NSUNZO 06
Egumi Eromile Dhavi?
“Mwa nyuwo [Mulugu] puli fukuwa enkaliha egumi.” (Masalmo 36:9 Tradução do Novo Mundo) Weyo onorumela esidha? Attu ena anubuwela wi egumi el’opadduwa woka, ehikanaga muttanddi. Akala ejoya ebaribari, kuloga okalawo wehu, ol’opadduwa-wene dhawene. Mbwenye akala ddi Yehova Mulugu witile egumi, kunrumela wi iyene ohikana mwaha witeliye? * Karoma wona dhologa dha Bibilia mwaha wa witeya wa egumi, vina ekalelani ya malago orumela dhologadha.
1. Elabo yitiwe dhavi?
Mazu a Mulugu anologa wi: “Omaromelo Mulugu opaddutxa elabo y’odhulu na ya vati.” (Wita 1:1) Aziwitxi anorumeela wi elabo el’ottanddiwa. Mulugu ottanddile dhavi elabo? Iyene olabile na ‘guru yaye’—muya wokoddela—wi akose dhotedhene dhili mwilaboni, ninga makwala [galaxia], neneri na dhokalawo dhina.—Wita 1:2.
2. Mulugu ottanddele eni elabo?
Yehova “kapaddutxele [elabo] okala yovi, ofunile mukaliwege.” (Izaiya 45:18) Iyene ohuba elabo n’ekalelo yofwanyelela wi mukaleyege vina egonele okala nokala-wene. (Kengesa Izaiya 40:28; 42:5.) Aziwitxi anologa wi elabo eji kinligana na yina. Jilabwene eji bahi enkaleya.
3. Dhilobo gani dhinattiyaniha attu na dhinama?
Mubele Yehova elabo, iyene ohittandda dhokalawo dhina ninga miri na dhinama. Mmalelani, ‘Mulugu ompaddutxa muttu woladdana na iyene, oli ninga iyene.’ (Kengesa Wita 1:27.) Txini enakosiha attu okala ottiyana na dhinama? J’okala oladdana na Mulugu, vina owodha otagiha mikalelo dhaye ninga okwela na oligana. Iyene vina ohinittandda na ewodhelo ya osunza dhilogelo dhina, wira dhottiyana-ttiyana vina oziveliwana jibo. Mottiyana na dhinama, iyo ninowodha omwebedha Mpaddutxi wehu.
KASUNZAVI
Ninfuna nisunze vizinddiyelo dhinoniha wi egumi el’ottanddiwa, dhologa dha Bibilia mwaha wa witeya wa elabo s’ebaribari, vina mikalelo dhina attu dhinnisunziha eni mwaha wa Mulugu.
4. Egumi el’ottanddiwa
Attu agatagiha elobo yonilani mwilaboni anosibiwa. Kunrumela wi ottanddile dhamwilaboni onofwanyela osibiwa vopitta? Karumiha VIDIYU, mugamala mutanaalele nivuzo ntti:
-
Txini dhili mwilaboni, esuwene dhitagihile attu?
Numba yotene enubuweliwa, emmagiwa na muttu. Mbwenye bani osasanyedhile vina ottanddile dhotedhene dhili mwilaboni? Kengesa Ahebreu 3:4, mugamala mutanaalele mavuzo aba:
-
Yottanddiwa gani eli mwilaboni enutikiniha?
-
Jamalago orumeela wi elabo na dhotedhene dhilimo dhil’ottanddiwa? Sabwaya jani?
Wanziwa?
Enowodheya weyo ofwanya miselu vamodha na mavidiyuya anloga mwaha wa makani aba mu jw.org, na mitoma esi: “Será Que Houve Um Projeto?” na “Pontos de Vista Sobre a Origem da Vida”.
“Numba-numba ekana namamagayá; apa ddi Mulugu ommaga dhetedhene”
5. Dhologa dha Bibilia mwaha wa witeya wa elabo s’ebaribari
Mbibiliani nivuru na Wita kapitulu 1, ninologa mukalelo ottanddiwe elabo na dhotedhene dhilimo. Weyo onorumela dhologa esi, obe onona ninga gahala? Karumiha VIDIYU, mugamala mutanaalele mavuzo aba:
-
Bibilia onosunziha wi elabo vamodha na dhotedhene dhilimo dhipaddutxiwe mwari mwa malabo matanu na nimodha a wora 24?
-
Weyo onona wi esile dhinloga Bibilia s’ebaribari vina s’okuluveleya? Akala onorumela, onrumelela nni? akala kunrumela, onkoddela nni?
Kengesa Wita 1:1, mugamala mutanaalele nivuzo ntti:
-
Aziwitxi anorumeela wi elabo el’ottanddiwa. Kito dhologa dhawa dhinoligana na esi dhimaliliwe wona mBibiliani?
Attu enjene anubuwela wi Mulugu ol’okosiha wi dhotedhene dha mwilaboni dhipadduwe woka. Kengesa Wita 1:21, 25, 27, mugamala mutanaalele mavuzo aba:
-
Koddi Bibilia onsunziha wi Mulugu opaddutxile yokalawo modha, bikala nipara na witeya wa oba, dhinama na attu? Obe iyene ottanddile dhokalawo dhotene na “malogo” awa-awa? *
6. Mulugu ohattandda attu mottiyana na dhokalawo dhina
Iyo nihittiyana na dhinama dhittanddile Yehova. Kengesa Wita 1:26, mugamala mutanaalele nivuzo ntti:
-
Attu anowodha weddana okwela na ttagaraga. Sabwaya jani? Sabwani iyo nittanddiwe na nladdaniho na Mulugu. Okana mikalelo esi dhinnisunziha eni mwaha wa Yehova?
ATTU ENA ANLOGA WI: “Dhologa dha Bibilia mwaha wa dhottanddiwa kahiye dha ebaribari.”
-
Weyo vina onubuwela dhawene? Sabwaya jani?
OGWADDELA
Yehova ohittandda elabo na dhokalawo dhotene dhilimo.
Kobuwela Dhisunziliwe
-
Txini dhinsunziha Bibilia mwaha wa opadduwa wa elabo?
-
Koddi Mulugu opaddutxile yokalawo modha, bikala nipara na witeya wa oba, dhinama na attu? Obe iyene ottanddile dhokalawo dhotene na malogo awa-awa?
-
Txini enakosiha attu okala ottiyana na dhottanddiwa dhina?
TAMELÁ ONONELAMO DERETU
Dhopaddutxiwa dha mwilaboni dhinowoniha wi okalawo muttanddi.
“O Que é que a Natureza Ensina?” (Despertai!, Setembro de 2006)
Koona dhinfwanyela okosa babi wi amutapulelemo mwanaye malebo a Bibilia anloga mwaha wa dhottanddiwa.
Karoma wona akala masunziho awi elabo el’opadduwa woka anowiwanana na Bibilia.
Akalawo attu anloga wi osunziwa wa magogoddo a wale na dhotagiha dha siensia dhinozinddiyeliha wi egumi el’opadduwa. Esidha dhinowiwanana na dhinsunziha Bibilia?
A Origem da Vida—Cinco Perguntas que Merecem Resposta (brochura)
