LEHONA 06
Na Vefea Ona Kamata Te Ola?
“O le Atua o le puna o le ola.” (Salamo 36:9) E talitonu koe ki ei? E manatu na tahi tino e he iei he tahi na ia foafoā te ola, kae na teki lava kua iei. Kafai la e hako te manatu tenā, tona uiga la e teki lava ko ki tatou kua iei. Kae kafai na foafoagia e Ieova te Atua te ola, e iei la tana fuafuaga, ni? a Iloilo na tala i loto o te Tuhi Paia e fakatatau ki te kamataga o te ola ma na mafuaaga e talitonu ai ki tatou e moni na tala ienā.
1. Na vefea ona kamata te vateatea?
E takua i te Tuhi Paia : “Na foafoaina e le Atua le lagi ma le lalolagi i le amataga.” (Kenese 1:1) E ioe te tokalahi o na haienitihi ko te vateatea na foafoagia. Na vefea ona foafoagia e te Atua? Na fakaaogā e te Atua tona “mana galue”—pe ko tona agaga paia—ke foafoa ai na mea uma i te vateatea, e aofia ai na kaniva, na fetu ma na paneta.—Kenese 1:2.
2. Aiheā na foafoa ai e te Atua te lalolagi?
E heki “foafoaina fua [e Ieova le lalolagi], ae na ia faia ina ia ainā.” (Isaia 45:18) Na ia faia te lalolagi ma nofoaga matagofie ke nonofo uma ai, ma maua na mea uma e manakomia e te tagata ke ola ai e fakavavau. (Faitau te Isaia 40:28; 42:5.) Leamai ietahi haienitihi kua matua kehe lava te lalolagi ma ietahi paneta. Oioti ai te paneta e maua ai na mea uma e manakomia e te tagata ke ola ai.
3. Ni a na mea e kehe mai ai te tagata mai na manu?
Na uma loa te foafoa e Ieova te lalolagi, oi foafoa loa na mea fai ola. Muamua, na ia foafoagia na lakau ma na manu. “Ona faia lea e le Atua o le tagata i lona faatusa.” (Faitau te Kenese 1:27.) Ko heā he mea e kehe mai ai ia tagata? Ona ko ki tatou na fai i te fakatuha o te Atua, e mafai ona ki tatou fakaatagia atu ona uiga, e ve ko te alofa ma te fakamahinotonu. Na ia foafoagia foki ki tatou ma te poto ke akoako ai na gagana, talihapaia na mea matagofie ma fiafia ki na muhika. Ma e kehe mai la i na manu e mafai ki tatou ke tapuaki atu ki Te na foafoagia ki tatou.
HAKILIKILI ATILI
Iloilo na fakamaoniga e iloa ai na foafoagia te ola ma e moni na tala i te Tuhi Paia e fakatatau ki te foafoaga. Talanoa pe ni a ni mea e ki tatou akoakogia e fakatatau ki te Atua, mai na uiga o tagata.
4. Na foafoagia te ola
E vikivikia ia tagata ona ko ni fauhaga o ni mea e ki latou faia, e kopi mai i na mea fakanatula. Ko ai la te tatau ke maua e ia te vikiga o na foafoaga o na mea fakanatula? Fakaali te VITIŌ, oi talanoa ai te fehili tenei.
VITIŌ: Talitonuga e Uiga ki te Atua (2:43)
-
Ni a ni mea kua fai e tagata e kopi mai i na mea fakanatula?
Ko ho he fale e iei te tino na fuafuagia ma fau. Kae ko ai la te na ia fuafuagia ma fau na mea o te natula? Faitau te Eperu 3:4, ma talanoa na fehili ienei:
-
Heā he mea o te natula e ofo ai koe?
-
E talafeagai nei to talitonu na foafoagia te vateatea ma na mea uma iei? Aiheā?
E ke iloa?
E ke maua na lomiga ma na vitiō e fakatatau ki te matakupu tenei i te jw.org, i te fakahologa o na vitiō “Pe na Te’i Lava ua Iai?” ma te vaega “Manatu e Faatatau i le Amataga o le Ola.”
“E hako, e tofu lava te fale ma te tino na ia faia, ka ko te Atua na ia faia na mea uma”
5. E moni na tala o te foafoaga i loto o te Tuhi Paia
I te matakupu 1 o te tuhi o Kenese, e fakamatala ai te foafoaga o te lalolagi ma te ola. E tatau nei ona talitonu koe ki na tala ienā, pe kua na ko ni tala fatu? Fakaali te VITIŌ, ma talanoa na fehili ienei.
-
Pe na akoako mai e te Tuhi Paia na foafoa te lalolagi ma te ola i ni aho e ono e taki 24 itula?
-
Tau kikila e fakaholoholo lelei ma moni na tala o te foafoaga i loto o te Tuhi Paia? Aiheā?
Faitau te Kenese 1:1, ma talanoa te fehili tenei:
-
Leamai na haienitihi e iei te kamataga o te vateatea. E vefea ona fakatuhatuha o latou manatu ki te manatu o te Tuhi Paia te na ke faitaua?
E manatu ietahi tino na fakaaogā e te Atua te evoluhione ke foafoa ai te ola. Ko tona uiga, na foafoagia e te Atua he tamā hela oi liua ai ki na meaola kehekehe. Faitau te Kenese 1:21, 25, 27, ma talanoa na fehili ienei:
-
Pe na akoako mai e te Tuhi Paia na fakaaogā e te Atua te evoluhione ke maua mai ai na ika, ietahi meaola ma tagata? Pe na ia foafoagia na “itukaiga” meaola uma? b
6. E kehe mai lava ia tagata i foafoaga a te Atua
Ko ki tatou e he ve ko na manu na foafoa e Ieova. Faitau te Kenese 1:26, ma talanoa te fehili tenei:
-
Ona ko ki tatou na foafoa i te fakatuha o te Atua, heā te fakailoa atu i te ki tatou fakaalia o te alofa ma te tiga alofa, e fakatatau ki uiga o te Atua?
LEAMAI IETAHI TINO: “Ko na tala o te foafoaga i loto o te Tuhi Paia, ko ni tala fatu.”
-
Heā ho manatu? Aiheā?
OTOOTOGA
Na foafoa e Ieova te vateatea ma te ola.
Fehili Autalu
-
Heā te akoakoga a te Tuhi Paia e fakatatau ki te kamataga o te vateatea?
-
Pe na fai e te Atua he tamā hela ma liua ke kavea ma meaola kehekehe, pe na ia foafoa na mea uma?
-
Heā he mea e kehe mai ai ia tagata?
MANATU FAKAOPOOPO
Iloilo na mea o te natula e iloa ai e iei Te na foafoagia na mea uma.
“O le ā ua Faailoa Mai i Mea o le Natura?” (Mataupu o le Ala Mai!)
Mātau te auala e fakamatala ai e he tamana na tala o te foafoaga i loto o te Tuhi Paia ki tona ataliki.
“Na Foafoaina e Ieova Mea Uma Lava” (2:37)
Iloilo pe ogatuha te evoluhione ma te Tuhi Paia.
“Pe na Faaaogāina e le Atua le Evolusione e Foafoaina ai Meafaiola Eseese?” (Mataupu i le jw.org)