CɅNTESɅNTEL 06
¿Am ba majqui tsiʼ mele pejtelel chuqui an?
Jiñi Biblia miʼ yʌl tiʼ tojlel Dios: «Jatet tsaʼ mele pejtelel chuqui an» (Apocalipsis 4:11). ¿Muʼ baʼ ñop iliyi? An muʼ bʌ i yʌlob chaʼan maʼañic majqui tsiʼ meleyonla (pʌtʌyonla), mi cheʼ bajcheʼ jiñi, maʼañic i sujmlel yubil cheʼ cuxulonla. Pero mi jiñʌch Jehová tsaʼ bʌ i meleyonla añʌch i sujmlel jiñi laj cuxtʌlel, ¿mach ba cheʼi? a Wen qʼuele chuqui miʼ yʌl jiñi Biblia chaʼan majqui tsiʼ meleyonla yicʼot qʼuele chucoch añʌch i sujmlel muʼ bʌ i yʌl.
1. ¿Majqui tsiʼ mele jiñi panchan yicʼot Pañimil?
Jiñi Biblia miʼ yʌl: «Cheʼ tiʼ cajibal tsiʼ mele Dios jini panchan yicʼot pañimil» (Génesis 1:1). Cabʌl científicojob miʼ ñopob chaʼan jiñi panchan yicʼot Pañimil añʌch majqui tsiʼ mele. ¿Bajcheʼ tsiʼ mele Dios? Tsiʼ cʼʌñʌ i pʼʌtʌlel, jiñi chʼujul bʌ espíritu, chaʼan miʼ mel jiñi galaxia tac, jiñi ecʼ tac, jiñi planeta tac yicʼot yan tac bʌ (Génesis 1:2).
2. ¿Chucoch tsaʼ mejli ili Pañimil?
Jehová «mach lolomic tsiʼ mele pañimil. Tsiʼ mele chaʼan i chumlib winicob» (Isaías 45:18). Wen utsʼatax tsiʼ mele jiñi Pañimil chaʼan tijicña mi lac chumtʌl, tsiʼ mele chaʼan mi lac chumtʌl tiʼ pejtelel ora (pejcan Isaías 40:28 yic’ot 42:5). Jiñi científicojob miʼ yʌlob chaʼan ili Pañimil wen utsʼatax, i maxto cʌmbilic yambʌ planeta baqui mi lac mejlel ti chumtʌl.
3. ¿Chucoch mach lajaloñicla bajcheʼ jiñi añimal tac?
Cheʼ bʌ Jehová tsiʼ mele jiñi Pañimil yicʼot pejtelel jiñi i bʌl, ñaxan tsiʼ mele jiñi teʼ tac yicʼot jiñi añimal tac. Cheʼ jiñi, «Dios tsiʼ mele winic tiʼ yejtal» (pejcan Génesis 1:27). ¿Chucoch mach lajaloñicla bajcheʼ jiñi añimal tac? Come Dios tsiʼ meleyonla tiʼ yejtal, miʼ mejlel lac pʌs jiñi melbal (chaʼlibal) tac am bʌ i chaʼan bajcheʼ jiñi cʼuxbiya yicʼot i melol chuqui toj. Cheʼ jaʼel, tsiʼ yʌqʼueyonla lac ñaʼtʌbal, miʼ mejlel laj cʌn yambʌ tʼan, miʼ mejlel laj qʼuel pejtelel chuqui an yicʼot lac ñʌchʼtan música. I joñonla miʼ mejlel lac chʼujutesan jiñi tsaʼ bʌ i meleyonla, pero jiñi añimal tac maʼañic.
LAʼ LAC ÑUMEN ÑAʼTAN
Laʼ laj qʼuel chuqui miʼ pʌs chaʼan jiñʌch Dios tsaʼ bʌ i mele pejtelel chuqui cuxul i chucoch añʌch i sujmlel muʼ bʌ i yʌl jiñi Biblia chaʼan Dios tsiʼ mele pejtelel chuqui an. I laʼ laj qʼuel chaʼan jiñi wen tac bʌ lac melbal an chuqui miʼ cʌntesañonla tiʼ tojlel Dios.
4. Añʌch majqui tsiʼ mele pejtelel jiñi cuxul bʌ
Cheʼ bʌ jiñi lac piʼʌlob an chuqui miʼ melob i miʼ lajiñob jiñi melbil tac bʌ i chaʼan Dios miʼ yʌqʼuentelob i ñuclel. Pero ¿muʼ ba i yʌqʼuentel i ñuclel jiñi tsaʼ bʌ i yoque mele pejtelel chuqui an? Qʼuelela jiñi VIDEO i tem alʌla iliyi:
-
¿Bajcheʼ an i lajiyob jiñi wiñicob xʼixicob jiñi melbil tac bʌ i chaʼan Dios?
Pejtelel jiñi otot tac añʌch majqui tsiʼ mele. Pero ¿majqui tsiʼ mele pejtelel chuqui an? Pejcanla Hebreos 3:4 i tem alʌla iliyi:
-
¿Chuqui maʼ ñumen mulan tiʼ pejtelel chuqui an?
-
¿Mucʼʌch ba mejlel lac ñop chaʼan pejtelel chuqui an ti panchan yicʼot ti Pañimil añʌch majqui tsiʼ mele? ¿Chucoch?
¿A wujilix ba?
Yaʼ ti jw.org miʼ mejlel a taj tema tac yicʼot video tac muʼ bʌ i taj ti tʼan chaʼan iliyi. Sʌclan yaʼ baqui miʼ yʌl «¿Am ba majqui tsiʼ mele?» yicʼot «Muʼ bʌ i yʌlob chaʼan baqui tilem jiñi cuxtʌlel».
«I sujmʌch, pejtelel ototʌl añʌch majqui tsiʼ mele, pero jiñi tsaʼ bʌ i mele pejtelel chuqui tac an jiñʌch Dios».
5. Jiñi Biblia miʼ yʌl chaʼan añʌch majqui tsiʼ mele pejtelel chuqui an
Yaʼ ti capítulo 1 i chaʼan Génesis, jiñi Biblia miʼ yʌl majqui tsiʼ mele jiñi Pañimil yicʼot i bʌl. ¿I sujmʌch ba o cuento jach? Qʼuelela jiñi VIDEO i tem alʌla iliyi:
-
¿Muʼ ba i yʌl jiñi Biblia chaʼan ili Pañimil yicʼot pejtelel chuqui an tsaʼ mejli ti 6 qʼuin?
-
¿I sujmʌch ba maʼ wʌl yicʼot mejlʌch ba lac ñop cheʼ bʌ jiñi Biblia miʼ yʌl chaʼan Dios tsiʼ mele pejtelel chuqui tac an? ¿Chucoch?
Pejcanla Génesis 1:1 i tem alʌla iliyi:
-
Cabʌl científicojob miʼ ñopob chaʼan añʌch majqui tsiʼ mele jiñi panchan yicʼot Pañimil. ¿Muʼ ba i taj i bʌ muʼ bʌ i yʌlob yicʼot jiñi ujtel bʌ a pejcan yaʼ ti Biblia?
An muʼ bʌ i cʼajtibeñob i bʌ mi Dios junchajp jach chuqui cuxul bʌ tsiʼ mele i ti wiʼil tsiʼ cʼʌñʌ jiñi evolución chaʼan miʼ meleʼ yan tac bʌ. Pejcanla Génesis 1:21, 25, 27 i tem alʌla iliyi:
-
¿Muʼ ba i yʌl jiñi Biblia chaʼan Dios junchajp jach chuqui tsiʼ mele i ti wiʼil tsiʼ cʼʌñʌ jiñi evolución chaʼan miʼ mel jiñi chʌy, jiñi añimal tac yicʼot joñonla? ¿O Dios ba tsiʼ mele jujunchajp chuqui cuxul bʌ?
6. Joñonla mach lajaloñicla bajcheʼ yan tac bʌ tsaʼ bʌ i mele Dios
Joñonla mach lajaloñicla bajcheʼ jiñi añimal tac. Pejcanla Génesis 1:26 i tem alʌla iliyi:
-
Joñonla miʼ mejlel lac pʌs jiñi cʼuxbiya yicʼot pʼuntaya come melbilonla tiʼ yejtal Dios. ¿Chuqui miʼ cʌntesañet tiʼ tojlel Jehová iliyi?
AN MUʼ BɅ I YɅLOB: «Cuento jachix muʼ bʌ i yʌl jiñi Biblia chaʼan Dios tsiʼ mele pejtelel chuqui an».
-
Ixcu jatet, ¿chuqui maʼ ña’tan? ¿Chucoch?
TSAʼ BɅ LAJ CɅÑɅ
Jehová tsiʼ mele jiñi panchan, jiñi Pañimil yicʼot pejtelel chuqui cuxul bʌ.
¿Chuqui tsaʼ cʌñʌ?
-
¿Chuqui miʼ yʌl jiñi Biblia chaʼan jiñi panchan yicʼot Pañimil?
-
¿Junchajp jach ba chuqui tsiʼ mele Dios i ti wiʼil tsiʼ cʼʌñʌ jiñi evolución chaʼan miʼ mel jiñi chʌy, jiñi añimal tac yicʼot joñonla? ¿O jin tsiʼ mele tiʼ pejtelel?
-
¿Chucoch mach lajaloñicla bajcheʼ jiñi añimal tac?
CɅÑɅ YAN TAC BɅ
Qʼuele ejemplo tac muʼ bʌ i pʌsbeñonla chaʼan añʌch majqui tsiʼ mele pejtelel chuqui an.
«¿Chuqui miʼ pʌsbeñonla jiñi an tac bʌ wʌʼ ti Pañimil?» (¡Jamʌx a wut!, septiembre i chaʼan 2006)
Qʼuele bajcheʼ miʼ tsictesʌben i yalobil juntiquil tatʌl chaʼan bajcheʼ tsaʼ mejli pejtelel chuqui an.
Qʼuele mi jiñi evolución mucʼʌch i taj i bʌ yicʼot muʼ bʌ i yʌl jiñi Biblia.
¿Cheʼ jach ba tsaʼ bajñel tiliyonla o an majqui tsiʼ meleyonla? Qʼuele chuqui miʼ pʌs jiñi ñoxiʼ bac tac tajbil bʌ yicʼot qʼuelbil bʌ i chaʼan jiñi científicojob.
¿Bajcheʼ tsaʼ tejchi jiñi cuxtʌlel? Joʼpʼejl cʼajtiya ñuc bʌ i cʼʌjñibal (Folleto)
a Jiñi cʌntesʌntel 25 miʼ yʌl chuqui yom Jehová chaʼañonla.
Miʼ mejlel a qʼuel jaʼel iliyi
CʼAJTIYA TAC MUʼ BɅ I ÑUMEN MEJLEL
¿Bajcheʼ yilal jiñi estudio loqʼuem bʌ ti Biblia muʼ bʌ i yʌcʼob jiñi i testigojob Jehová?
Ti jiñi estudio muʼ bʌ i yʌcʼob jiñi i testigojob Jehová maʼ mejlel a cʼʌn baqui jach bʌ Biblia. Miʼ mejlel a pʌy pejtelel a familia o jiñi a wamigojob.
