“Kei [te Atua] hoki te puna o te ora.” (Ngā Waiata 36:9) E whakapono ana koe ki tērā? Kei te whakaaro ētahi tāngata i puta mai te ora i ngā mea tupurangi. Mehemea he tika tērā, nā te aituā noa tātou i ora ai. Heoi mehemea nā Ihowa, nā te Atua te ora i hanga, kāore e kore he take tōna i hangā ai, nērā? a Whakaarohia te kōrero o te Paipera mō te tīmatanga o te ora, me ētahi take pai hei whakapono he tika taua kōrero.

1. I tīmata pēhea te ao nui mārama?

E kī ana te Paipera: “He mea hanga nā te Atua i te tīmatanga te rangi me te whenua.” (Kenehi 1:1) E whakaae ana te nuinga o te hunga pūtaiao he tīmatanga tō te ao nui mārama. I hangā pēheatia e te Atua? Nā tōna “kaha pakari”​—tōna wairua tapu​—i hangā e ia ngā mea katoa i te ao nui mārama, tae noa ki ngā ikarangi, ngā whetū, me ngā aorangi.​—Kenehi 1:2.

2. I hangā e te Atua te whenua hei aha?

“Kīhai i hangā e (Ihowa) [te whenua] kia takoto kau, i whakaahuatia e ia hei nohoanga.” (Ihāia 45:18) I hangā e ia tō tātou ao hei kāinga pūmau pai mō te tangata. (Pānuitia Ihāia 40:28; 42:5.) E whakakitea ana e te pūtaiao he hanganga motuhake te whenua. Ko tēnei anake te aorangi e mōhiotia ana kei roto ngā mea katoa e ora ai te tangata.

3. He aha te tangata kāore i rite ki te kararehe?

Mutu ana te hanga i te whenua, i hangā e Ihowa ngā mea ora ki reira. Tuatahi, kapi tonu i a ia te whenua ki te otaota me te kararehe. Kātahi, “Ka hangā e te Atua te tangata rite tonu ki a ia.” (Pānuitia Kenehi 1:27.) He aha te rerekētanga o te tangata? Nā te rite ki te Atua, ka taea e tātou te whakakite i ōna āhua, pērā i te aroha me te whakarite whakawā. I hangaia hoki tātou e ia ki te ako reo, ki te whakamihi i ngā mea ātaahua, ki te pārekareka i te waiata. Otiia, e āhei ana tātou te karakia ki tō tātou Kaihanga, kāore te kararehe e pērā.

 5. He pai te kōrero o te Paipera mō te hanganga o te ao

6. He hanganga motuhake te tangata nā te Atua

Kāore tātou e rite ki ngā kararehe i hangā e Ihowa. Pānuitia Kenehi 1:26, kōrerotia tēnei pātai:

• Nō te mea kua hangaia tātou kia rite ki te Atua, ka kōrero pēhea mō te āhua o te Atua tō tātou kaha ki te aroha, ki te atawhai?

 WHAKARĀPOPOTO

Nā Ihowa i hanga te ao nui mārama me ngā mea ora katoa.

Titiro anō

• He aha te ako o te Paipera mō te tīmatanga o te ao nui mārama?

• I waihotia e te Atua ngā mea ora rerekē kia whanake mai i tētahi momo-oranga taketake, i hangaia rānei e ia rātou katoa?

• He motuhake te tangata nā te aha?