LONGO DIA 06
Luholo Lutshi Monyo Wasendesele?
‘Nzambi udi mufugi wa monyo.’ (Ngimbo 36:9) Aye wana tshigina ndaga eyi ba? Athu ako ana zuela egi monyo wadizogele, gushigo nu muthu wawufugile. Gula idi ngenyi, idi mumonesa egi esue nji tualabele gudizogela. Uvi gula Yehowa Nzambi wafugile monyo, gudi nu ndaga yamutumile ha guwufuga. a Biblia yana monesa luholo monyo wasendesele; tutadile ndaga jidi gututuma ha gutshigina ndaga yene.
1. Mavu nu themua jiakatugile gui?
Biblia idi muzuela egi: “Gu gisendeselo Nzambi wafugile dilu nu mavu.” (Gisendeselo 1:1) Enya ndunge avula ana tshigina egi ima idi mu dilu nu ha mavu yakhala nu gisendeselo. Luholo lutshi Nzambi wayifugile? Ima yagasue yana khala ha mavu nu mu dilu gifua ba galaxie, themua nu ba planète, wayifugile mu ukuateshi wa “ngolo jienji,” yakotelesa egi nyuma yenji.—Gisendeselo 1:2.
2. Mukunda natshi Nzambi wafugile mavu?
Yehowa ‘gafugilego [mavu] ha gukhala agituhu, uvi waalondele hagula athu akhale hene.’ (Yeshaya 45:18) Walondele mavu mu luholo luabonga hagula akhale fundo diawaha athu adi naye gukhala ivo nu ivo. (Tanga Yeshaya 40:28; 42:5.) Enya ndunge ana zuela egi mavu akhala diago agudisha nu planète jiko. Gushigo nga nu planète iko gifua mavu idi nu ima yagasue muthu udi naye funu ha gukhala nu monyo.
3. Itshi yana tshita egi athu akhale a gudisha nu shitu?
Yehowa wafugile mavu, gungima wafugile ima yagasue idi nu monyo hene. Thomo, wafugile mitshi yavula ha mavu nu shitu. Gungima, “Nzambi wafugile muthu mu gifuanesa gienji.” (Tanga Gisendeselo 1:27.) Itshi yana tshita egi athu akhale agudisha nu shitu? Nzambi watufugile mu gifuanesa gienji, hene tuana monesa makalegelo enji gifua guzumba nu mutshima wabonga. Watuhanele ndunge jia gujiya mazuelelo ako, nu gusuanguluga nu ima yawaha, nu miziki. Tudi nji ya gudisha nu shitu handaga tuakhala nu luendu lua gukombelela Mufugi wetu.
TUKAMBE GUJIYA NDAGA JIAVULA
Tala ndaga jidi mumonesa egi Nzambi wafugile monyo, nu ndaga jidi gugutshiginyisa egi mene jia Biblia jiatadila ima yafugile Nzambi jidi jia giamatshidia. Tadila nji malongo tuana zula gudi Nzambi mu njila ya makalegelo abonga a athu.
4. Monyo wafugiwe
Athu avula ana shimanewa handaga ana londa ima, uvi ha gulonda ima yene, ana tetesa ima yafugiwe. Nanyi giwa wafugile ima yene athu ako ana tetesa? Tala VIDEO, gungima zuelelenu muhu owu walandula.
-
Ima itshi yafugiwe inyi athu ana tetesa ha gulonda ima iko?
Inzo yagasue idi nu muthu wayitungile. Nanyi giwa wafugile ima yagasue tuana mona? Tanga Hebelu 3:4, gungima zuelelenu mihu eyi yalandula:
-
Gima gitshi mukatshi dia ima yafugile Nzambi giana guguyitugisa?
-
Tuajiya diago gusha gutshigina egi mavu nu dilu nu ima yagasue idi hene yafugiwe ba? Mukunda natshi?
Wana guyijiya ba?
Wajiya guheta malongo nu video jidi muzuelela longo edi mu jw.org ha fundo diasonegewa egi “Yadizogele nga Yafugiwe?” nu “Ndaga Athu ana Zuela mu Luholo Monyo Wasendesele.”
“Inzo yagasue yana khala nu muthu wayitungile. Uvi muthu wafugile ima yagasue udi Nzambi”
5. Ndaga jiana gututuma ha gutshigina egi lumene lua Biblia luatadila ima yafugiwe ludi lua giamatshidia
Mu Gisendeselo mukhapho 1, Biblia idi mumonesa luholo mavu nu ima yagasue idi hene yafugiwe. Udi mutangiza egi lumene elu ludi lua giamatshidia nga lua mambo? Tala VIDEO, gungima zuelelenu mihu eyi yalandula.
-
Biblia yana longesa egi mavu nu ima yagasue idi hene yafugiwe mu masugu 6 a matangua 24 ba?
-
Udi mutangiza egi lumene lua Biblia luatadila ima yafugiwe ludi lua giamatshidia ba? Mukunda natshi?
Tanga Gisendeselo 1:1, gungima zuelelenu muhu owu walandula:
-
Enya ndunge ana zuela egi mavu nu dilu akhala nu gisendeselo. Luholo lutshi ndaga yene idi gudivua nu ndaga watanga mu Biblia?
Athu ako ana tangiza egi Nzambi wafugile phamba gama gamoshi gazonda, gungima gama gene gadivudishile ha guzola ima iko idi ha mavu. Tanga Gisendeselo 1:21, 25, 27, gungima zuelelenu mihu eyi yalandula:
-
Udi mutangiza egi Biblia yana longesa egi Nzambi wafugile phamba gama gamoshi gazonda, gungima gama gene gabalumuga gabua ishui, gungima ishui yene yabua shitu, gu gisugishilo shitu yabua muthu ba? Nga yana longesa egi muene wafugile ima ya ‘maluholo’ agasue idi nu monyo? b
6. Nzambi wafugile athu mu luholo lua gudisha nu ima iko
Yehowa watufugile mu luholo lua gudisha nu shitu. Tanga Gisendeselo 1:26, gungima zuelelenu muhu owu walandula:
-
Tuana zumba athu ako, tuana guavila khenda handaga tuafugiwe mu gifuanesa gia Nzambi, ndaga yene idi gutulongesa itshi mukunda nu Nzambi?
ATHU AKO ANA ZUELA EGI: “Mene jia Biblia jiatadila ima yagasue yafugiwe jiakhala jia mambo.”
-
Itshi udi mutangiza? Mukunda natshi?
NDAGA WALONGUGA
Yehowa wafugile mavu nu dilu nu ima yagasue idi nu monyo.
Mihu ya Guvutugila
-
Biblia yana longesa egi mavu nu dilu nu themua jiakatugile gui?
-
Udi mutangiza egi Nzambi wafugile phamba gama gamoshi, gungima gama gene gazola ima iko ba? Nga ndo muene wafugile ima yagasue ba?
-
Gudisha gutshi guakhala mukatshi dia athu nu ima iko yafugile Nzambi?
NDAGA JIKO JIA NDANDO
Tala ndaga jidi mumonesa egi gudi nu muthu wafugile ima yagasue.
“Qu’enseigne la nature?” (Réveillez-vous! ya Septembre 2006)
Tala luholo tata mumoshi wajiya gukotelesela mun’enji longo dia Biblia diatadila ima Nzambi wafugile.
Tala gula longo dia évolution diana gudivua nu ndaga yana longesa Biblia.
Ha gujiya gula monyo wafugiwe nga wadizogele, tala ndaga ifuwa ya mualeha nu ndaga jiana tshita enya sianse jiana monesa.
Cinq questions à se poser sur l’origine de la vie (gamukanda)
a Longo dia 25 mbadizuelela felela dia Nzambi mukunda nu athu.
b Mu Biblia, mbimbi ‘maluholo’ idi mukotelesa ima yavula ya luholo nu luholo idi nu monyo.
