6-ТӤ УРОК
Кызьы улон кылдӥз?
Библиын Инмар сярысь верамын: «Тон ваньзэ кылдытӥд» (Усьтӥськон 4:11). Оскиськоды-а тӥ солы? Куд-огъёсыз малпало, улон ас понназ кылдӥз шуыса. Со озьы ке, соку юан кылдэ: «Малы ми улӥськомы?» Нош улонэз Иегова Инмар кылдытӥз ке, озьыен, солэн мугез вал сое кылдытыны a. Ойдолэ учкомы, мар вера Библия улонлэн кылдэмез сярысь но малы солы оскыны луэ.
1. Кин кылдытӥз музъемез но инэз?
Библиын верамын: «Кутсконаз ик Инмар инмез но музъемез кылдытӥз» (Улон-вылон 1:1). Тросэз тодосчиос соглаш луо, Дуннелэн кутсконэз вал шуыса. Кызьы Инмар сое кылдытӥз? Со аслаз духеныз кылдытӥз музъемез но инэз, озьы ик кизилиосты но планетаосты (Улон-вылон 1:2).
2. Малы Инмар музъемез кылдытӥз?
Библиын Иегова сярысь верамын, со «инэз но музъемез кылдытӥсь» шуыса (Псалтирь 120:2). Со музъемез кылдытӥз озьы, адямиос со вылын шумпотыса но пырак дауръёс ӵоже улыны мед быгатозы шуыса. (Лыдӟе Исаиялэсь 40:28; 42:5.) Тодосчиос верало, музъем мукет планетаослэсь пӧртэм шуыса. Со вылын гинэ адямиос улыны быгато.
3. Маин адямиос мукет кылдытэмъёслэсь пӧртэм луо?
Музъемез кылдытэмез бере Иегова пӧртэм будосъёсты но мукет луло макеосты кылдытӥз. Собере «Инмар адямиез Аслыз укшатыса кылдытӥз». (Лыдӟе Улон-вылонэз 1:27.) Маин адямиос мукет кылдытэмъёслэсь пӧртэм луо? Ми Инмарлы укшатыса кылдытэмын бере, милям солэн кадь сямъёсмы вань. Кылсярысь, ми быгатӥськомы яратыны но тодыны, мар шонер, нош мар шонертэм луэ. Ми быгатӥськомы пӧртэм кылъёсты дышетыны, чеберлыкез но крезьгурез валаны. Озьы ик ми быгатӥськомы Инмарлы яратэммес но гажаммес возьматыны, кылсярысь, солы йыбыртъяса но солэн эшъёсыз луыса.
МУРГЕС ЭСКЕРЕ
Ойдолэ тодомы, малы вераны луоз, улон кылдытэмын вал шуыса, но малы оскыны луоз солы, мар верамын Библиын кылдытон сярысь. Озьы ик тодомы, мар милемлы верало Инмар сярысь адямиослэн сямъёссы.
4. Улон кылдытэмын вал
Инкуазез чакласа-эскерыса, адямиос мае ке усьто, мае ке кылдыто ке, соосты данъяло. Нош кинэ данъяно инкуазез кылдытэмез понна? Учке ВИДЕОРОЛИКЕЗ но та юанлы валэктон сётэ:
-
Мае тодосчиос, инкуазез чакласа-эскерыса, лэсьтӥзы?
Котькуд коркаез кин ке но малпаса пуктэ. Нош кин малпаз но лэсьтӥз ваньзэ, мар вань инкуазьын? Лыдӟе Еврейёслы 3:4 но та юанъёслы валэктонъёс сётэ:
-
Кылдытэмъёс пӧлысь мар тӥледыз тужгес но паймытэ?
-
Луэ-а оскыны, музъем, ин но мар отын вань — ваньмыз кылдытэмын вал шуыса? Малы?
Тодӥськоды-а тӥ?
Та сярысь тросгес тодыны быгатӥськоды, jw.org сайтысь статьяосты лыдӟыса но видеороликъёсты учкыса («Кызьы со кылдӥз?» но «Улонлэн кылдэмез сярысь малпанъёс» люкетъёс).
«Котькуд коркаез кин ке но пуктэ; нош ваньзэ пуктӥсь-лэсьтӥсь луэ — Инмар»
5. Солы, мар вера Библия кылдытон сярысь, оскыны луэ
Библиын, Улон-вылон книгалэн нырысетӥ люкетаз ик, верамын, кызьы музъем но улон кылдытэмын вал. Луэ-а солы оскыны? Яке ваньмыз со малпамын гинэ? Учке ВИДЕОРОЛИКЕЗ но та юанъёслы валэктонъёс сётэ:
-
Вера-а Библия, музъем но со вылын улон куать нунал куспын кылдытэмын вал шуыса, кудъёсыз пӧлысь котькудӥз нунал 24 час кыстӥськиз?
-
Соглаш-а тӥ, солы, мар вера Библия кылдытон сярысь, оскыны луэ шуыса? Малы?
Лыдӟе Улон-вылонэз 1:1 но та юанлы валэктон сётэ:
-
Тодосчиос верало, Дунне котьку ӧй вал, солэн кутсконэз вал шуыса. Кызьы соослэн кылъёссы соглаш луо соин, мае тӥ али гинэ лыдӟиды Библиысь?
Куд-ог адямиос малпало, Инмар, эволюциез уже кутыса, улонэз кылдытӥз шуыса. Соос верало, Инмар нырысь пичи улэп клетка кылдытӥз шуыса, кудӥз пумен воштӥськиз но, мукет улэп макеос кылдӥзы. Лыдӟе Улон-вылонэз 1:21, 25, 27 но та юанъёслы валэктонъёс сётэ:
-
Вера-а Библия, Инмар, чорыгъёсты, пудо-животъёсты но адямиосты кылдытон понна, эволюциез уже кутӥз шуыса? Яке со кутсконысеныз ик пӧртэм пумо улэп макеосты кылдытӥз-а?
6. Адямиос — Инмарлэн паймымон кылдытэмъёсыз
Адямиосты но, мукет луло макеосты но Иегова кылдытӥз. Но адямиос пӧртэм луо. Лыдӟе Улон-вылонэз 1:26 но та юанлы валэктон сётэ:
-
Ми Инмарлы укшатыса кылдытэмын, соин ик ми быгатӥськомы яратыны но жаляны. Мар со вера милемлы Инмар сярысь?
КИН КЕ НО ВЕРАНЫ БЫГАТОЗ: «Солы, мар вера Библия кылдытон сярысь, оскыны уг луы».
-
Нош тӥ кызьы малпаськоды? Малы?
ТОДЭ ВАЁН
Иегова музъемез, инэз но ваньзэ улэпсэ кылдытӥз.
Мае тон тодӥд?
-
Мар вера Библия со сярысь, кызьы кылдӥзы ин но музъем?
-
Зэм-а, Инмар нырысь пичи улэп клетка кылдытӥз шуыса, кудӥз пумен воштӥськиз но, мукет улэп макеос кылдӥзы? Яке со кутсконысеныз ик пӧртэм пумо улэп макеосты кылдытӥз-а?
-
Малы адямиосты паймымон кылдытэмъёс шуыны луоз?
ТРОСГЕС ТОДЭ
Учке кылдытэмъёс шоры, кудъёсыз верало, Кылдытӥсь вань шуыса.
«Мар сярысь верало милемлы кылдытэмъёс?» («Сайкалэ!», 2006-тӥ ар, куарусён)
Учке, кызьы атай пичи пиезлы валэктыны быгатэ, мар вера Библия кылдытон сярысь.
Лыдӟе со сярысь, вера-а Библия, Инмар, эволюциез уже кутыса, вань улэп макеосты кылдытӥз шуыса.
«Инмар, эволюциез уже кутыса, вань улэп макеосты кылдытӥз-а?» (jw.org сайтысь статья)
Лыдӟе но тодэ, верало-а тодосчиослэн эскеронъёссы, улон ас понназ кылдӥз шуыса. Яке ваньмыз со вера, Кылдытӥсь вань шуыса?
«Улонлэн кылдэмез. Вить юанъёс, кудъёсызлы валэктонъёс шедьтоно» (брошюра)
a Со сярысь, малы Инмар адямиосты кылдытӥз, верамын 25-тӥ урокын.
