LESSION 06
Chi che ga creà i cieli e la Tera?
La Bìblia la dise che Dio el ga creà tute le robe. (Apocalisse 4:11) Ti te credi in questo? Ghen’è persone che no le crede che Dio el ga creà tute le robe. Ma se nissun el ne ga creà, parché che semo qua? Ma se Geovà el ga creà noantri, parché che el ne ga fato? a Ndaremo imparar cossa che la Bìblia la dise sora questo e parché che podemo creder in quel che la dise.
1. Chi che ga creà i cieli e la Tera?
La Bìblia la dise: “Nel scomìnsio, Dio el ga creà i cieli e la tera.” (Génesi 1:1) Tanti studiosi i ze de acordo che el Universo el ga bio un scomìnsio. Ma come che Dio lo ga creà? Lu el ga doperà la so forsa ativa, o sia, el so spìrito santo par crear tuto nel Universo. Par esémpio, le galàssie, le stele e i pianeti. — Génesi 1:2.
2. Parché che Dio el ga creà la Tera?
Geovà no’l ga creà la Tera par gnente, ma par noantri viver nela. (Isaia 45:18) Dio el ga fato dela Tera un bel posto par le persone viver par sempre. (Ledi Isaia 40:28; 42:5.) I studiosi i sa che la Tera la ze un posto tanto bel e difarente de tuti i altri pianeti. Lori i ga capio che sol nela Tera ghen’è tuto quel che le persone le ga de bisogno par viver.
3. Parché che le persone le ze difarente dele altre robe che Dio el ga creà?
Dopo de far la Tera, Geovà el ga creà le piante e le bèstie. Dopo, ‘Dio el ga fato el omo ala so imàgine’. (Ledi Génesi 1:27.) Parché che le persone le ze difarente dele altre robe che Dio el ga creà? Come semo stati fati ala imàgine de Dio, podemo mostrar qualità come amor e giustìssia compagno a lu. Lu el ne ga creà de una maniera che podemo imparar tante léngue, piaserghe de vardar bele robe e scoltar mùsica. Difarente dele bèstie, noantri podemo esser amighi de quel che el ne ga creà.
IMPARA DE PI!
Ndaremo saver le risposte de queste tre domande: (1) Cossa che prova che le robe le ze state creade? (2) Cossa che ne assa sicuri che quel che la Bìblia la dise sora la creassion l’è giusto? (3) Cossa che le qualità dele persone le ne insegna sora Dio?
4. Le robe le ze state creade
Tante persone le ze lodade par le bele robe che le fà. Ma tante volte, lore le fà compagno a quel che ghene’è nela naturesa. Alora, sarà che quel che el ga fato tute le robe no’l mèrita esser lodà ancora de pi? Vardé el VÌDEO, e dopo, parlé sora questo:
-
Che robe le persone le ga fato che le ze compagne a qualcossa nela naturesa?
Vanti de far una casa, la persona la pensa come farla e dopo la fà su. Ma chi che ga fato questo nela naturesa? Ledé Ebrei 3:4, e dopo, parlé sora questo:
-
Che robe nela naturesa te piase de pi?
-
Te cati che se pol creder che qualchedun el ga creà el Universo e tuto quel che ghen’è? Parché?
Seto questo?
Te pol catar altri artìcoli e vìdei sora questo nel jw.org nele parte “Qualchedun lo ga fato?” e “Cossa arquanti i pensa sora el scomìnsio dela vita”.
“Infati, cada casa la ze fata su par un costrutor, ma l’è Dio quel che ga fato tute le robe.”
5. Quel che la Bìblia la dise sora la creassion l’è giusto
Nel primo capìtolo de Génesi, la Bìblia la parla sora la creassion dela Tera e dela vita. Te pensi che te pol creder in questo, o la ze sol una storieta? Vardé el VÌDEO, e dopo, parlé sora questo:
-
Sarà che la Bìblia la insegna che la Tera la ze stata creada in sei giorni de 24 ore?
-
Te cati che quel che la Bìblia la dise sora la creassion l’è giusto? Parché te pensi cossita?
Ledé Génesi 1:1, e dopo, parlé sora questo:
-
I studiosi i dise che el Universo el ga bio un scomìnsio. Come che questo l’è de acordo con quel che te ghè pena ledesto nela Bìblia?
Tante persone le pensa che Dio el ga doperà la evolussion par far tute le robe, o sia, che Dio el ga creà una pìcola sèlula e che tute le altre robe le ze vegneste de questa sèlula. Ledé Génesi 1:21, 25, 27, e dopo, parlé sora questo:
-
Sarà che la Bìblia la insegna che Dio el ga doperà una pìcola sèlula par far i pessi, i animai e le persone? O sarà che lu el ga creà cada un de acordo cole so “spèssie”? b
6. Le persone le ze una creassion maraveiosa de Dio
Noantri semo difarenti dele bèstie. Ledé Génesi 1:26, e dopo, parlé sora questo:
-
Noantri semo boni de mostrar amor e compassion parché Dio el ne ga creà cole medèsime qualità che lu. Cossa che questo ne insegna sora Geovà?
FURSI TE GHÈ BELCHE SCOLTÀ: “Quel che la Bìblia la dise sora la creassion no l’è mia vero.”
-
Cossa che te pensi sora questo? Parché?
COSSA CHE TE GHÈ IMPARÀ?
Geovà el ga creà el Universo e la vita.
Sito bon de ricordarte?
-
Cossa che prova che le robe le ze state creade?
-
Sarà che Dio el ga doperà una pìcola sèlula par far tute le robe, o lu el ga creà tute le robe?
-
Parché che le persone le ze difarente de tute le altre robe che Dio el ga creà?
VUTO SAVER DE PI?
Varda come la naturesa la prova che ghen’è un Creador.
“Cossa che la naturesa la insegna?” (Despertai!, setembre de 2006)
Varda come che un pare o una mare pol insegnar ai so fioi picinini quel che la Bìblia la dise sora la creassion.
Sarà che se pol creder che Dio el ga creà tute le robe e anca che el ga doperà una pìcola sèlula par far tuto?
“Dio el ga doperà la evolussion par crear diverse qualità de vita?” (Varda nel jw.org)
Arquanti i dise che i ossi che i ga catà e le peschise i prova che tute le robe le ze vegneste de una sèlula. Ma sarà che questo l’è vero?
Come la vita la ga scominsià? Sinque domande par pensarghe sora (Revista)
a Nela lession 25, ndaremo studiar parché che Dio el ga creà i umani.
b Nela Bìblia, la parola “spèssie” la vol dir un grando grupo de robe che le ze vive.
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
