LECCIÓN 06
Causai ¿imasnara callarica?
“Can [Dios] tucuira rarcangui” (Apocalipsis 4:11). ¿Can chita quiringuichu? Huaquin runauna quirinun cungaimanda causai callarishcara, shu ruraj mana tianzhu nisha. Caibi cungaimanda causangaj callarisha, ñucanchi yangamanda causaunchi nisha. Shinajpi Jehová shu sumaj munaihua causaira callarichica. a Ricui Biblia imara nin causai callarinamanda shinallara imarasha cai intindinalla ashcara.
1. ¿Pita ahua pachara cai allparas rurarca?
Biblia nin: “Callarinai, Dios ahua pachara allparas rurarca” (Génesis 1:1). Ñacas tucui cientificoguna quirinun ahua pacha, cai allpa shu callarina charishcara. ¿Imasnara Dios tucuira rurarca? Paihua ‘ushaira’ utilizaca, paihua espíritu santora tucui tiajcunara rurangaj: galaxiaguna, estrellaguna, planetagunaras... (Génesis 1:2).
2. ¿Imarasha Yaya Dios cai allpara rurarca?
Jehová “mana yangamandachu rurarca, astaumbas chibi causangahua rurarca” (Isaías 45:18). Yaya Dios cai allpara rurarca shu sumaj lugar achu, runauna chibi huiñai huiñaigama causangahua (leai Isaías 40:28; 42:5). Cientificoguna rimanun cai allpa shujlla, yapa sumaj ashcara. Mana ricsinunzhu cai allpa cuinta runauna causana shuj lugar tiashcara.
3. ¿Ima tunuibi shuj tunu anun runaunahua animalgunahuas?
Allpara rurashca huasha, Jehová chibi causangaraujcunara rurarca. Pundai quihuaunara, animalgunaras rurarca. Chi huasha “Dios runara rurarca pai cuinta ricurijta” (leai Génesis 1:27). ¿Ima tunui animalgunahua shuj tunu anchi? Imasna Yaya Dios pai cuinta ricuringahua rurashcara, ñucanchi pai cuinta llaquina, ali dirichu ruranara ricuchina ushanchi. Shinallara pai rurarca shuj shimiras yachangahua, sumaj rurashcaunaras ricungahua, cantanaunara uyasha cushiyangahua. Ñucanchira Rurajta adurana ushanchi, animalguna shina mana rurana ushanunzhu.
MAS YACHAI
Ricushun imarasha quirina ushanchi Dios tucui tunu causajcunara rurashcara shinallara Dios rurashcamanda Biblia cuintashca imarasha quirihuajlla an. Astaumbas yachashun runauna imasna rurashcauna Yaya Diosmanda ima yachachishcara.
4. Tucui causajcuna shu rurajta charinun
Runaunara ahuayachinun cai allpai tiaj cosasgunara ricusha rurashcamanda ¿imarasha mana ahuayachinun tucui cosasgunara rurajta? VIDEORA ricuichi, huasha catij tapuimanda rimaichi:
-
Runauna ¿imara copianushca cai allpai tiajcunamanda?
Caran huasiunara shu runa ruran. Shinajpi ¿pita sachai tiajcunara iñachica? Leaichi Hebreos 3:4, huasha catij tapuigunamanda rimaichi:
-
¿Ima sachai tiajcunamanda mas gustangui?
-
¿Quirihuajllachu an maican ahua pacharas cai allparas rurashcara? ¿Imarasha?
¿Yachanguichu?
Mas temagunara, videogunara tupangaj jw.org icungui: “¿Pita rurarca?” shinallara “Causai imasna callarinamanda rimashcauna” partiunai.
“Tucui huasi shu runa rashcami, astaun tucuira raj Diosmi”.
5. Dios rurashcamanda Biblia cuintashca quirihuajlla an
Génesis capítulo 1 Biblia ricsichin imasna cai allpa shinallara allpai causajcuna tiangaj callarinuca. ¿Cai sirtuchu anga, manajpi shu yanga cuintashcallachu? VIDEORA ricuichi, huasha catij tapuigunamanda rimaichi:
-
¿Biblia yachachinzhu cai allpa chibi causajcunas sucta punzhaunai rurashcachu aca?
-
¿Quiringuichu Biblia cuintashca Dios rurashcaunamanda parijulla intindinallas ashcara? ¿Imarasha?
Leaichi Génesis 1:1, huasha catij tapuimanda rimaichi:
-
Cientificoguna rimanun tucui tiajcuna shu callarina charishcara. ¿Paiguna iyashcara can Bibliai leashcahua pariju an?
Maican runauna tapurinun maicambi Yaya Dios shu ichilla célula rurashcamanda huasha evolucionmanda turcarisha catishcanga. Leaichi Génesis 1:21, 25, 27, huasha catij tapuimanda rimaichi:
-
¿Biblia yachachinzhu Yaya Dios shu ichilla célula rurashcamanda evolucionasha catichu aichahuauna, animalguna, runauna tucusha? Manajpi ¿Dios “caran tunu” causaigunara rurashcachu? b
6. Runauna shuj tunu anchi Dios tucui rurashcaunahua
Animalgunamanda ñucanchi shuj tunu anchi. Leaichi Génesis 1:26, huasha catij tapuimanda rimaichi:
-
Runauna Yaya Dios cuinta ricuringaj rurashca ashcamanda llaquina, ali shungura ricuchina ushanchi. ¿Imara cai ñucanchira yachachin Jehová imasna ajta?
RUNAUNA CASNA NINUJPI: “Biblia cuintashca Dios tucui rurashcaunamanda shu yanga cuintashcalla an”.
-
Can ¿imara iyangui? ¿Imarasha?
IMARA YACHASHCANGUI
Jehová Dios ahua pachara cai allparas rurarca, tucui chibi causajcunaras.
Iyaringaj
-
Biblia ¿imara yachachin imasna tucui callarishcamanda?
-
¿Dios saquicachu shu ichilla célula evolucionasha catichu shuj tunu causaigunai tucungaj? Manajpi ¿Dios tucui tunu causaigunara rurashcachu?
-
¿Imasnara animalgunamanda ñucanchi shuj tunu anchi?
RICUNGUI
Ricui maican ejemploguna cai allpai tiajcunamanda ricuchin shu ruraj tiashcara.
“¿Imara yachachin cai allpai tiajcuna?” (¡Despertad!, septiembre de 2006)
Ricui imasna shu yaya paihua huahuara yachachin imasna Yaya Dios tucui rurashcara.
Yachai evolución Bibliahua pariju, mana pariju ashcara.
“¿Dios evolucionhua caran tunu causajcunara rurarcachu?” (jw.org partii tiaj tema)
Riparai ñaupa tiaj tulluuna, cientificoguna rurashcauna ricuchinzhu causai cungaimanda tiashcara, shu ruraj tiashcara.
Causai imasna callarishcamanda. Pichca tapuigunara yachangaj (Folleto)
a Lección 25 yachachin Yaya Dios imarasha runaunara rurashcara.
b Bibliai cai shimi caran tunu ashca causaigunamanda rimangaj utilizan; shinajpi cientificoguna cai shimira shuj iyaihua utilizanun.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
