XNAQʼTZBʼIL 06
¿Alkye tten tzaj tzyet qanqʼibʼil?
Tukʼil Dios «taʼ aju twi aʼ in tqʼoʼn chwinqlal» (Salmo 36:9). ¿In nokpe qeʼ tkʼuʼja tiʼj jlu? Ateʼ junjun xjal in kubʼ kyximen qa noq minabʼen tzaj tzyet qanqʼibʼil ex qa mintiʼ jun bʼinchal qe. Noqwit ax tok jlu, mintiʼlo ttxolil qanqʼibʼil. Pero qa a Jehová Bʼinchal tkyaqil, at jun tiquʼn atoʼ tzalu. a Bʼaʼn tuʼn t-xnaqʼtzana tiʼjju in tzaj tqʼamaʼn Tyol Dios tiʼj tzeʼn tzaj tzyet qanqʼibʼil ex tiquʼn toj tumel jlu.
1. ¿Tzeʼn tzaj tzyet tkyaqilju at twitz kyaʼj ex twitz Txʼotxʼ?
In tzaj tqʼamaʼn Tyol Dios jlu: «T-xe tnejel kubʼ tbʼinchaʼn Dios kyaʼj ex txʼotxʼ» (Génesis 1:1). Chʼixme kykyaqil científico in kubʼ kyximen qa at jatumel tzaj tzyet qanqʼibʼil. Pero, ¿tzeʼn e bʼant qe tiʼchaq ateʼ twitz kyaʼj ex twitz Txʼotxʼ tuʼn Dios? Ajbʼen «T-xew Dios» moqa tipumal tuʼn tbʼant tkyaqil tuʼn ik tzeʼn qe galaxia, qe cheʼw ex qe planeta (Génesis 1:2).
2. ¿Tiquʼn kubʼ tbʼinchaʼn Dios Txʼotxʼ?
Mintiʼ kubʼ tbʼinchaʼn Jehová Txʼotxʼ «tuʼn tten noq kukx, noq oʼkx o tbʼincha tuʼn kyten xjal twitz» (Isaías 45:18). Tbʼanelxix tzeʼn bʼant Txʼotxʼ tuʼn Jehová tuʼn qanqʼin twitz te jumajx ex tuʼn qtzalaj (uʼjinktza Isaías 40:28 ex 42:5). In tzaj kyqʼamaʼn científico qa junxitl Txʼotxʼ kywitz txqantl planeta, tuʼnju oʼkx toj planeta lu jaku qo anqʼin.
3. ¿Tiquʼn junxitl qe xjal kywitz txkup?
Tej tbʼant Txʼotxʼ tuʼn Jehová, kubʼ tbʼinchaʼn tkyaqilju at twitz. Tnejel, kubʼ tbʼinchaʼn qe tzeʼ ex qe txkup. Yajxitl, «kubʼtzun tbʼinchaʼn Dios xjal ik tzaʼnx te tilbʼilal» (uʼjinktza Génesis 1:27). ¿Tiquʼn junxitl qoʼ kywitz txkup? Junxitl qoʼ tuʼnju o qo kubʼ tbʼinchaʼn Dios ik tzeʼn tilbʼilal ex jaku kubʼ qyekʼin qe tbʼanel tmod ik tzeʼn kʼujlabʼil ex aju tzʼaqli. Ex o qo kubʼ tbʼinchaʼn tuʼn kybʼant nim yol quʼn, tuʼn qtzalaj tiʼj bʼitz ex kyiʼj tbʼanel tiʼchaq. Ax ikx jaku qo kʼulin te Dios, atzun kye txkup mlay bʼant jlu kyuʼn.
QO JYON MAS TQANIL
Qo xnaqʼtzan tiʼj tiquʼn jaku tzʼok qeʼ qkʼuʼj tiʼj qa a Dios kubʼ bʼinchante tkyaqil ex tiquʼn at ttxolil aju in tzaj tqʼamaʼn Xjan Uʼj. Ax ikx tuʼn kymod xjal in kubʼ kyyekʼin, kʼelel qnikʼ kyiʼj junjuntl tbʼanel xnaqʼtzbʼil tiʼj Dios.
4. At jun kubʼ bʼinchante tkyaqil
In che jaw nimsaʼn xjal tuʼnju in nel kykanoʼn junjun tiʼchaq tiʼjju o bʼant tuʼn Dios. Pero, ¿alkye in jaw nimsante Dios tiʼjju o bʼant tuʼn? Kyqʼonke kywitze tiʼj VIDEO ex che yoline tiʼj xjel lu:
-
¿Tiʼ o tzʼel kykanoʼn xjal kyiʼj tiʼchaq ateʼ twitz Txʼotxʼ?
Kykyaqil ja at jun bʼinchal kye. Pero, ¿alkye kubʼ bʼinchante tkyaqilju at twitz kyaʼj ex twitz Txʼotxʼ? Kyuʼjinktze Hebreos 3:4 ex che yoline kyiʼj xjel lu:
-
Tiʼj tkyaqilju at twitz Txʼotxʼ, ¿tiʼ mas in jaw labʼina tiʼj?
-
¿Tiquʼn in nok qeʼ tkʼuʼja tiʼj qa kubʼ bʼinchaʼn tkyaqilju at twitz Txʼotxʼ ex twitz kyaʼj?
¿Ojtzqiʼn jlu tuʼna?
Toj jw.org kkanetel junjuntl xnaqʼtzbʼil ex video tuʼna toj plaj «¿Atpe jun Bʼinchal kye moqa mintiʼ?» ex «Aju kyximbʼetz xjal tiʼjju tzeʼn tzaj tzyet qanqʼibʼil».
«Tkyaqil ja at jun o bʼinchante; ex atzunju o bʼinchante tkyaqil, ate Dios».
5. Toj tumel aju in tzaj tqʼamaʼn Tyol Dios tiʼj tzeʼn e bʼant qe tiʼchaq
Toj capítulo 1 toj uʼj te Génesis in tzaj tchikʼbʼaʼn Tyol Dios tzeʼn bʼant Txʼotxʼ ex tkyaqilju at twitz. ¿Axpe tok aju in tzaj tqʼamaʼn Tyol Dios moqa noq jun txʼolbʼabʼil? Kyqʼonke kywitze tiʼj VIDEO ex che yoline kyiʼj xjel lu:
-
¿In tzajpe tyekʼin Tyol Dios qa kubʼ bʼinchaʼn Txʼotxʼ ex tkyaqilju at twitz toj qaq qʼij te 24 or?
-
¿In nokpe qeʼ tkʼuʼja tiʼjju in tzaj tqʼamaʼn Tyol Dios tiʼj tzeʼn kubʼ bʼinchaʼn tkyaqil? ¿Tiquʼn?
Kyuʼjinktze Génesis 1:1 ex che yoline tiʼj xjel lu:
-
In tzaj kyqʼamaʼn científico qa at jatumel tzaj tzyet tkyaqilju at. ¿Atpe tmojbʼabʼil tibʼ aju in tzaj kyqʼamaʼn tukʼilju ma jaw tuʼjina toj Tyol Dios?
Ateʼ junjun xjal in kubʼ kyximen qa tnejel kubʼ tbʼinchaʼn Dios jun tiʼ ex tiʼj jlu tzaj tzyet tuʼn tbʼant tkyaqil. Kyuʼjinktze Génesis 1:21, 25 ex 27, ex che yoline kyiʼj xjel lu:
-
¿In tzajpe tyekʼin Biblia qa tnejel kubʼ tbʼinchaʼn Dios jun tiʼ aju chebʼe chebʼe ok te pescad, te txkup ex te xjal? ¿Moqa a Dios kubʼ bʼinchante qe xjal, qe txkup ex qe tzeʼ?
6. Junxitl qe xjal kywitz txkup
Junxitl qoʼ kywitz qe txkup. Kyuʼjinktze Génesis 1:26 ex che yoline tiʼj xjel lu:
-
Tuʼnju in kubʼ qyekʼin qkʼujlabʼil ex qʼaqʼbʼil qkʼuʼj kyiʼj txqantl ex tuʼnju o qo kubʼ bʼinchaʼn ik tzeʼn tilbʼilal Dios, ¿tiʼ in tzaj tyekʼin jlu teya kyiʼj tmod Jehová?
AJU IN TZAJ KYQʼAMAʼN JUNJUN XJAL: «Nya ax tok aju in tzaj tqʼamaʼn Tyol Dios tiʼjju alkye tten e bʼant qe tiʼchaq».
-
¿Tiʼ t-ximbʼetza tiʼj jlu? ¿Tiquʼn?
TOJ CHʼIN YOL
A Jehová kubʼ bʼinchante tkyaqilju at twitz kyaʼj ex twitz Txʼotxʼ.
Aju ma qo yolin tiʼj
-
¿Tiʼ in tzaj t-xnaqʼtzaʼn Tyol Dios tiʼj tzeʼn bʼant tkyaqil?
-
¿Kubʼpe tbʼinchaʼn Dios jun tiʼ ex chebʼe chebʼe bʼant tkyaqil tiʼj? ¿Moqa kubʼ tbʼinchaʼn teyele junjun tiʼchaq?
-
¿Tiquʼn junxitl qoʼ kywitz txqantl tbʼinchbʼen Dios?
OJTZQINKA CHʼINTL
Qʼonka twitza kyiʼj junjun tiʼchaq aju in tzaj kyyekʼin qa at jun Bʼinchal qe.
«¿Tiʼ xnaqʼtzbʼil jaku tzʼel qiʼn kyiʼj txkup?» (¡Weʼktza!, septiembre te 2006)
Keʼyinka tzeʼn in xi tchikʼbʼaʼn jun mambʼaj te tkʼwal qa a Dios kubʼ bʼinchante tkyaqil.
Mojbʼankuya aju in tzaj tqʼamaʼn Tyol Dios tukʼilju in tzaj tqʼamaʼn evolución tuʼntzun tel tnikʼa tiʼj alkye ax tok.
«¿Ajbʼenpe evolución tuʼn Dios tuʼn kybʼant junxichaq wiq anqʼibʼil?» (Xnaqʼtzbʼil toj jw.org)
Jaku tzʼel tnikʼa tiʼj qa at jun Bʼinchal qe moqa mintiʼ aj tok tojtzqiʼna junjun bʼaq o che kanet kyuʼn xjal ex tuʼnju o tzʼel kynikʼ científico tiʼj.
El origen de la vida. Cinco cuestiones dignas de análisis (Folleto)
a In yolin xnaqʼtzbʼil 25 tiʼj t-ximbʼetz Dios at kye xjal.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
