ISAMBILILO 06
Uzye Uwumi Watalisile Wuli?
E Leza “Wentaliko yawumi wonsi.” (Amalumbo 36:9) Uzye nawewe wasuwila ukuti e Leza awili intaliko ya wumi? Awantu wamwi wakakwelenganya ukuti kutawa e kelewula. Nomba nga cakuti co-o cisinka, uzye lyo twayilesilevye swe weneco munsi? Lelo kweni nga cakuti e Leza awili e kelewula wavya wumi, lyo-o kwawa umulandu wuno wavyelewulizile. a Lola vino Baibolo yikalanda pe vino uwumi watalisile, ni milandu yimwi yino ingalenga tungasuwile ukuti vino yikalanda avya cisinka.
1. Uzye insi ni ntanda vizile viwako wuli?
E Baibolo yikalanda ukuti: “Pakutalika e Leza welewuzile iyulu ni nsi.” (Intaliko 1:1) Wa sayantisiti awavule wazumila ukuti ivintu vyonsinye vyawa na vino vyatalisile. Nomba e Leza wavyelewuzile wuli? Wawomvizye ‘umuzimu wakwe’, akuli ukuti amaka yano akawomvya pakwelewula ivintu vyonsinye, ponga ngati avipinda wusiku, intanda na ma planeti.—Intaliko 1:2.
2. Amulandu ci wuno Leza welewulizile insi?
E Yehova atelewuzile insi ukuti yikale vye ukwasowa icintu cili consinye lelo wayelewuzile ukuti awantu “wakwikala mwenemo.” (Ayizeya 45:18) Wapanzile insi ukuwa acifulo icizima na vyonsinye vino vikalondekwa pa kuti umuntu atwalilile ukuwa nu wumi. (Wazya Ayizeya 40:28; 42:5.) Wa sayantisiti wakalanda ukuti insi yazipa swinya yapusanako nkaninye na ma planeti yanji. Amuno wazana ukuti insi yitupunye ayino yakwata vino vingalenga umuntu ukutwalilila ukuwa nu wumi.
3. Cani calenga tupusaneko ni nyama?
E Yehova watalicizile ukwelewula insi, apano wapanga ivimelwa ni vinyama. “Nga pano e Leza ayelewula umuntu kuwukola wakwe.” (Wazya Intaliko 1:27.) Acani cino calenga tupusaneko ni nyama? Tukalanjizya ulukundo nu mulinganya wulyanye vino Yehova wawa amuno twelewulwa mumukola wakwe. Watwelewuzile na maka yakusambilila ivitundu vinji, ukwivwa icete ukutamba ivintu ivizima nukuyitopwa indwimbo. Cinji cino catupusanyako ni nyama acakuti, sweswe tungapepa e Yehova e kelewula witu.
SAMBILILA IVICILE PA-A
Lola vino vikalanjizya ukuti ivya wumi vyelewuzilwevye, nu wusinincizyo wa kuti vino Baibolo ikalanda pe lyo-o ilyasi avyacisinka. Sambilila na vino imiwele yino awantu wawa nayo yikatusambilizya pe Leza.
4. Ivya wumi vyonsinye vyelewuzilwevye
Awantu nga wapanga cimwi ukufuma kwe vino Leza welewula wakawalumbanya nkaninye. Nomba ukulola ukuti weweni wino tungalumbanya nkani, pe wano wakakopela vye nanti wino wavyelewuzile? Tambani e VIDYO, nu kulanzyanya lyo-o iwuzyo.
-
Avyani vino awantu wakopela kwe vino Leza welewula?
Ing’anda yonsinye yikazengwa nu muntu. Nomba weweni wino wapanzile ivintu vyonsinye? Wazyani Waheberi 3:4, nu kulanzyanya ya-a amawuzyo:
-
Pa vyelewulwa vyonsinyene acilikwinye cino wakundapo sana?
-
Uzye mwawa amano mukuzumila ukuti insi na vyonsinye vino vyawamo vyelewuzilwe vye? Amulandu ci wuno walandila wowo?
Uzye umanyile?
Ungazana amalyasi na mavidyo yano yakulanda pe lyo-o ilyasi pa jw.org pa mitwe ya mu Ciwemba iya kuti “Vino Vikalanjizya Ukuti Kwawa Kelewula” na “Vino Awantu Wamwi Wakalanda pe Vino Ivya Wumi Vizile Aviwako.”
“Na chawuzimanye, kweni ing’anda ikazengwa nu muntu wumwi-achaleka we Leza awino welewula ivintu vyonsi”
5. Kwawa imilandu imivule yo yingalenga tusuwile vyo Baibolo ikalanda pe vino ivintu vizile aviwako
Pa Intaliko icipandwa 1, e Baibolo yalondolola vino insi ni vyawumi vizile aviwako. Uzye vyo-o vino yalandapo avya cisinka nanti akiili vye? Tambani e VIDYO, nu kulanzyanya ya-a amawuzyo.
-
Uzye e Baibolo ikasambilizya ukuti insi na vino vyawamo vyapanzilwe vye mu manda 6?
-
Uzye ukwelenganya ukuti tungasuwila vino Baibolo ikalanda pe vino ivyelewulwa vizile aviwako? Amulandu ci wuno walandila wowo?
Wazyani Intaliko 1:1, nu kulanzyanya lyo-o iwuzyo:
-
Wa sayantisiti wakalanda ukuti insi ni yulu vyawa ni ntalicilo. Uzye vino wiza wazana vyakolana wuli na vino tewawazya mwe Baibolo?
Awantu wamwi wakakwelenganya ukuti e Leza wapanzile akawumi akatici kano kizile akatalika ukupilucila mu vya wumi vinji. Wazyani Intaliko 1:21, 25, 27, nu kulanzyanya ya-a amawuzyo:
-
Uzye e Baibolo ikasambilizya ukuti e Leza wapanzile akawumi akatici nu kukaleka kapilucila mu vinyama, inswi na mu wantu? Nanti wavyelewuzile vye vyonsinye?
6. Awantu wayiwela nkaninye
Twapusanako nkaninye ku vinyama. Wazyani Intaliko 1:26, nu kulanzyanya lyo-o iwuzyo:
-
Uzye wo-o vino twawa nu lukundo nu luse pa mulandu wakuti twapangwa mu mukola wa kwe Leza vikalanjizya ukuti nawenye wawa wuli?
WAMWI WAKATI: “Vino Baibolo ikalanda pe vino ivintu vizile aviwako akiili vye.”
-
Nga wewe ukutipo wuli? Amulandu ci wuno walandila wowo?
IVISINKA VIKULU
E Yehova welewuzile insi ni yulu na vyonsinye vino vyawamo.
Avyani Vino Wasambilila?
-
Acani cino Baibolo ikasambilizya pe vino iyulu ni nsi vizile aviwako?
-
Uzye e Leza walesile ivya wumi ivilekane lekana ukupiluka ukufuma ku ka wumi konga nanti wavyelewuzile vye?
-
Acani cino calenga awantu wapusaneko nkaninye ni vya wumi vinji?
MANYILAPO NA VINJI
Mulole ivyelewulwa vino vikulanjizya ukuti kwawa Kelewula.
“Acani Cino Tukasambilila kwe Vino Leza Welewula” (Loleni!, September 2006)
Mulole vino umukwasi umondzi angalondololela umwana wakwe umonsi vino Baibolo ikalanda pe vino Leza welewula.
Lolani nga cakuti icisambilizyo ca kuti ivintu vyapilusile vye cikakwivwana ne Baibolo.
“Uzye Ivintu Vino Vyapilusile vye?” (Icipande ca pa webusayiti)
Lolani nga ca kuti amafupa yakali nkaninye na vino wasayantisiti wazana vikalanjizya ukuti kwalinji wino welewuzile ivya wumi.
Vino Uwumi Watalisile—Amawuzyo 5 Amacindame Nkaninye (broshuwa)
a Isambililo 25 lililanda pa mulandu wuno e Yehova welewuzile awantu.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
