07 УРОК
Иегова керегинде нени билерис?
Слердиҥ санаагарла болзо, Иегова — ол кандый Кудай? Слер оны кайкап турган болороор, је бу ла ок ӧйдӧ ол слерге ӧскӧ галактикадагы ыраак јылдыстардый билдирип турган болор. Эмезе слер оны коркышту јаан ийде-кӱчтӱ, кӧскӧ кӧрӱнбес тын деп бодоп турган болороор. Је чынынча болзо, ол кандый Кудай? Агару Бичиктеҥ бис Кудайдыҥ кезик кылык-јаҥдарын ла ол улусты сӱӱп ле баалап турган деп билип аларыс.
1. Бис Иегованы нениҥ учун кӧрбӧй јадыс?
«Кудай — ол Тын» (Иоанн 4:24). Иеговада кижиде ошкош эт-кан јок. Анайда ок оныҥ теҥериде јадып турган јерин де бистиҥ кӧрӧр аргабыс јок.
2. Иегова — ол кандый Кудай?
Бис оны кӧрбӧй дӧ турган болзоос, ол чын ла бар Кудай. Оныла јууктада таныжып, сӱреен јакшы кылык-јаҥдарын билип алзаар, оны сӱӱп баштараар. Агару Бичикте айдылат: «Иегова справедливостьты сӱӱйт, ол ого чындык улусты артыргыспас» (Сарын 37:28). Анайда ок ол улусты килеп, олорго болужып јат, анчада ла кӱч айалгада болуп калган улуска (Иаков 5:11). Иегова кунугып, чӧкӧп калган улустыҥ јанында (Сарын 34:18). Бис јаман керектер эдип турзаас, ого ачу болот (Сарын 78:40, 41). Је јакшы керектер эдип турзаас, ол сӱӱнип јат. (Укаа сӧстӧр 27:11 кычырыгар.)
3. Иегованыҥ сӱӱжи недеҥ кӧрӱнет?
Кудайдыҥ тӧс кылык-јаҥы — ол сӱӱш. Агару Бичикте: «Кудай — ол сӱӱш» — деп айдылат (1 Иоанн 4:8). Кудай бисти сӱӱп турган деп, бис јӱк ле Агару Бичиктеҥ эмес, оныҥ јайап салган јайаандарынаҥ да кӧрӱп јадыс. (Апостолдордыҥ ижи 14:17 кычырыгар.) Темдектезе, кижи канайып јайалып калганын сананып ийектер: бистиҥ кӧзис — јӱзӱн-јӱӱр ӧҥдӧр кӧрӱп јат, кулагыс — јараш кӱӱниҥ башка-башка табыштарын угат, анайда ок курсактыҥ јӱзӱн-башка амтамын аладыс. Мынаҥ, Кудай бисти јӱрӱмге сӱӱнип ле јакшызынып јӱрзин деп кӱӱнзеп турганы кӧрӱнет.
ТЕРЕҤЖИДЕ КӦРӰГЕР
Иегова ончо немени нениҥ болужыла эдип јат? Ол бойыныҥ сӱреен јакшы кылык-јаҥдарын канайып кӧргӱзип турганын билип алыгар.
4. Агару тын — ол Кудайдыҥ ийде-кӱчи
Кандый бир ишти бис колдорысла эдедис, а Иегова — агару тынла. Агару Бичикте айдылганыла, агару тын — ол тирӱ неме эмес, ол Кудайдыҥ ийде-кӱчи. Ол ончо немени оныҥ болужыла эдет. Лука 11:13 ле Апостолдордыҥ ижи 2:17 кычырып, бу суракты шӱӱжип ийигер:
-
Бис Кудайдаҥ агару тын суразаас, ол биске оны берер. Андый болордо, агару тын — ол тирӱ неме бе эмезе Кудайдыҥ ийде-кӱчи бе? Јартап беригер.
Иегова агару тыныла кайкамчылу немелер эдет. Сарын 33:6 ла 2 Пётр 1:20, 21 кычырып, суракты шӱӱжип ийигер:
-
Иегова агару тынын тузаланып турган деп, кандый темдер бар?
5. Иегованыҥ кылык-јаҥдары кайкадып јат
Моисей Кудайдыҥ ишчизи болгон. Ол Кудай керегинде кӧпти билген де болзо, је тӱҥей ле ол керегинде оноҥ кӧп билерге кӱӱнзеген. Оныҥ учун ол Кудайдаҥ: «Сени билерге... меге јолдорыҥды ачып берзеҥ» — деп сураган (Чыгыш 33:13). Моисейдиҥ сурагына Иегова бойы керегинде куучындап берген. Чыгыш 34:4—6 кычырып, сурактарды шӱӱжип ийигер:
-
Иегова Моисейге бойы керегинде нени куучындаган?
-
Слерге Иегованыҥ кандый кылык-јаҥдары тыҥ јарап јат?
6. Иегова улусты сӱӱп јат
Јебрен ӧйдӧ Кудайдыҥ Израиль албатызы Египетте кулдар болгон. Олордыҥ кыйын-шыразын кӧрӱп, Иегова нени сескен? АУДИОЗАПИСЬТИ иштедип, библиялык ӱлгерлерди угугар эмезе Чыгыш 3:1—10 кычырыгар. Оноҥ бу сурактарды шӱӱжип ийигер.
-
Бу ӱлгерлерле болзо, Иегова улустыҥ кыйын-шыразын кӧрӱп, нени сезет? (7 ле 8 ӱлгерлерди кӧрӱгер.)
-
Канайып сананадаар, Иегова улуска болужарга кӱӱнзеп турган ба, болужар аргазы бар ба? Јартап беригер.
7. Јайаандардаҥ Иегова керегинде кӧп неме билип аладыс
Иегованыҥ кылык-јаҥы оныҥ јайаандарынаҥ кӧрӱнет. ВИДЕОНЫ кӧрӱп, Римдегилерге 1:20 кычырып алыгар. Оноҥ бу суракты шӱӱжип ийигер.
-
Јайаандардаҥ Иегованыҥ кандый кылык-јаҥы кӧрӱнет?
КЕЗИК УЛУС АЙДАТ: «Кудай — ол јаан ийде. Ол кайда ла бар».
-
Слер канайып сананып тураар?
-
Нениҥ учун анайып сананадаар?
ТӦС ШӰӰЛТЕЗИ
Иегова — кӧскӧ кӧрӱнбес Тын. Ондо сӱреен јакшы кылык-јаҥдар бар, је эҥ јааны — сӱӱш.
Нени билип алдыгар?
-
Бис нениҥ учун Иегованы кӧрӧр аргабыс јок?
-
Агару тын ол не?
-
Иеговада кандый кылык-јаҥдар бар?
ШИҤДЕЙТЕН МАТЕРИАЛ
Иеговала јууктада таныжып аларга, оныҥ тӧс тӧрт кылык-јаҥын билип алыгар.
Иегова кайда ла болбой јат деп керелер кӧрӱгер.
Агару тын Кудайдыҥ колдоры деп, нениҥ учун айдылып турганын билип алыгар.
Кӧзи кӧрбӧй турган јиит уул бойын Кудайга керек јок деп бодогон. Ол бойыныҥ мындый кӧрӱмин нениҥ учун солыганын билип алыгар.
«Эмди мен улуска болужар аргалу» («Каруулчы шибее», 2015 јыл, ӱлӱрген ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
