LEKCIJA 6
Ko kerďa o dživipen?
„Tutar [Devla] avel o dživipen.“ (Žalm 36:9) Paťas aleske? Varesave manuša oleske na paťan. Phenen, hoj o dživipen ňiko na kerďa. Ta paľis soske dživas? Aľe te savoro kerďa o Del Jehovas, ta džanelas soske. a E Biblija amenge sikavela, kastar hin čačes dživipen a soske oleske šaj paťas.
1) Ko kerďa o vesmiris?
E Biblija vakerel: „Pro začatkos o Del kerďa o ňebos the e phuv.“ (1. Mojžišova 1:1) Ola, so sikhľon pal o vesmiris tiš phenen, hoj sas kerdo. Sar les o Del kerďa? Peskera bara zoraha, so pes vičinel svato duchos. Kerďa savoro, so hin andro vesmiris. Bare the cikne čercheňa the o planeti. (1. Mojžišova 1:2)
2) Soske o Del kerďa e phuv?
O Jehovas „la [e phuv] na kerďa hjaba, aľe kaj pes pre late te bešel.“ (Izaiáš 45:18) O Jehovas amenge diňa e phuv sar šukar kher, so adaj ačhela pro furt. (Pregen Izaiáš 40:28; 42:5) Ola, so sikhľon pal o vesmiris phenen, hoj amari Phuv, pre savi dživas hiňi andro vesmiris ča jekh. Bo ča pre late hin o dživipen.
3) Andre soste sam aver sar o zvjerata?
Sar o Jehovas kerďa e phuv, kerďa pre late o dživipen. Savoro džido chudľa te barol: rastlini, stromi a tiš o zvjerata. Paľis, „O Del kerďa le manušes la naturaha, savi les hin“. (Pregen 1. Mojžišova 1:27) Andre soste sam aver sar o zvjerata? Hin amen natura sar le Devles. Vašoda rado dikhas avren abo pes zaačhas vaš o čačipen. Tiš sam kerde avka, hoj džanas te sikhľol čhiba, rado dikhas oda, so hin šukar abo radisaľuvas le giľendar. Šaj presikavas le Devleske paťiv. Aľe o zvjerata kada savoro na džanen te kerel.
DODŽAN TUT BUTER
Sar sas o dživipen rajikanes kerdo? So phenel e Biblija, sar o Del kerďa o ňebos the e phuv? Sprindžar, so lačho hin andro manuša a paľis feder sprindžareha le Devles.
4) O dživipen sas kerdo igen šukares
O manuša pes ašaren, so kerde, aľe kerde ča koda, so imar sas andre priroda. Kas kampel čačes te ašarel vaš ada sar hiňi kerďi e priroda? Mukh o VIDEJO a vakeren jekhetane.
-
So sikhľile o manuša la prirodatar?
Te dojekh kher vareko kerďa, ta paľis ko kerďa e priroda? Pregen Hebrejom 3:4 a vakeren jekhetane:
-
Tu so rado dikhes andre priroda?
-
Paťas, hoj o ňebos the e phuv vareko kerďa? Soske?
„Bo dojekh kher vareko ačhaďa, aľe koda, so kerďa savoro, hino o Del“
5) Andre Biblija hin čačipen sar o Del kerďa o ňebos the e phuv
1. Mojžišova peršo kapitola sikavel sar sas kerďi e phuv the o dživipen pre late. Šaj aleske paťas abo hin oda ča vimišľimen lava? Mukh o VIDEJO a vakeren jekhetane.
-
Sikavel e Biblija, hoj e phuv the o dživipen pre late sas kerdo vaš amare 6 ďivesa?
-
Paťas, hoj o vesmiris the e phuv sas čačes avka kerde sar hin andre Biblija? Soske avka phenes?
Pregen 1. Mojžišova 1:1 a vakeren jekhetane:
-
Ola, so sikhľon pal o vesmiris phende, hoj sas kerdo. Sar oda bešel oleha, so akana genďal andre Biblija?
Vareko paťal, hoj o Del na kerďa sa. Phenen, hoj kerďa ča varesavi cikňi bunka, savatar paľis bariľa savoro korkoro pestar – mačhe (ribi), zvjerata the manuša. Pregen 1. Mojžišova 1:21, 25, 27 a vakeren jekhetane:
-
Čačes sikavel e Biblija, hoj ča jekha bunkatar bijo Del pes kerďa savoro? Abo sas oda o Del, ko kerďa le mačhen (riben) le zvjeraten the le manušen?
6) Hin andre amende Devleskeri natura
Amen na sam sar o zvjerata. Pregen 1. Mojžišova 1:26 a vakeren jekhetane:
-
O Jehovas amen kerďa avka, hoj džanas te kamel a te odmukhel. So olestar sikhľuvas pal o Jehovas?
VAREKO ŠAJ PHENEL: „E Biblija na vakerel čačipen pal oda sar sas kerdo o ňebos the e phuv.“
-
Tu so pre oda phenes? Soske?
SO SIKHĽIĽAM
O Jehovas kerďa o vesmiris the savoro, so dživel.
So bi phenehas
-
So sikavel e Biblija pal oda sar sas kerdo o vesmiris?
-
Hin čačo, hoj o Del mukhľa jekha bunkatar, kaj pes savoro te kerel korkoro, abo kerďa savoro ov?
-
Andre soste sam aver le zvjeratendar?
DIKH TUKE BUTER
Pregen tuke sar hiňi priroda rajikanes kerďi.
Dikh, sar o dad sikavel le čhavoreske, so phenel e Biblija sar sas savoro kerdo.
Pregen tuke: Čačes sikhľarel e Biblija, hoj o dživipen pes kerďa korkoro pestar?
„Využil Boh pri stvorení života evolúciu?“ (arakheha pro jw.org)
Pregen tuke: So phenen o manuša, save sikhľon pal e priroda?
Pôvod života – päť otázok, ktoré si zaslúžia pozornosť (brožúra)
a Andre 25 lekcija vakeraha, soske o Del kerďa le manušen.
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
