LEKSION 06
Panon ya Ginmapo so Bilay?
“Walad [Dios] so subol na bilay.” (Salmo 36:9) Panisiaan mo ’tan? Wala ray totoo ya manisian basta tayo labat abilay. No tua ’tan, di aksidente tayo labat sirin ya wadia? Balet no pinalsa nen Jehova ya Dios so bilay, di wala sirin so gagala to? a Amtaen tayo no antoy ibabaga na Biblia ya nanlapuan na bilay tan no akin ya duga labat ya panisiaan itan.
1. Panon ya ginmapo so uniberso?
Ibabaga na Biblia: “Diad gapo et pinalsa na Dios so tawen tan say dalin.” (Genesis 1:1) Manisia so dakel ya scientist ya walay gapo na uniberso. Panon itan ya pinalsa na Dios? Inusar to so “aktibon puersa” to odino say masanton espiritu to, pian gawaen so amin diad uniberso, kaiba la ray galaxy, bitewen, tan planeta.—Genesis 1:2.
2. Akin et pinalsa na Dios so dalin?
Say dalin et “agto pinalsa ya andiay gagala, noagta ginawa ton panayaman.” (Isaias 45:18) Ginawa nen Jehova so planetan Dalin ya balibali pian permanentin panayaman na totoo. (Basaen so Isaias 40:28; 42:5.) Ipapaamta na science ya espisyal so dalin. Aya labat so planeta ya nabilay iray totoo.
3. Antoy pidumaan na totoo ed ayayep?
Kayarin ginawa nen Jehova so dalin, pinalsa to iray mabilay ed sayan planeta. Unona, nanggawa na amayamay ya tanaman tan ayayep. Insan, “pinalsa na Dios so too unong ed indengan to.” (Basaen so Genesis 1:27.) Akin et espisyal iray totoo? Lapud ginawa itayo na Dios ya sarag tayon ipanengneng iray kualidad to, singa say panangaro tan hustisya. Ginawa itayo met na Dios ya walay abilidad ya manaral na lenguahe, pambiliban iray balibalin desinyo, tan na-enjoy so musika. Tan duma tayo ed saray ayayep ta sarag tayon dayewen so Amalsa ed sikatayo.
DAKEL NI NAARALAN MO
Amtaen iray ebidensya ya walay nandesinyo ed bilay tan tua so ibabaga na Biblia tungkol ed impamalsa. Amtaen met no antoy naaralan tayod Dios lapud saray kualidad na totoo.
4. Walay nandesinyo o nanggawad bilay
Wala ray totoo ya pambiliban lapud saray imbension da ya inalig da ed palsa. Pero siopa dapat so nidayew? Sikara odino samay nandesinyo ed angaligan da? I-play so VIDEO, insan ebatan iya.
-
Anto ran imbension so inalig na totoo ed saray palsa?
Kada abung et walay nandesinyo tan nanggawa. Pero siopay nandesinyo tan nanggawa ed amin ya palsa? Basaen so Hebreo 3:4, insan ebatan iraya:
-
Dinan ed saray palsa so panbiliban mo?
-
Duga labat kasin panisiaan ya say uniberso tan say amin ya wadtan et walay nandesinyo? Akin ey?
Kasin antam?
Wala ray artikulo tan video ed sayan topic diad jw.org/pag diad serye ya “Wala Kasi Nandesinyo?” tan “Saray Papanisiaan ed Nanlapuan na Bilay.”
“Kada abung et walay nanggawa, balet say nanggawa na amin a bengatla et say Dios”
5. Napanisiaan ya tua so imbaga na Biblia tungkol ed impamalsa
Nabasa ed Genesis kapitulo 1 so ibabaga na Biblia no panon ya ginmapo so dalin tan say bilay ed sayan planeta. Duga kasi so ibabaga to odino is-istorya labat? I-play so VIDEO, insan ebatan iraya.
-
Kasin ibabangat na Biblia ya say dalin tan say amin ya mabilay dia et pinalsa ed loob na anemiran agew ya asan-24 oras?
-
Parad sika, duga labat kasin panisiaan so ibabaga na Biblia ya impamalsa? Akin ey?
Basaen so Genesis 1:1, insan ebatan iya:
-
Panisiaan na saray scientist ya walay gapo na uniberso. Antoy pamparehoan na papanisiaan da tan sayay abasam diad Biblia?
Papanisiaan na arum ya nanggawa so Dios na simpli labat ya pinalsa insan itan nan-evolve. Basaen so Genesis 1:21, 25, 27, insan ebatan iraya:
-
Kasin ibabangat na Biblia ya say Dios et nanggawa na simpli labat ya pinalsa insan itan nan-evolve tan nagmaliw ya sira, ayayep, tan totoo? Odino pinalsa to so amin ya “klase” na bilay? b
6. Espisyal iray totoo ya pinalsa na Dios
Duma tayo ed saray ayayep ya pinalsa nen Jehova. Basaen so Genesis 1:26, insan ebatan iya:
-
Lapud ginawa itayo ed indengan na Dios, maaro tan makasi tayo. Antoy ipapanengneng na satan ya personalidad na Dios?
IBABAGA NA ARUM: “Is-istorya labat ’tay ibabaga na Biblia ya impamalsa.”
-
Antoy nibagam? Akin ey?
SUMARYO
Pinalsa nen Jehova so uniberso tan amin ya mabilay.
Rebyu
-
Antoy ibabangat na Biblia ya nanlapuan na uniberso?
-
Kasin nanggawa so Dios na simpli labat ya pinalsa insan nan-evolve itan ed nanduruman klase na bilay, odino pinalsa to ran amin?
-
Akin et espisyal iray totoo?
DISKOBRIEN
Diskobrem so inkagawa na saray palsa ya mangipapanengneng ya walay nandesinyo.
“Ano Ba ang Itinuturo ng Kalikasan?” (Gumising!, Setyembre 2006)
Bantayan no panon ya impaliwawa na sakey ya ama ed ugaw nin anak to so ibabaga na Biblia ya impamalsa.
Amtaen no kasin parehon duga so ebolusyon tan say Biblia.
“Kasin Inusar na Dios so Ebolusyon Pian Mamalsa na Nanduruman Klase na Bilay?” (Artikulo ed website)
a Pantongtongan ed Leksion 25 no antoy panlabayan na Dios parad totoo.
b Diad Biblia, say salitan “klase” et baleg ya grupo na mabilay iran pinalsa.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
