ESENUPANTOꞌ 06
Oꞌnon yeꞌka pe koꞌmantoꞌ ippiaꞌtîꞌpî?
Tamîꞌnawîron konekaꞌpî Paapaya, taa pî Paapa Maimu man. (Apocalipse 4:11) Inna taa amîrîya mîrîrî pî? Tîîse tiaronkon pemonkoyamîꞌya inna taa pra man Paapaya ikonekasaꞌ manni pî. Mîrîrî wanî ya yairon pe, îꞌ pe pra rî ikonekasaꞌ Paapaya. Mîrîrî wanî yairî? a (Imenukasaꞌ itoꞌkoꞌ eraꞌmakî.) Eraꞌmapaiꞌnîkon îꞌ taa Paapa Maimuya, oꞌnon yeꞌka pe koꞌmantoꞌ sippiaꞌtîꞌpî moropai eraꞌmapaiꞌnîkon nîrî, mîrîrî pî inna taa uurînîkonya nîrî.
1. Oꞌnon yeꞌka pe tamîꞌnawîron sippiaꞌtîꞌpî kaꞌ po moropai pata po?
Inîꞌ panpîꞌ epuꞌnenan esenupakoiꞌkonya taa, tamîꞌnawîrî sippiaꞌtîꞌpî kaꞌ po. Paapa Maimuya taa pî man mîrîrî pî, “Eesippiaꞌtî yai, kaꞌ moropai Pata konekaꞌpî Paapaya.” (Gênesis 1:1, TNM) Oꞌnon yeꞌka pe tamîꞌnawîrî wanî manni kaꞌ po sippiaꞌtîꞌpî? Paapaya tîmeruntîri ke kaꞌ moropai pata konekaꞌpî tamîꞌnawîrî. — Gênesis 1:2.
2. Îꞌ tonpe Paapaya Pata konekaꞌpî?
Îꞌ pensa Jeováya ‘Pata konekaya yai, seꞌ tapairî mîrîrî konekasaiꞌya pra man’. (Isaías 45:18, TNM) Uurînîkonya epuꞌtî pî man îꞌ wani awanî yeꞌnen Pata konekasaiꞌya. Morî pataꞌseꞌ pe Pata yuꞌse Paapa wanîꞌpî pemonkonyamîꞌ koꞌmantoꞌpe ipatîkarî. Isaías 40:28; 42:5 ya taa pî man: “Epuꞌtî pra naka awanî? Eta pra? Jeová mîîkîrî, tamîꞌnawîrî Pata konekatîpon, yepotîrî pe awanî ipatîkarî. Yairî maꞌre tenai pra moropai tekeꞌnepansen pe pra mîîkîrî wanî. 5 See panpe taa yairon mîîkîrî Paapa Jeová, kaꞌ moropai Pata konekatîpon, pata po tîkoꞌmansenon yettapusin ton tîînen mîîkîrî:” (TNM) Epuꞌnenanya esenupakoiꞌkonya taa, Pata mîrîrî morî puꞌkuru tîponaron, tiaron mîrîrî yeꞌka ton pra man. Inkamoroya mîrîrî yeꞌka eposaꞌ pra man tiwin kin pemonkonyamîꞌ koꞌmantoꞌpe.
3. Îꞌ ya pemonkonyamîꞌ kupî tîponarî oꞌmaꞌkon yentai?
Pata koneka tîpo, Jeová yeikon moropai oꞌmaꞌkon konekaꞌpî. “Mîrîrî tîpo tîwarainon warayoꞌ konekaꞌpî Paapaya”. (Eraꞌmakî Gênesis 1:27, TNM) Îꞌ wani awanî yeꞌnen morî pe puꞌkuru pemonkonyamîꞌ wanî? Tîwaraino warayoꞌkon konekaꞌpîiya yeꞌnen, mîrîrî wenai iteseru moꞌka toꞌya, saꞌnamatoꞌ moropai yairon pe toꞌ wanî. Paapaya nîrî uurînîkon konekaꞌpî epuꞌnen pe, mai epuꞌtoꞌpe uurînîkonya moropai eserenkantoꞌ eꞌtoꞌpe uurînîkon wakîri pe. Uurînîkon nîrî wanî eꞌpainon Paapa poitîrî pe, tîîse oꞌmaꞌkon wanî pepîn.
ESENUPAKÎ INÎꞌ PANPÎꞌ
Seurîwîꞌne kaisarî esenupan senni pî: (1) Senni ya yenpoꞌ epuꞌnen pe tîweꞌsenya tamîꞌnawîrî senni konekaꞌpî, (2) Paapa Maimuya yenpo Pata tamîꞌnawîrî ikonekasaꞌ manni wanî yairî moropai (3) îꞌ pî uurînîkon esenupa eꞌpainon Jeová yeseru pî, moropai oꞌnon yeꞌka pe pemonkonyamîꞌ yeseru eꞌtoꞌ pî nîrî.
4. Epuꞌnen pe tîweꞌsenya koꞌmantoꞌ konekaꞌpî
Tiaronkonya taa pemonkonyamîꞌ pî: “Morî pe man, maasa Paapaya ikonekaꞌpîsaꞌ manni ipatakaꞌpîsaꞌyaꞌnîkon man!” Îꞌ taa amîrîya, anîꞌ wanî epuꞌnen pe? Manni ikonekatîpon karî? Ipatakapî nen karî? PANTON eraꞌmatî. Tarîpai seeni itoꞌkoꞌ manni pî eseurîmatî:
-
Îꞌ konekaꞌpî pemonkonyamîꞌya Paapa konekaꞌpî ipatakatoꞌ pî?
Tamîꞌnawîrî wîttîkon man, anîꞌya ikonekaꞌpî. Tîîse anîꞌya tamîꞌnawîrî senniꞌkon konekaꞌpî? Eraꞌmatî Hebreus 3:4.
-
Tarî Pata po tamîꞌnawîrî morî pe aweꞌkonekasaꞌ man. Îꞌ wanî awakîri pe puꞌkuru tarî Pata po?
-
Tamîꞌnawîrî wanî manni kaꞌ moropai Pata po iipîꞌpî ikonekatîpon piapai. Mîrîrîkon pî naka inna taaya? Îꞌ wani awanî yeꞌnen amîrî esenumenka mîrîrî panpe?
Epuꞌtî pî nan?
Amîrî esenupa eꞌpainon seeni pî site jw.org ya, seeni yuwakî “Anîꞌya Seeni Konekaꞌpî?” moropai “Tiaronkon eseurîmaꞌpî seeni koꞌmantoꞌ ippiaꞌtîtoꞌ pî”.
“Inna seruꞌ pepîn, tamîꞌnawîron pata wanî tesaꞌkon ke, tiwin pîꞌ kaisarî. Tîîse Paapa wanî tamîꞌnawîron esaꞌ pe.”
5. Paapa Maimu eseurîma manni wanî tamîꞌnawîrî yairon pe, mîrîrî ikonekaꞌpîya yeꞌnen
Paapa Maimu Gênesis 1 eseurîma pî man Paapaya tamîꞌnawîrî ikonekasaꞌ pî. Inna taa eꞌpainon îꞌ taasaꞌ Paapa Maimuya manni pî? Amîrî esenumenka panton pe mîrîrî wanî? PANTON eraꞌmatî.
-
Paapa Maimuya naka yenupa, Pata konekaꞌpî mîîkîrîya yai, tiwin miaꞌ pona tîîmoꞌtai weiyu kaisarî, mîrîrî wanîꞌpî 24 horas panpe?
-
Paapa Maimuya taa pî man oꞌnon yeꞌka pe tamîꞌnawîrî uurînîkon eꞌkonekaꞌpî. Inna taa amîrîya mîrîrî pî? Îꞌ wani awanî yeꞌnen inna taa amîrîya mîrîrî pî?
Gênesis 1:1 ya taa pî man: “Eesippiaꞌtî yai, kaꞌ moropai Pata konekaꞌpî Paapaya.” (TNM)
-
Inîꞌ panpîꞌ epuꞌnenan esenupakoiꞌkonya taa, tamîꞌnawîrî mîrîrî ippiaꞌtîtoꞌ wanîꞌpî. Tamîꞌnawîrî amîrî esenupa manni yeꞌka pe wanî Paapa Maimu ya?
Eseurîmakî mîrîrî pî: Pemonkonyamîꞌya taa Paapaya taise uurînîkon konekaꞌpî iwarîkayamîꞌ wenai. Gênesis 1:21, 25, 27 ya taa pî man: “Paapaya inonkon moroꞌyamîꞌ konekaꞌpî pîrana ka toꞌ eꞌtoꞌpe moropai tamîꞌnawîrî tuna ka tîîkoꞌmasenon siꞌta, moropai tawainunsenon konekaꞌpîiya siꞌta nîrî. Paapaya mîrîrî eraꞌmaꞌpî morî pe. 25 Paapaya kamoꞌyamîꞌ konekaꞌpî siꞌta, yekînkon ton konekaꞌpîiya siꞌta moropai tamîꞌnawîrî toroꞌtakon po taasaꞌsenon ton konekaꞌpîiya siꞌta. 27 Moropai Paapaya warayoꞌ kupîꞌpî tîwarantîrî, warayoꞌ moropai wîriꞌ kupîꞌpîiya.” (TNM)
-
Seꞌ tapairî naka Paapaya uurînîkon konekaꞌpî moropai uurînîkon etinyakamaꞌpî tiwinsarî moroꞌ pe, oꞌmaꞌkon pe, pemonkon pe? Inna karî? Kaane karî? Tamîꞌnawîrî eꞌnen pe wanî manni konekaꞌpîiya? Inna karî? Kaane karî? Îꞌ taa amîrîya? b — Imenukasaꞌ itoꞌkoꞌ eraꞌmakî.
6. Paapaya morî pe puꞌkuru pemonkonyamîꞌ konekaꞌpî
Jeováya uurînîkon konekaꞌpî tîponarî oꞌmaꞌkon yeꞌka pe pra. Gênesis 1:26 ya taa pî man: “Paapaya taꞌpî: “Warayoꞌ konekapai uurînîkon warantî, iren yawonkon moroꞌyamîꞌ, toronyamîꞌ, oꞌmaꞌkon moropai tamîꞌnawîrî oꞌmaꞌkon non po saꞌkoiꞌkon nîrî esaꞌpe aweꞌtoꞌpe.”” (TNM)
-
Pemonkonyamîꞌya saꞌnamatoꞌ yenpo, Jeová panpe inkamoro wanî yeꞌnen. Îꞌ ya uurînîkon yenupa Paapa Jeová yeseru pî?
TIARONKONYA TAA: “Îꞌ taa Paapa Maimuya manni ikonekaꞌpî pî, mîrîrî wanî yairon pe pra. Panton pe neken mîrîrî wanî.”
-
Amîrîya inna taa mîrîrî pî? Îꞌ wani awanî yeꞌnen?
Îꞌ PÎ ESENUPA PÎ NAN?
Jeováya tamîꞌnawîrî îꞌ wanî manni kaꞌ po pata po, mîîkîrîya ikonekaꞌpî.
Enpanatapaiꞌnîkon
-
Îꞌ yenupa Paapa Maimuya oꞌnon yeꞌka pe tamîꞌnawîrî mîrîrî ippiaꞌtîꞌpî kaꞌ po moropai Pata po?
-
Seꞌ tapairî naka Paapaya amîrînîkon konekaꞌpî moropai uurînîkon etinyakamaꞌpî tiwinsarî moroꞌ pe, oꞌmaꞌkon pe, pemonkon pe? Tamîꞌnawîrî eꞌnen wanî manni konekaꞌpîiya?
-
Îꞌ wani awanî yeꞌnen pemonkonyamîꞌ wanî morî pe puꞌkuru?
INÎꞌ PANPÎꞌ ESENUPAPAI NAN?
Maasa seeniꞌkon eraꞌmakî non po, moro man ikonekatîpon.
“Îꞌ ya amîrîrî yenupa non po wanî manni ya?” (Tîwarî Eꞌkî!, setembro kapoi pî, 2006 konoꞌ pî)
Maasa eraꞌmakî, yuntonon eseurîma tînmukukon yarakkîrî Paapa Maimu pî, îꞌ kon konekasaiꞌya manni pî.
Pemonkonya taa: “Inna taa uurîya ikonekatîpon pî moropai iwarîka winîpai uurînîkon iipîꞌpî.” Îꞌ taaya mîrîrî pî? Yairî mîrîrî wanî?
Penaron yeꞌpî rîꞌpî pî esenupakoiꞌkonya taa uurînîkon iipîꞌpî iwarîka wenai. Tîîse mîrîrî naka wanî yairî?
Koꞌmantoꞌ iipiaꞌtîtoꞌ — Miaꞌtaikin kaisarî ekaranmaposaꞌkon moropai yuꞌtoꞌkon (kaareta)
