LONGI DIA 06
Aweyi o Moyo Wayantikila?
“E nto a moyo kwa ngeye [Nzambi] ina.” (Nkunga 36:9) Nga okwikilanga muna mvovo miami? Wantu ankaka bevovanga vo ke vena muntu ko wavanga moyo. Avo ediadi dialudi, disongele vo mu kinsalukisa twavangamena. Kansi, avo Yave wa Nzambi yandi wavanga o moyo, disongele vo vena ye kani kavangila wo. a Badika lusansu luna muna Bibila mu kuma kia tuku dia moyo ye kuma tufwete kwikidila vo lusansu lwalu lwa kieleka.
1. Aweyi o nsema wayantikila?
Bibila kivovanga vo: “Kuna lubantiku, Nzambi wasema e zulu yo ntoto.” (Tuku 1:1) Akwa ngangu ayingi bekwikilanga vo nsema vangwa wavangwa. Aweyi Nzambi kavangila o nsema? Wasadila ‘nkum’andi,’ i sia vo, mwand’andi avelela mu vanga lekwa yawonso ina muna nsema kumosi ye ntetembwa, galáxias ye planetas.—Tuku 1:2.
2. Ekuma Nzambi kasemena o ntoto?
Yave “kasema wo [ntoto] nkatu ko, kansi wasema wo kimana wazingilwa kwa wantu.” (Yesaya 45:18) Wasema o ntoto kimana wakala se fulu kiambote mu zingila ye wasia mo lekwa yawonso wantu bavuidi o mfunu muna zinga. (Tanga Yesaya 40:28; 42:5.) Akwa ngangu bevovanga vo ntoto waswaswana ye planeta zankaka. O ntoto i wau kaka una ye lekwa yawonso tuvuidi o mfunu muna zinga.
3. Nki kiswaswanesanga wantu ye bulu?
Vava Yave kasema o ntoto, wavanga e nti ye bulu. I bosi, ‘Nzambi wavanga muntu muna fwaniswa kiandi.’ (Tanga Tuku 1:27.) Nki kiswaswanesanga wantu ye bulu? Wau vo mu fwaniswa kia Nzambi twavangilwa, tulenda songa fu yandi nze zola ye unsongi. Watuvanga mpe ye ngangu za longoka ndinga, yangalela lekwa yambote-mbote yo wá miziki. Twaswaswana kikilu ye bulu kadi tulenda sambila Mvangi eto.
ZAYA DIAKA MANKAKA
Yambula twabadika mambu tatu: 1. Ziku kisonganga vo moyo vangwa wavangwa, 2. o lusansu lwa nsema luna muna Bibila lwakieleka ye 3. dina e fu ya wantu ikutulonganga mu kuma kia Nzambi.
4. Moyo vangwa wavangwa
Kanele vo nsema betangininanga, o wantu besanisinuanga mu kuma kia lekwa ina bevanganga. Kansi, nani wafwana tambula nkembo muna lekwa ina muna nsema? Tala e VIDEO, i bosi, vana e mvutu za yuvu ilende.
-
Nkia lekwa wantu bevanganga isonganga vo nsema betangininanga?
Konso nzo kwa muntu yatungwa. Kansi, nani i ntungi a lekwa yawonso ina muna nsema? Tanga Ayibere 3:4, i bosi, vana e mvutu za yuvu ilende:
-
Nkia lekwa kina muna nsema kitoma kusivikisanga?
-
Nga okwikilanga vo nsema ye lekwa yawonso ina mo semwa yasemwa? Ekuma?
Nga Ozeye?
Olenda solola malongi ye video mu kuma kia ntu a diambu wau muna nzil’eto ya internete jw.org muna kunku, “Teve um Projeto?” ye “Opiniões sobre a origem da vida.”
“Kieleka, konso nzo kwa muntu yatungwa, kansi ndiona watunga e lekwa yawonso i Nzambi”
5. Lusansu lwa nsema luna muna Bibila lwakieleka
Muna Tuku kapu kia 1, Bibila kiyikanga ndiona wavanga ntoto ye vangwa yamoyo ina mo. Nga o lusansu lwalu lwa ludi yovo lwa luvunu? Tala e VIDEO, i bosi, vana e mvutu za yuvu ilende.
-
Nga e Bibila kilonganga vo ntoto ye vangwa yamoyo ina mo yasemwa mu lumbu sambanu ya ola 24?
-
Adieyi obenze, o lusansu luna muna Bibila mu kuma kia nsema lwakieleka? Ekuma?
Tanga Tuku 1:1, i bosi, vana e mvutu za kiuvu eki:
-
Akwa ngangu bevovanga vo nsema vangwa wavangwa. Mana bevovanga, aweyi malenda tezanesenua ye mambu otangidi muna Bibila?
Wantu ankaka bebanzanga vo Nzambi lunungunuku kasadila muna vanga o moyo. Kuna kwa yau, Nzambi wavanga lekwa kiakete-kete kia moyo, i sia vo célula, i bosi yakituka se vangwa yankaka yamoyo. Tanga Tuku 1:21, 25, 27, i bosi, vana e mvutu za yuvu eyi:
-
Nga Bibila kilonganga vo Nzambi lunungunuku kasadila mu vanga e mbizi za maza, bulu yo wantu? Yovo Nzambi wasema “makanda” mawonso ma vangwa yamoyo?
6. O wantu vangwa yamfunu ya Nzambi
Yeto wantu ye bulu kwa Nzambi twavangwa. Kansi, vena ye diambu dikutuswaswanesanga ye bulu. Tanga Tuku 1:26, i bosi, vana e mvutu za kiuvu eki:
-
Wau vo mu fwaniswa kia Nzambi twavangilwa, e mpila tusongelanga o zola ye nkenda, adieyi ikutulonganga mu kuma kia kiwuntu kia Nzambi?
AVO MUNTU UVOVESE VO: “Lusansu lwa nsema luna muna Bibila lwa luvunu.”
-
Nkia mvutu okumvana? Ekuma?
MAMBU MASINA MA LONGI DIADI
Yave wavanga o nsema ye vangwa yawonso yamoyo.
Nkia Mambu Olongokele?
-
Adieyi Bibila kilonganga mu kuma kia tuku dia nsema?
-
Nga Nzambi lunungunuku kasadila mu vanga e vangwa yawonso yamoyo yovo yandi kibeni wasema vangwa yawonso?
-
Nkia diambu dikutuswaswanesanga ye bulu?
TALA MPE OMA MALENDE
Tala lekwa ina muna nsema isonganga vo vena yo Nsemi.
Tala una o se kalenda sasila kuna kwa mwan’andi dina Bibila kivovanga muna mpila o nsema wavangilwa.
Tala kana vo e longi dia lunungunuku ngwizani dina ye Bibila.
“O Nzambi Lunungunuku Kasadila Muna Sema Lekwa Yawonso?” (Longi dina muna jw.org)
E visi asatuludi besololanga ye lekwa ina akwa ngangu za nza besokanga, nga isonganga vo moyo vangwa wavanga yovo nungunuka wanungunuka?
A Origem da Vida—Cinco Perguntas Que Merecem Resposta (finkanda)
a E longi dia 25 divovela e kani dia Nzambi mu kuma kia wantu.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
