SULA MAR 06
Ere Kaka Ngima Nochakore?
Nyasaye “e soko mar ngima.” (Zaburi 36:9) Be iyie gi wachno? Jomoko paroga ni ngima nochakore mana kende ma onge Jachuech. Ka po ni en kamano, kare mano nyiso ni wan bende ne wasieko asieka e piny ka. Kata kamano, ka po ni Jehova e ma nochueyo gik mangima, kare nitie gimomiyo notimo kamano, donge? a Wanon ane gima Muma wacho e wi kaka ngima nochakore kod gimomiyo wanyalo yie gi wachno.
1. Ng’ano ma nochueyo piny gi polo?
Muma nyisowa niya: “Kar chakruok Nyasaye ne ochueyo polo gi piny.” (Chakruok 1:1) Josayans mang’eny oyie ni piny gi polo ne nigi chakruokne. Ere kaka Nyasaye nochueyogi? Notiyo gi rohone maler kata tekone mondo ochue gik moko duto manie polo gi piny moriwo nyaka sulwe, dwe, kod chieng’.—Chakruok 1:2.
2. Ang’o momiyo Nyasaye nochueyo piny?
Jehova ne ok ochueyo piny “kayiem nono, to nochueye mondo ji odagie.” (Isaya 45:18) Nochueyo pinywani mondo obed kama ber ma dhano nyalo dakie nyaka chieng’. (Som Isaya 40:28; 42:5.) Josayans wacho ni pinywani olos e yo makende ahinya. En kende e ma onyalo siro ngima dhano.
3. Pogruok mane manie kind dhano gi le?
Bang’ ka Jehova noseloso piny, nochueyo gik mangima e iye. Nochako gi gik ma twi e lowo kod le. Kae to, “Nyasaye nochueyo dhano e kite owuon.” (Som Chakruok 1:27.) Ang’o momiyo dhano opogore ahinya gi gik mamoko duto ma nochue? Nikech Nyasaye ne ochuewa e kite owuon, wanyalo nyiso kido mage kaka hera kod tim makare. Bende, ne ochuewa gi nyalo mar puonjruok dhok mopogore opogore, bedo mamor gi gik mabeyo, kendo winjo mit mar thum. Mopogore gi le, wan wanyalo tiyo ne Jachuechwa.
TIM NONRO
Non ane gik ma nyiso ni nochue gik mangima kod gimomiyo wanyalo wacho ni gik ma Muma wacho e wi chuech winjore. Ne ane kaka kido ma dhano nigo puonjowa gimoro e wi Nyasaye.
4. Ngima ne ok ochakore kende
Ji pwoyoga dhano kuom gik ma giloso ka gikopo gik ma Nyasaye ochueyo. Kare ng’ano ma onego opwo kuom chuech ma ji kopogo? Tug VIDIO, kae to uwuo e wi penjo ma luwoni:
-
Gin ang’o ma dhano osekopo kuom gik ma Nyasaye ochueyo?
Ot ka ot nigi ng’at mogere. Kata kamano, en ng’ano ma noloso gik moko duto? Som Jo-Hibrania 3:4, kae to uwuo e wi penjo ma luwogi:
-
En ang’o ma Nyasaye ochueyo ma moriga ahinya?
-
Be onego wayie ni nitie ng’at ma nochueyo piny gi polo kod gik moko duto manie igi? Ang’o momiyo iwacho kamano?
Be ing’eyo?
Inyalo yudo buge kod vidio ma wuoyo e wi wachni e jw.org/luo e bwo wich ma wacho ni “Be Nosieko Kende Koso Nochueye?” kod “Gik ma Ji Wacho e Wi Kaka Ngima Nochakore.”
“En adier ni ot ka ot nigi ng’at mogere, to jal ma ne ogero gik moko duto en Nyasaye”
5. Weche ma Muma wacho e wi chuech winjore maler kendo gin adier
E Chakruok sula mokwongo, Muma leronwa kaka piny kod ngima nochakore. Be inyalo yie gi wechego koso gin mana sigendni mochuogi? Tug VIDIO, kae to uwuo e wi penjo ma luwogi:
-
Be Muma wacho ni piny kod gik manie iye nochue kuom odiechienge auchiel, ma moro ka moro kuom odiechiengego nigi seche 24?
-
Be iparo ni gik ma Muma wacho e wi chuech gin adier kendo winjore maler? Ang’o momiyo iwacho kamano?
Som Chakruok 1:1, kae to uwuo e wi penjo ma luwoni:
-
Josayans wacho ni piny gi polo nigi chakruokne. Gima giwachono otudore nade gi gima ipuonjori e Muma?
Jomoko penjorega ka be en adier ni Nyasaye nomiyo gik mangima osieko asieka kendgi. Som Chakruok 1:21, 25, 27, kae to uwuo e wi penjo ma luwogi:
-
Be Muma puonjo ni Nyasaye nochueyo gimoro mangima kae to oweyo gino olokore rech, le, kod dhano? Koso nochueyo gik moko duto kaluwore gi kaka “kothgi obet”? b
6. Nyasaye nochueyo dhano e yo makende ahinya
Wan wapogore gi le duto ma Jehova ne ochueyo. Som Chakruok 1:26, kae to uwuo e wi penjo ma luwoni:
-
Nikech ne ochuewa e kit Nyasaye, nyalo ma wan-go mar nyiso hera kod ng’wono nyiso ang’o e wi kido ma Nyasaye nigo?
PARO MA JOMOKO NIGO: “Gima Muma nyisowa e wi chuech en mana sigana mochuogi.”
-
Iparo nade? To ang’o momiyo iparo kamano?
PUONJ MADUONG’
Jehova nochueyo polo gi piny kod gik moko duto manie igi.
Ang’o ma ipuonjori?
-
Muma puonjowa ni piny gi polo noa kanye?
-
Be Nyasaye nochueyo gimoro mangima kae to oweyo gino olokore gik mopogore opogore, koso nochueyo gik moko duto?
-
Ang’o momiyo dhano en chuech makende?
MED TIMO NONRO
Ne ane moko kuom gik mochue ma nyiso ni nitie Jachuech.
Ne ane kaka janyuol nyalo lero ne nyathine gima Muma wacho e wi chuech.
Ne ane ka be puonj mar ni gik moko nosieko kendgi winjore gi gima Muma wacho.
“Be Nyasaye Nomiyo Gik Mangima Osieko Asieka Kendgi?” (Sula ma yudore e jw.org)
Non ane ka be gik machon ma nokuny kata choke ma nokuny nyiso ni gik mangima nosieko kendgi koso nochuegi.
a Sula mar 25 biro nyisowa gimomiyo Nyasaye nochueyo dhano.
b E Muma, wach motigo ni kaka “kothgi obet” nyiso gik mopogore opogore mangima.
Samoro Inyalo Hero Magi Bende
PENJO MA JI JOPENJO
Ere Kaka Joneno mag Jehova Puonjoga Ji Muma?
E puonjruok Muma ma Joneno mag Jehova tayoga, inyalo tiyo gi Muma moro amora mihero. Bed thuolo gwelo joodu duto kata osiepeni e puonjruok.
