დუდ 06
მუჭო გორჩქინდჷ სიცოცხლექ?
ბიბლია ღორონთიშ გურშენ იჩიებ: „სქანდე მოურს სიცოცხლე“ (ფსალმუნი 36:9). ქორჯერანო თეშ? ნამთინე ფიქრენს, ნამდა სიცოცხლექ შემთხვევით გორჩქინდჷ. თენა მართალო თაშ ქორენ-და, გიშურს, ნამდა ჩქინ არსებობა შემთხვევითობას ოკო მივოჭარათ. მარა სიცოცხლე იეჰოვა ღორონთიქ გაჭყ-და, თის მუშ მიზან ხოლო აღვენუდ. a მორთ ბიბლიაშე ქიგებგათ, მუჭო გორჩქინდჷ სიცოცხლექ დო თეწკუმა ართო, მუშენ რე თექ მოჩამილ მიზეზ გონივრულ.
1. მუჭო გორჩქინდჷ სამყაროქ?
ბიბლია იჩიებ: „დუდშე ღორონთიქ გაჭყჷ ცა დო დედამიწა“ (დაბადება 1:1). მეცნიერეფიშ უმენტაშ ოთანხმ, ნამდა სამყაროს უღჷ დაჭყაფ. მუჭო გაჭყჷ ღორონთიქ სამყარო? თიქ გიმირინუ მუშ „მოქმედ ძალა“ — წმინდა შურ, ნამდა ირფელ გაჭყუკო სამყაროს, თინეფ შქას გალაქტიკეფ, მურიცხეფ დო პლანეტეფ (დაბადება 1:2).
2. მუშენ გაჭყჷ ღორონთიქ დედამიწა?
იეჰოვას „ტყურათ ვა გუჭყაფ დედამიწა, დახორინალო გარჩქინ“ (ესაია 45:18). თიქ თეშ გაჭყჷ ჩქინ პლანეტა, ნამდა ადამიანეფშო გემუან ოცხოვრებელ ჸოფედკო დო უღდესკო ირფელ, მუთ საჭირო რდუ მარადიულ სიცოცხლეშო (წეკითხით ესაიაშ 40:28; 42:5). მეცნიერეფ აცხადენა, ნამდა დედამიწა განსაკუთრებულ პლანეტა რე. ხვალე თაქ რე თი პირობეფ, ნამუთ ხეს უნწყუნს ადამიანიშ სიცოცხლეს.
3. მუთ გენესხვავებნა ადამიანეფ ცხოველეფშე?
თიშ უკულ, მუთ იეჰოვაქ გაჭყჷ დედამიწა, თიქ გარჩქინ სიცოცხლეშ შხვადოშხვა ფორმა. პირველო, თიქ დედამიწას გარჩქინ მცენარეეფ დო ცხოველეფ. თეშ უკულ „ქიდიჭყჷ ღორონთიქ მუშ ამნახანტო ადამიანიშ გოჭყაფა“ (წეკითხით დაბადებაშ 1:27). მუშენ რე ადამიან განსაკუთრებულ? ჩქი ღორონთიშ ამნახანტო ვორეთ გოჭყაფილ, ათეშენ შემლებნა გიმიფრჩქინათ თიცალ თვისებეფ, მუნერით ღორონთის უღჷ, მაგალთო, ჸოროფა დო სამართლიანობა. თეწკუმა ართო, თიქ მუჩეს უნარ, დიბგურუათ ნინეფ, იფსიამოვნათ თიშ შემოქმედებათ დო მუსიკათ. ცხოველეფიშ გინაწონს, ჩქი შემლებნა ვემსახურათ გუმაჭყაფალს.
ქიგეგით უმოს
დეფიქრით, მუ ამტკიცენს, ნამდა სიცოცხლეს გუმაჭყაფალ ჸუნს დო თეწკუმა დაკავშირებულ ბიბლიას მოჩამილ ინფორმაცია მართალ რე. ქიგეგით, მუშ გურაფა შემლებნა ღორონთიშ გურშენ თი თვისებეფშე, ნამუთ ადამიანს უღჷ.
4. სიცოცხლეს ღორონთიქ მეჩჷ დაჭყაფ
ადამიანეფს დიდებას უძღვინენა თიშ გურშენ, მუთ ბუნებაშე დაკვირებათ გიმიგონეს. მარა მის ოკუთვნჷ დიდება თი ირფელშე, მუთ ბუნებას არსებენს? ქოძირით ვიდეო დო უკულ გარჩით თუდო მოჩამილ კითხვა:
-
მუშ ნიმუშეფ ეჭოფეს ადამიანეფქ ბუნებაშე?
არძა ჸუდე მიდგარენიშ ნაშენებ რე. მარა მიქ გაჭყჷ თი ირფელ, მუთ ბუნებას რე? წეკითხით ებრაელეფიშ 3:4 დო უკულ გარჩით თუდო მოჩამილ კითხვეფ:
-
არძაშ უმოსო მუ მორწონა ღორონთიშ შემოქმედებაშე?
-
ქორენო გონივრულ დებჯერათ, ნამდა სამყაროს დო ირფელს, მუთ თის რე, ჸუნს გუმაჭყაფალ დო მუშენ ფიქრენთ თაშ?
ქოიჩქუდესო?
თე საკითხეფიშ გურშენ სტატიეფ დო ვიდეოეფ შეილებნა ძირათ ვებგვერდის jw.org („ვინ შექმნა?“ დო „შეხედულებები სიცოცხლის წარმოშობაზე“).
„არძა ჸუდე მიდგარენიშ ნაშენებ რე, მარა ირფელიშ ემაშენებელ ღორონთ რე“
5. სიცოცხლეშ გოჭყაფაშ გურშენ ბიბლიას მოჩამილ ინფორმაცია ლოგიკურ რე
დაბადებაშ პირველ დუდის ბიბლია ეჭარუნს დედამიწას დო თექ სიცოცხლეშ გოჭყაფაშ პროცესეფს. შეილებნო რჯერდას თექ მოჩამილ ინფორმაციაშ დოვარ თენა უბრალოთ მოგონილ ამბე რე? ქოძირით ვიდეო დო უკულ გარჩით თუდო მოჩამილ კითხვეფ:
-
ოგურუანსო ბიბლია, ნამდა დედამიწაქ დო ირფელქ, მუთ თექ რე, ღორონთიქ ამშვ 24 საათიან შემოქმედებით დღაშ დინახალე გაჭყჷ?
-
მუჭო ფიქრენთ, მუდგას ბიბლია შემოქმედებაშ გურშენ იჩიებ ლოგიკურ დო სანდო რენო დო მუშენ ფიქრენთ თაშ?
წეკითხით დაბადებაშ 1:1 დო უკულ გარჩით თუდო მოჩამილ კითხვა:
-
მეცნიერეფ იჩიებნა, ნამდა სამყაროს უღუდ დაჭყაფ. მუჭო რე დაკავშირებულ თინეფიშ დასკვნა თიწკუმა, მუთ ასე ეშიკითხით ბიბლიაშე?
ნამთინე ფიქრენს, ნამდა ღორონთიქ შილებე ევოლუციაშ პროცესეფ გიმირინუკო სიცოცხლეშ გაჭყაფალო. წეკითხით დაბადებაშ 1:21, 25, 27 დო უკულ გარჩით თუდო მოჩამილ კითხვეფ:
-
ოგურუანსო ბიბლია, ნამდა ღორონთიქ სიცოცხლეშ მარტივ ფორმეფ გაჭყჷ დო თევრეშე გევითარეს ჩხომეფქ, ძუძუმწოვარ ცხოველეფქ დო ადამიანეფქ? დოვარ ოგურუანს, ნამდა ღორონთიქ გაჭყჷ ირფელ თინეფიშ „გვარიშ“ მიხედვით? b
6. ადამიან — ღორონთიშ გუნაჭყეფუეფშე განსაკუთრებულ ქმნილება
ჩქი გენეფსხვავებუთ ღორონთიშ გოჭყაფილ ცხოველეფშე. წეკითხით დაბადებაშ 1:26 დო უკულ გარჩით თუდო მოჩამილ კითხვა:
-
მუს მოგურუანა ღორონთიშ პიროვნებაშენ თი ფაქტ, ნამდა თიშ ამნახანტო ვორეთ გოჭყაფილ დო მიღნა უნარ, გეგმოფხანტათ ჸოროფა დო გურშა მიბღათ შხვეფიშ გაჭირება?
ნამთინექ შილებე თქუას: „მუდგას ბიბლია სიცოცხლეშ გოჭყაფაშენ იჩიებ, მოგონილ რე“.
-
თქვა მუს ფიქრენქ დო მუშენ ფიქრენთ თაშ?
დასკვნა
იეჰოვაქ გაჭყჷ სამყარო დო სიცოცხლეშ არძანერ ფორმა.
გამეორებელ კითხვეფ
-
მუს მოგურუანა ბიბლია სამყაროშ გოჭყაფაშენ?
-
ღორონთიქ დიო სიცოცხლეშ მარტივ ფორმეფ შექმნუო დო უკულ ევოლუცია გიმირინუო თინეფიშ გავითარებელო, დოვარ მუქ გაჭყჷ ირფელ?
-
ღორონთიშ ქმნილებეფშე, მუთ რენა განსაკუთრებულ ადამიანეფ?
დამატებით მასალა
ქმნილებეფშე იძირე, ნამდა არსებენს გუმაჭყაფალ.
„მუს მოგურუანა ბუნება?“ („გეგშაკურცხით!“, სექტემბერი 2006 წ.)
ქოძირით, მუჭო ეუნწყუნს მუმა მუშ სქუას, გუნაჭყეფუეფიშ გურშენ ბიბლიას მოჩამილ ინფორმაციას.
ქიგეგით, ქათანხმუნ დო ვარ ბიბლია ევოლუციას.
„ევოლუციაშ საშვალებათ გაჭყუო ღორონთიქ სიცოცხლეშ შხვადოშხვანერ ფორმა?“ (ვებ სტატია)
ქიგეგით, ამტკიცენსო აღმოჩენილ ნამარხეფ ვარდა მეცნიერეფიშ ჩატარებულ ექსპერიმენტეფ, ნამდა ირფელს გუმაჭყაფალ ჸუნს დოვარ ირფელქ შემთხვევით გორჩქინდჷ.
„სიცოცხლეშ გოჭყაფა — ხუთ კითხვა, ნამდგაშე ღირჷ დაფიქრება“ (ბროშურა)
a 25-ა დუდის გუვარჩიენთ ღორონთიშ განზრახვას კაცობრიობაწკუმა დაკავშირებით.
b ბიბლიას გიმორნაფილ სიტყვას „გვარ“ იგულისხმებ შხვადოშხვა ცოცხალ არსებეფიშ სახეობეფიშ ჯგუფეფ.
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
