“ምንጪ ህይወት ምሳኻ [ምስ ኣምላኽ] እዩ።” (መዝሙር 36:9) ነዝስ ትኣምኖ ዲኻ፧ ገሊኦም ሰባት ህይወት ብወዝብን ብዘይ ዕላማን ዝመጸት ይመስሎም። እዚ ልክዕ እንተ ዀይኑ፡ ብሃንደበት ኢና ኣብዚ ዘለና ማለት እዩ። የሆዋ ኣምላኽ እንተ ፈጢሩና ግና፡ ህይወት ዕላማ ኺህልዋ ኣለዎ። a እምበኣር፡ መጽሓፍ ቅዱስ ብዛዕባ መበቈል ህይወት ዚትርኾ ዛንታን እዚ ዜእምን ዝዀነሉ ምኽንያትን እስከ ንርአ።

1. ዩኒቨርስ ብኸመይ ጀሚሩ፧

መጽሓፍ ቅዱስ፡ “ኣምላኽ ብመጀመርታ ሰማያትን ምድርን ፈጠረ” ይብል። (ዘፍጥረት 1:1) መብዛሕትኦም ተመራመርቲ ስነ ፍልጠት፡ ዩኒቨርስ መጀመርታ ኸም ዘለዎ ይኣምኑ እዮም። ኣምላኽ ንዩኒቨርስ ብኸመይ ፈጢርዎ፧ ንዅሉ እቲ ኣብ ዩኒቨርስ ዚርከብ ነገራት፡ ማለት ንጋላክሲታትን ንኸዋኽብትን ንፕላነታትን ንምፍጣር፡ በቲ ንጡፍ ሓይሉ ዝዀነ መንፈስ ቅዱሱ እዩ ተጠቒሙ።—ዘፍጥረት 1:2።

2. ኣምላኽ ንምድሪ ስለምንታይ ፈጢርዋ፧

የሆዋ ንምድሪ “ኺንበረላ እምበር፡ ንኸንቱ ኢሉ [ኣይፈጠራን]።” (ኢሳይያስ 45:18) ንፕላነትና ንሓዋሩ ምሽእቲ መንበሪት ደቂ ሰብ ክትከውን እዩ ፈጢርዋ። (ኢሳይያስ 40:28፣ 42:5 ኣንብብ።) ምድርና ብርቂ ምዃና ስነ ፍልጠት ይሕብር እዩ። ክሳዕ ሕጂ ኸም እንፈልጦ፡ ንሰብኣዊ ህይወት መንበሪ ኽትከውን እትኽእል ፕላነት ንሳ ጥራይ እያ።

3. ንሰባት ካብ እንስሳታት ዚፈልዮም እንታይ እዩ፧

የሆዋ ንምድሪ ድሕሪ ምፍጣሩ፡ ኣብኣ ዚነብሩ ህይወት ዘለዎም ፍጥረታት እውን ፈጢሩ እዩ። ፈለማ፡ ንምድሪ ብኣትክልትን ብእንስሳታትን መሊእዋ። ድሕሪኡ፡ “ኣምላኽ . . . ብመልክዑ ሰብ [ፈጢሩ]።” (ዘፍጥረት 1:27 ኣንብብ።) ንሰባት ፍሉያት ዚገብሮም እንታይ እዩ፧ ብመልክዕ ኣምላኽ ስለ እተፈጠርና፡ ከም ፍቕርን ፍትሕን ዝኣመሰለ ባህርያቱ ኸነንጸባርቕ ንኽእል ኢና። ቋንቋታት ከም እንምሃር፡ ስነ ጥበብ ከም እነድንቕ፡ ሙዚቃ ኸም እነስተማቕር ኴንና እውን ኢና ተፈጢርና። ዘይከም እንስሳታት ከኣ፡ ንፈጣሪና ኸነምልኽ ንኽእል ኢና።

 5. እቲ ኣብ መጽሓፍ ቅዱስ ዚርከብ ዛንታ ፍጥረት ዜእምን እዩ

6. ደቂ ሰብ ፍሉያት ፍጥረት ኣምላኽ እዮም

ንሕና ኸምቶም የሆዋ ዝፈጠሮም እንስሳታት ኣይኰንናን። ዘፍጥረት 1:26 ኣንብብ፡ ድሕሪኡ በዚ ሕቶ ተመያየጡ፦

• ብመልክዕ ኣምላኽ ስለ እተፈጠርና፡ ከነፍቅርን ክንርሕርሕን ዘሎና ኽእለት ብዛዕባ ባህርያት ኣምላኽ እንታይ ይእምት፧

 ጽማቝ

የሆዋ ንዩኒቨርስን ንዅሉ ህይወትን ፈጢርዎ።

ክለሳ

• መጽሓፍ ቅዱስ ብዛዕባ መበቈል ዩኒቨርስ እንታይ ይምህር፧

• ኣምላኽ ንእተፈላለየ ዓይነት ህይወት ካብ ቀሊል ዓይነት ህይወት ብፍልቀት እናተመሓየሹ ኸም ዚመጹ ድዩ ገይሩ፡ ወይስ ንዅሎም እዩ ፈጢርዎም፧

• ንሰባት ፍሉያት ዚገብሮም እንታይ እዩ፧