OZUMALƐDƖYƐ 07

Kɛ Gyehova Ɩdɩ Ise a?

BƆ́

Sɛ osunzuu Gyehova Nyamɩnlɩ nwʋ a, mɩnla yɛ ɩba wʋ adwɩnɩ nu a? Asʋ̃ ɔnwʋ yɩ kɛɛ ɩdɩ abiye mɔɔ ɩwɔ aɣinzi aɣinzi mɔɔ yɛlɔ́kʋla yekeɣike yɩ a? Anzɛnyɩɩ ɔnwʋ yɩ kɛɛ ɩ́dɩ abiye mɔɔ ɩwɔ ɛkɛnɩ ankasa na mfomi ɩdɩ dɩyɛ be mɔɔ tumi wɔ numɔ kɛkɛ a? Kɛ Gyehova ɩdɩ ise ankasa? Bayɩbʋlʋ yɩ ɩma yɛnwʋ Gyehova yɩ subanɩ azʋlɔtʋ nɩ. Akʋ̃ sʋ̃ ɩma yɛnwʋ kɛɛ ɩdwɩnɩ yɛ nwʋ.

1. Mɩnla ti mɔɔ yɛáhʋla yɛnwʋ Nyamɩnlɩ a?

“Nyamɩnlɩ ɩdɩ Sunzuma.” (Dwɔɔnʋ 4:24) Gyehova íni eniiwudo dɩkɛɛ yɛ dɩyɛ yɩ. Gyehova ɩdɩ Sunzuma na ɩda sʋlɔ, dɩka mɔɔ yɛlɔ́kʋla yɛkɔnwʋ yɩ.

2. Gyehova yɩ subanɩ azʋlɔtʋ nɩ ebiye yɛ lɛ mɩnla?

Ɩwɔ numɔ kɛɛ yɛánwʋ Gyehova dɩyɛ, naasʋ̃ sɛ yesuma yɩ nwʋ dɩyɛ a yɛnwʋ kɛɛ ɩdɩ abiye mɔɔ ɩwɔ ɛkɛnɩ ankasa, na yɩ subanɩ ngɩnlɩma nɩ ɩkã yɛ ma yebike yɩ. Bayɩbʋlʋ yɩ ɩkã kɛɛ: “Gyehova ɩdɔ pɛlɩpɛlɩlilɛ na iléyiaki yɩ nɔhʋanlɛmaa.” (Ndwomi 37:28) Ebiyekʋ̃ sʋ̃ “Nyamɩnlɩ ɩdɩ baaba sʋ̃maa, akʋ̃ sʋ̃ ɩnwʋ ngokɛ,” na bɛzabɛ mɔɔ bɔnwʋʋ amanɩyɛ nɩ yɛ ɩda subanɩ eyimmɔ ali ikile bɛ paa a. (Gyemisi 5:11) “Gyehova ibike bɛzabɛ mɔɔ bɛ ahʋnlɩnɩ iwuwu; ide bɛzabɛ mɔɔ bɛ padi igolɔ nɩ.” (Ndwomi 34:18) Asʋ̃ ezi kɛɛ kezimɔ yɛyɛ yɛ dɩyɛ nɩ ɩkã Gyehova a? Sɛ abiye yɛ dɩyɛ tanɩ a, ɩma Gyehova yɩ ɛɣɛɛlɛ bɔ. (Ndwomi 78:40, 41) Naasʋ̃ sɛ abiye yɛ dɩyɛ baaba a, ɩma Gyehova yɩ anyɩ ɩde.—Kɩnga Ɛɣɛlɛwulɛ 27:11.

3. Mɩnla yɛ Gyehova ɩyɛ ɩfa ikile kɛɛ ɩdɔ yɛ a?

Gyehova yɩ subanɩ mɔɔ ɩdɩ sʋnʋnkʋ̃ paa yɛ lɛ ɔlɔlɛ. Nɔhʋanlɛ nu nɩ, “Nyamɩnlɩ ɩdɩ ɔlɔlɛ.” (1 Dwɔɔnʋ 4:8) Gyehova iduwa Bayɩbʋlʋ nɩɩ yɩ abɔdɩ zʋ ɩfa ɩda yɩ ɔlɔlɛ ali. (Kɩnga Egyima 14:17.) Sunzu kezimɔ ɩwɔlɩ yɛ nɩ nwʋ kila. Ɩwɔ yɛ wɔ ɔhʋanɩ be zʋ mɔɔ ɩma yɛkʋla yɛnwʋ kɔlɛsɩ mɔɔ ɩyɛ pɩkɛ, yɛtɩ ndwomi mɔɔ ɩyɛ fɛ, na akʋ̃ sʋ̃ yɛtɩ alɩyɛ yɩ fɛlɛkʋ̃. Ɩpɛ kɛɛ yɛ anyɩ ide baaba wɔ ɛbɩlawɔlɛ nu.

SUMÁ SƲ̃MAA

Suma ɔhʋanɩ mɔɔ Gyehova iduwa ɔzʋlɔ ɩyɛ nninyeni mɔɔ ɩyɛ nnwʋánlɩ nɩ nwʋ dɩyɛ. Na akʋ̃ kila kezimɔ Gyehova ɩma yɛnwʋ yɩ subanɩ ngɩnlɩma nɩ na ɩda yɩ ali ikile yɛ nɩ.

4. Sunzuma Nwanzanwanza—Nyamɩnlɩ yi tumi mɔɔ ɩfa ɩyɛ dɩyɛ

Kɛmɔ yɛfa yɛ sa yɛyɛ egyima nɩ, ɔzɔ la sʋ̃ yɛ Gyehova ɩfa sunzuma nwanzanwanza nɩ ɩyɛ dɩyɛ a. Bayɩbʋlʋ yɩ ɩma yɛnwʋ kɛɛ sunzuma nwanzanwanza nɩ ɩ́dɩ enii, mfomi ɩdɩ tumi mɔɔ Nyamɩnlɩ ɩfa ɩyɛ dɩyɛ. Kɩnga Luuku 11:13 nɩɩ Egyima 2:17, na akʋ̃ bozunzú ndwokɔɣizialɛ eyimmɔ nwʋ:

Nyamɩnlɩ “ikodwonwɔ” yɩ sunzuma nwanzanwanza nɩ ikogua bɛzabɛ mɔɔ bebizia yɩ nɩ zʋ. Meti osunzu kɛɛ sunzuma nwanzanwanza nɩ ɩdɩ enii anzɛnyɩɩ ɩdɩ Nyamɩnlɩ yɩ tumi mɔɔ ɩfa ɩyɛ dɩyɛ? Mɩnla ti mɔɔ ɛkãã ɔzɔ a?

Gyehova ɩfa yɩ sunzuma nwanzanwanza nɩ ɩyɛ nninyeni mɔɔ ɩyɛ nnwʋánlɩ sʋ̃maa. Kɩnga Ndwomi 33:6 nɩɩ 2 Pita 1:20, 21, na akʋ̃ bozunzú odwokɔɣizialɛ eyi nwʋ:

Mɩnla nninyeni yɛ Gyehova iluwa yɩ sunzuma nwanzanwanza nɩ zʋ ɩyɛ a?

5. Gyehova ɩwɔ subanɩ ngɩnlɩma azʋlɔtʋ

Nɩ Mosisi ɩdɩ Nyamɩnlɩ yɩ sʋ̃mɩvʋlɔ nɔhʋanlɛvʋlɔ dɩyɛ naasʋ̃ nɩ ɩpɛ kɛɛ ɩnwʋ yɩ Wɔlɛvʋlɔ nɩ bʋwɔ. Meti Mosisi ɩhanlɩ ihileli yɩ kɛɛ: “Má mʋnwʋ wʋ ahʋanɩ na ama mɩanwʋ wʋ bʋwɔ.” (Ɛkɩsadɔsʋ 33:13) Gyehova ɩyɛlɩ ɔzɔ, na ɩmanlɩ Mosisi ɩnwʋnlɩ yɩ subanɩ azʋlɔtʋ nɩ be. Kɩnga Ɛkɩsadɔsʋ 34:4-6, na akʋ̃ bozunzú ndwokɔɣizialɛ eyimmɔ nwʋ:

Gyehova yɩ subanɩ azʋlɔtʋ yɩ nu ɛhɩnla dɩyɛ yɛ ɩmanlɩ Mosisi ɩnwʋnlɩ yɩ a?
Gyehova yɩ subanɩ azʋlɔtʋ yɩ nu ɛhɩnla dɩyɛ yɛ wʋ anyɩ ideli nwʋmɔ paa a?

6. Gyehova ɩdwɩnɩ mmenii nwʋ

Hibulumaa mɔɔ nɩ bɛdɩ Nyamɩnlɩ yɩ mmenii wɔ ɔwɔkɩ nɩ bɔhɔlɩ alɔngɔzʋ̃mɩnlɛ nu wɔ Igyibiti. Kɛ Gyehova ɩdɩlɩ nɣanlɩ izeli mmɩlɩ mɔ nɩ bɔnwʋʋ amanɩyɛ nɩ a? Bɔ́ ODIYO nɩ na kɩnga di yɩ mɛda, anzɛnyɩɩ kɩnga Ɛkɩsadɔsʋ 3:1-10. Na bozunzú ndwokɔɣizialɛ mɔɔ ilili ɔzɔlɔ nɩ nwʋ.

ODIYO: Gyehova Ileli Bɛ Wɔ Bɛ Amanɩyɛwʋnlɛ Nu (2:45)

Mɩnla yɛ odwokɔ eyi ɩma ɔnwʋ ɛfalɩ kezimɔ Gyehova ɩtɩ nɣanlɩ wɔ amanɩyɛ mɔɔ mmenii nwʋ yɩ nɩ nwʋ a? —Kila nkyɩkyemi 7 nɩɩ 8.
Asʋ̃ osunzu kɛɛ Gyehova ɩwɔ ɛpɛ kɛɛ ɩkɔwʋwa mmenii a, na ɩkɔhʋla ɩkɛyɛ ɔzɔ a? Mɩnla ti a, anzɛnyɩɩ mɩnla ti mɔɔ ɩ́dɩ ɔzɔ a?

7. Sa yɛkʋla yeduwa abɔdɩ zʋ yesuma Gyehova yɩ subanɩ nwʋ dɩyɛ

Yɛnwʋ Gyehova yɩ subanɩ azʋlɔtʋ nɩ wɔ yɩ abɔdɩ nu. Yɩ́ VIDIYO nɩ. Akʋ̃ kɩnga Wulomimaa 1:20, na bozunzú odwokɔɣizialɛ mɔɔ ili ɔzʋlɔ nɩ nwʋ.