) Abanyabwenge bingi omu bya sayansi nibikiriza ku iguru n’ensi byahangirwe. Ni bata oku Ruhanga yabihangire? Akakoresa amani geye, ni okugamba omwika oguri kwera, omu kuhanga byona ebiri omu iguru n’omu nsi, harimu izoba n’okwezi, enyonyozi n’emibumbe.—Okutandika 1:2.
2. Ahabw’enki Ruhanga yahangire ensi?
Yehova ‘tarahangire [ensi] etari omu buteka kureka akagihanga kuturwamu.’ (Isaaya 45:18) Akahanga ensi ngu ebe omwanya murungi g’okuturwamu abantu ebiro byona. (Shoma omuri Isaaya 40:28; 42:5.) Sayansi neyereka ku ensi eri ey’omutano. Ni go mubumbe gonka oguri kubasa kubaho ebyine amagara.
3. Ni enki ekiri kutuma abantu batana n’enyamishwa?
Yehova ku yaherize kuhanga ensi akagihangiramu ebyine amagara. Ec’okubanza, akijuza ensi ebihingwa n’enyamishwa. Bwanyima, ‘Ruhanga akahanga omuntu ori kumushusha.’ (Shoma omu Kutandika 1:27.) Ni enki ekiri kutuma abantu baba ab’omutano? Ahabw’okuba twahangirwe omu kishushani ca Ruhanga, nitubasa kutoreza emitwarize yeye nka rukundo n’oburinganiza. Nambwenu akatuhanga twine obushoborozi bw’okwega endimi, kukunda ebintu birungi n’okushemerererwa omuziki. Ahakuba turi kutana n’enyamishwa, nitubasa kuramya Omuhangi witu.
YEGA BYINGI
Shwijuma ebihamya ebiri kwereka ku amagara gahangirwe, kandi ku enkuru z’omuri Bibuli eziri kukwata aha kuhangwa zihikire. Manya oku emitwarize y’abantu eri kutwegesa byingi ahari Ruhanga.
4. Amagara gakahangwa
Abantu nibasimwa ahabw’ebi bari kukora barebire aha byahangirwe. Mbwenu shi ni oha oshemerire kusimwa ahabw’ebyahangirwe byenyine? Zana VIDIYO, rero muganire ahari eki kibuzo.
-
Ni bata oku abantu bari kukora ebintu barebire aha byahangirwe?
Buri nju yona neba eyine omwombeki wayo. Konka shi ni oha owahangire ebintu byona? Shoma omu Baheburaayo 3:4, rero muganire ahari ebi bibuzo:
-
Ni biha byahangirwe ebiri omu nsi ebiri kukushemeza?
-
Mbehi ni ec’obwenge kwikiriza ku iguru n’ensi n’ebirimu byona byahangirwe? Ahabw’enki?
Waba nokimanya?
Nobasa kutunga ebicweka na za vidiyo ebiri kukwata aha kuhangwa ahari jw.org aha mutwe oguri kugira ngu: “Kicweyo Mono Acweya? Mbehi bikahangwa?” na “Ebiri kugambwa aha kuhangwa kw’amagara.”
‘Ahakuba enju yona eyombekwa omuntu nanka, konka omwombeki w’ebintu byona ni Ruhanga’
5. Enkuru z’omuri Bibuli eziri kugamba aha kuhangwa zihikire
Omu Kutandika ekicweka ca 1, Bibuli negamba oku ensi n’ebyine amagara ebigiriho byahangirwe. Mbehi ezo nkuru ni ez’amazima, ninga ni emigani kusha? Zana VIDIYO, rero muganire ahari ebi bibuzo.
-
Mbehi Bibuli neyegesa ku ensi n’ebyine amagara ebigiriho byahangirwe omu biro mukaga by’amashaha 24?
-
Mbehi notekateka ku enkuru z’omuri Bibuli eziri kukwata aha kuhangwa ziri amazima? Ahabw’enki?
Shoma omu Kutandika 1:1, rero muganire ahari eki kibuzo:
-
Abanyabwenge omu bya sayansi nibagamba ku iguru n’ensi byahangirwe. Ni bata oku ebi bagambire biri kubugana n’ebi washoma omuri Bibuli?
Abantu abamwe nibebuza yaba Ruhanga yahangire ebintu biri kuruga omu bindi. Shoma omu Kutandika 1:21, 25, 27, rero muganire ahari ebi bibuzo:
-
Mbehi Bibuli neyegesa ku Ruhanga yahangire ekintu kimwe ekine amagara kikagenda nikirugamu ebindi bintu nk’ebyenyanja n’abantu? Ninga akahanga buri bintu omu muringo gwabyo? *
6. Abantu ni ebyahangirwe bya Ruhanga by’omutano
Nitutanira kimwe n’enyamishwa ezi Yehova yahangire. Shoma omu Kutandika 1:26, rero muganire ahari eki kibuzo:
-
Ahabw’okuba twahangirwe omu kishushani ca Ruhanga, ni bata oku obushoborozi bwitu bw’okoreka rukundo n’embabazi buri kwereka emitwarize ya Ruhanga?
ABANTU ABAMWE NIBAGAMBA NGU: “Enkuru z’omuri Bibuli eziri kukwata aha kuhangwa ni emigani kusha.”
-
Iwe nokitekatekaho enki? Ahabw’enki?
EMPINYE
Yehova akahanga iguru n’ensi n’ebyine amagara byona.
Wayega ki?
-
Ni enki eki Bibuli eri kwegesa aha bikwatirine n’oku iguru n’ensi byatandikire?
-
Mbehi Ruhanga akahanga ecahangirwe kimwe rero caguma nikirugamu ebindi, ninga akabihanga byona?
-
Ni enki ekiri kutuma abantu baba ab’omutano?
CONDOZA
Reba ebyokureberaho ebiri kwereka ku hariho omuhangi.
“Ebyahangirwe nibitwegesa ki?” (Musisimuke!, Okwamwenda 2006)
Reba oku omuzire ari kubasa kushobororera omwana weye enkuru z’omuri Bibuli eziri kukwata aha kuhangwa.
Shwijuma yaba enyegesa eri kugira ngu ebintu bikaruga omu bindi eri kubuganisa na Bibuli.
“Mbehi Ruhanga akahanga ebintu biri kuruga omu bindi?” (Enkuru z’ahari intaneti)
Shwijuma yaba ebyajumbwirwe ninga shi sayansi biri kwereka ku ebyine amagara byahangirwe ninga shi byabireho aha bwa butandu.
Ebibuzo bitano ebi turi kwebuza aha bukomoko bw’amagara (akatabo)
^ Omu ishomo rya 25 turyashwijuma ecatumire Ruhanga yahanga abantu.
^ Omuri Bibuli ekigambo “omuringo” nikimanyisa buri kintu ekine amagara okwaco.
