«Tsi iʼamej [Dios] inät tä tsʼifwik tä häpe nʼowʼatshancheyaj» (Salmo 36:9). ¿Ha lematitche tajtso? Iche wichi toj yome toj mʼayhay toj iche ihichetʼa elh toj yenlhi. Che ihichetʼa nʼoelh toj yenlhi mʼayhay, lhawʼatshancheyaj laha ihihitʼa. Mat, che Heowa yenlhi pʼante mʼayhay toj iche, iche tʼat mʼak toj tamenej, ¿ha mat? a Tetshan mʼak toj Biblia yome lhip toj talhe hop mʼayhay toj iche wet mʼak toj tamenej toj is che namatitche tajtso.

1. ¿Atsi lhip toj talhe Honhat wet katetsel?

Biblia yok: «Tä nechʼenyaya Dios yenlhi pule lhäyʼe honhat» (Génesis 1:1). Wujpe científicos tachumla toj Honhat wet katetsel iche pʼante lewhay toj iwo tesa toj iche. ¿Chi malhyej (Ep hote) toj Dios yenlhi tajtso? Lham ichumyenlhi hop «laka Espíritu» hopkhilak yenlhi mʼayhay toj ikapha, katetsel, planetas wet mʼayhay iyhaj (Génesis 1:2).

2. ¿Atsi mʼak toj tamenej toj Dios yenlhi Honhat?

Heowa «yenhitʼa tsʼanisa [honhat] mat iwo lheleya tä häpe wichi» (Isaías 45:18). Lham yenlhi Honhat hopkhilak hope lhip toj iwoyek nehi wet matche toj isilataj (yahyen Isaías 40:28 wet 42:5). Científicos yome toj Honhat hatehitʼa iwoye planetas iyhaj. Lhamel yome toj nʼotafwenhiyejtʼa planeta elh toj wichi iwoyek ihi.

3. ¿Atsi mʼayhay toj wichi iwoyek iwoye toj itshatay ikalhihitʼa che iwoye?

Toj tafwaytshi toj yenlhi Honhat, Heowa yenlhi halʼoy wet itshatay. Toj paj «Dios yenlhi hinʼo, wet itechʼayen lhamej» (yahyen Génesis 1:27). ¿Atsi mʼak toj tamenej toj nahatehitʼa iwoye itshatay? Toj Dios itechʼayen lhamej toj nayenwetha, iwoyek naten lakeyis, malhyej lehumnhayaj wet leʼisyaj. Lham hate hiwʼen namhohen lhahanyaj hopkhilak nahanej nʼolhomtes iyhaj toj wʼenhahiche, wet toj nen kajyaja toj natchʼahuye música wet mʼayhay toj isis toj nawʼen. Wet namel, iwoyek nanʼokwiyej elh toj lhenhay nilhokej mʼayhay, toj itshatay iwohiyetʼak iwoye tajtso.

 5. Mʼayhay toj nʼolhenhay toj Biblia yome hope tʼat mʼak toj matche

6. Wichi hatehitʼa iwoye Dios lhenhay at che hope

Hop namel, toj nawichi, matche tʼat toj nahatehitʼa iwoye itshatay. Yahyen Génesis 1:26 wet ame mʼayhayna:

• Hop nilhokej namel iwoyek nanʼalit nʼohumnhayaj wet nʼopʼaltsenyaj hop toj nʼonayenwetha toj nʼotechʼayen namejen Dios. ¿Atsi toj ichufwen amej tajtso toj yiwitla Heowa lakeyis?

 MʼAYHAY TOJ LETETSHANNE

Heowa yenlhi pʼante Honhat, nilhokej mʼayhay toj ikapha wet nilhokej mʼayhay toj ihi.

Mʼayhay toj nalechufwenejne

• ¿Atsi toj Biblia lechufwenyaj toj yome lenʼayij toj iwo tesa toj nʼoyenlhi Honhat wet mʼayhay toj ikapha?

• ¿Ha Dios ichumyenlhi evolución hopkhilak celulafwaj lhayen hopeya mʼayhay toj lewʼatshancheyaj ihi, wok lham toj yenlhi?

• ¿Atsi mʼak toj tamenej toj namel nahatehitʼa iwoye iyhaj nʼolhenhay?