LECCIÓN 06
Kexrein kuexinxin kain
“Ngajin jii thi techuná” (Salmo 36:9). A degithikaun yaa. Anto tsje chujni xraxauna ke jañaunka juiʼina, ke xruʼin kensen juinthachjianá ko si jañaunka tená nthiʼi xruʼin renthe thi techuná. Aro, si Jehová juinthachjianá jeʼe Ndo nuʼe Ndo unda ixi tená nthiʼi, ndaʼa. a Detsjeʼe kexrein ndachro Biblia, kexrein kuexinxin kain ko detsjeʼe unda ixi jaña kuenxin.
1. Kexrein kuexinxin kain ngai sasendajni
Biblia ndachro: “Ke are saʼo Dio juinchechjian ngajni ko Nunthe” (Génesis 1:1). Kainxin xi científico ndachruxa ke sasendajni yaa beʼe naa thi juinchechjian. Kexrein juinchechjian Ndo Dio sasendajni. Gundeʼe Ndo de thi “tsangaxin Ndo” —nchauʼen Ndo— para ke nchao juinchechjian Ndo kainxin thi jii ngai sasendajni: galaxia, kunutse ko kainxin planeta. . . (Génesis 1:2).
2. Unda juinchechjian Dio Nunthe
Jehová “juinchechjiʼan Ndo Nunthe jañaunka icha jian juinchechjian para ke nchao sinthe chujni” (Isaías 45:18). Jeʼe Ndo juinchechjian Ndo Nunthe anto chrjuin para ke chujni nchao sinthena yaa (tsjeʼe Isaías 40:28 ko 42:5). Xi científico ndachruxa ke juʼo ngataʼa Nunthe jiʼi thi chrjuin jii ko juʼo nthiʼi thi nchao sinthechun chujni.
3. Unda ixi jiʼa xrajuʼo chujni ko uxigo
Are juexin kunchjian Nunthe Jehová juinchechjian kainxin thi jii ngataʼa Nunthe, saʼo juinchechjian kainxin laguerta ko uxigo. Kuthejan “Dio juinchechjian chujni jaña xraa jeʼe” (tsjeʼe Génesis 1:27). Unda ixi jiʼa xrajuʼuná ke uxigo. Ixi Ndo Dio juinthachjianá Ndo xraa jeʼe Ndo, nchao tsjaguná thi thjueʼeni ko thi ndakua duan jie̱ jaña xraa jeʼe Ndo. Kai jeʼe Ndo juinthachjianá para ke tsanginá icha tha, sinthaxruxianá kain thi dukuna ko suun. Ko, jaʼana tuyeiʼaná ngai uxigo, ixi jaʼana jaan nchao nthusayeʼena Ndo Dio.
TANGI ICHA
Rutsjeʼená kekaa tjago ke Ndo Dio juinchechjian kain thi jichun ko unda thi ndachro ngaa Biblia yaa naa thi nchao suthikauna. Ko tsanginá ke thi chrjuin nuʼen chujni yaa nchao tsjaguaná icha de Dio.
4. Jii naa thi juinchechjian kainxin thi jichun
Are naana digantsjengana thi dinchechjian Dio chujni ncheganginana. Aro, kensen nchegangin thi denduaxin juinchechjian kain jiʼi. Tsjeʼera VIDEO ko tjaura de jiʼi:
-
Kekaa thi dukuna ke jii ke digantsjenga chujni.
Kainxin nchia jii naa thi juinchechjian nchia. Aro, kensen juinchechjian kainxin thi jii ngataʼa Nunthe. Tsjeʼera Hebreos 3:4 ko tjaura de jiʼi:
-
De kainxin thi jii ngataʼa Nunthe keʼe thi icha denthaxruxiʼan.
-
Unda ixi jaan nchao sithikauni ke kain thi jii ngai sasendajni jii naa thi juinchechjian.
A benuʼan
Ngai jw.org seginchii icha artículo ko video ke nichja de jiʼi. Ngai serie ke diʼin “¿Lo diseñó alguien?” ko “Thi xraxauna kexrein kununxin kain”.
“Jaan, kainxin nchia beʼe naa thi juinchechjian nchia, aro thi juinchechjian kainxin yaa Dio”.
5. Jaan ndua thi ndachro Biblia de kexrein kuexinxin kain
Ngai capítulo 1 de xrun Génesis, Biblia ndachro kexrein kuexinxin kunchjian Nunthe ko kain thi jii ngataʼa Nunthe. A ndua jiʼi a ni juʼo naa thi thekin chujni. Tsjeʼera VIDEO ko tjaura de jiʼi:
-
A tjago Biblia ke 6 nchaʼun, de 24 hora juexinxin kunchjian Nunthe ko kain thi jii ngataʼa Nunthe.
-
A degithikaun ke thi ndachro Biblia de kexrein kunchjian kain yaa jaan ndua.
Tsjeʼera Génesis 1:1 ko tjaura de jiʼi:
-
Tsje xi científico ndachruxa ke jaan jii naa thi juinchechjian sasendajni. A jaan xrajuʼo thi xraxaun xi científico ko thi juexin benchelee ngai Biblia.
Inchina dachangina si Ndo Dio jañaunka juinchechjian Ndo kain kuthejan kuajanda Ndo ke guan evolucionado. Tsjeʼera Génesis 1:21, 25, 27 ko tjaura de jiʼi:
-
A tjago Biblia ke Ndo Dio jañaunka juinchechjian kain thi jichun kuthejan kuajanda Ndo ke guan evolucionado asta ke takjan naa kuchee, naa uxigo icha jie o chujni. A ni jeʼe Ndo juinchechjian Ndo nanaa de jiʼi. b
6. De kain thi dinchechjian Ndo Dio thi icha jee kunchjian yaa chujni
Jaʼana jeʼa xrajuʼo ke uxigo. Tsjeʼera Génesis 1:26 ko tjaura de jiʼi:
-
Jaʼana nchao tsjaguná ke thjueʼená ko thukunueʼená ni icha ixi kunchjianá jaña xraa Ndo Dio. Keʼe dekjaguʼa jiʼi de kexrein chrjuinxin nuʼen Jehová.
THI XRAXAUN INCHINA: “Thi ndachro Biblia de kexrein kuexinxin kunchjian kain, jiʼi juʼo naa thi thekin chujni”.
-
Keʼe dexraxaun suixin ko unda.
THI KUANGINÁ
Jehová juinchechjian nguixin sasendajni.
A xraxaun thi kuangi
-
Keʼe tjago Biblia de kexrein kunchjian sasendajni.
-
A kainxin thi juinchechjian Ndo Dio yaa juʼo kuariuxin Ndo, ke kuthejan jeʼe chunda ke ruguan evolucionado, a ni najuexun Ndo juinchechjian Ndo kain.
-
Unda ixi chujni icha chrjuin dikunchjiana.
THJEE ICHA
Detsjeʼe inchi thi jiʼi ngataʼa Nunthe ke tjaguaná ke jii naa thi juinchechjian.
“¿Qué nos enseña la naturaleza?” (¡Despertad!, septiembre de 2006)
Detsjeʼe kexrein naa ndudaʼa jitjague xanchinchjeʼen kexrein kunchjian kain.
Detsjeʼe a evolución xrajuʼo tjago ke Biblia.
“¿Creó Dios los distintos tipos de seres vivos mediante la evolución?” (Artículo de jw.org)
Detsjeʼe si kainxin thi dithjana ngai luro o icha thi nuʼe xi científico tjago: ke thi techuná jañaunka kuʼen a ni beʼe naa thi juinchechjian.
El origen de la vida. Cinco cuestiones dignas de análisis (Folleto)
a Lección 25 ndachro keʼe rinao Dio para jaʼana.
b Ngai Biblia, tununxin palabra género ko ruchro tsje de thi jichun; aro ni científico jee nchegundana palabra jiʼi.
