SAKA 07 FEDENGAN

Katayni Mafanaˈ ci Yihofaan

播放

Ano masowal ko Kawas ci Yihofa i, o manan ko maharatengay iso? O kakangodoen Cingra, nikawrira mahaenay o fuˈis a miraay kitaanan han? Anoca o harateng no miso malecaday o kakeleng taˈangay ko ˈicel Ningra, awaay ko manan a ngaˈayay capeling? Ci Yihofa o masamaanay a Kawas? Pakaynian Ningra i Fangcalay Cudad, padama tisowanan cipinang to capeling Ningra, pasifanaˈho tisowanan tada ciharatengay Cingra i tisowanan.

1. Hano cowa ka ˈaraw ita ko Kawas hani?

‘O ˈAdingo ko tireng no Kawas.’ (Yohani 4:24) Cowa ka lecad ci Yihofa kitaanan, cowa ka lecad to tireng no tamdaw, ao ˈAdingo ko tireng Ningra. I kakarayan ko aroˈ Ningra, itiraay cowa ka ˈaraw no mata ita a kitiraan.

2. Iraay ko masamaanay a capeling ni Yihofa?

Soˈlin cowa ka ˈaraw ita ci Yihofa, nikawrira soˈlinay a materek Cingra. Ano pakalingaden ita ko kafanaˈ Cingranan, wa mahapinang to adihayay ko makapahay a capeling Ningra. Sowal no Fangcalay Cudad: ‘Ci Yihofa maolahay to masadafdafay demak, caay pifalah Cingra to madimadiay a tamdaw Ningra.’ (ˈOlic 37:28) Sanayho ko sowal no Fangcalay Cudad, ‘matomesay to damsayay, siniˈadaay to tamdaw’ Cingra, mangalefay ko tahalifaay to roray a tamdaw. (Yakop 5:11) ‘O mararomay ko falocoˈ a tamdaw miingidan ni Yihofa, o matoleday ko falocoˈ a tamdaw paˈoripan Ningra.’ (ˈOlic 34:18, nengnengen ko roma pihongyak) Mafanaˈay kiso han? O midemakan ita a demak misemeray to falocoˈ ni Yihofa. Ano padeteng sa ko tamdaw midemak to tatiihay a demak i, mamasomad ko falocoˈ ni Yihofa. (ˈOlic 78:40, 41) Ano matatodong ko demak no tamdaw i, lalipahak ko falocoˈ ni Yihofa.—ˈOsien ko Taneng 27:11.

3. Samaanay ci Yihofa patalahkal to olah Ningra kitaanan?

O mikiriwiˈay a capeling ni Yihofa i, o olah. Sowal no Fangcalay Cudad: ‘O olah ko Kawas.’ (1 Yohani 4:8) Pakaynian ni Yihofa i Fangcalay Cudad, pakaynianho Ningra i nisangaˈan a maamaan patalahkal to olah Ningra kitaanan. (ˈOsien ko Dmak 14:17.) Haratengen hena, misangaˈ Cingra kitaanan ngaˈayay pakaˈaraw to masakenakenaay a kodong, ngaˈayay pakatengil to kasemeran a radiw, ngaˈayayho mitinac to ˈaredetay a kakaenen. Onini i, paihkalay to tada maolahay Cingra kitaanan. Makalimay Cingra raheker ko kaˈorip no mita.

CALEPEN MIKADKAD

Dotoc mamananam iso: Tano maanan ni Yihofa milahci ko adihayay kasapaan a demak? Samaanay Cingra patalahkal kitaanan to fangcalay a capeling Ningra?

4. O pasadakan no Kawas a fangcalay saocor

Malecaday kitaanan tano kamay a matayal, ano ci Yihofato i, tano fangcalay saocor Ningra milahci to adihayay demak. O pasadakan no Kawas a ˈicel ko fangcalay saocor sanay ko Fangcalay Cudad. Nikawrira, iraay ko tireng no fangcalay saocor sanay ko romaroma a tamdaw. ˈOsien ko Luka 11:13 ato Dmak 2:17, ikor lengoen ko ilaenoay a salicay:

Sowal no sinael ‘fafasfasen’ no Kawas ko fangcalay saocor, pafeli to mingitangitay Cingranan a tamdaw. O citirengay ko fangcalay saocor wa saanho kiso miharateng han? Misamaanay?

Ci Yihofa tano fangcalay saocor Ningra milahci to adihayay kasapaan a demak. ˈOsien ko ˈOlic 104:30 ato 2 Pitiro 1:20, 21, ikor lengoen ko ilaenoay a salicay:

Ci Yihofa tano fangcalay saocor midemak to maanan a demak?

5. O capeling ni Yihofa tada misolotay to tamdaw

Ci Mosi o madimadiay midoko ci Yihofaan a tamdaw, kawra sapitongalawho cingra to sakafanaˈaw tonini a Misangaˈay Tatapangan, sanay pasowal to Kawas: ‘Nanay pasifanaˈen kako to pakayraan Iso a dademak, mafanaˈ i Tisowanan.’ (Kasadakan 33:13) Pacaˈof ci Yihofa ci Mosian i, somowalay to capeling no Niyah. ˈOsien ko Kasadakan 34:4-6, ikor lengoen ko ilaenoay a salicay:

Somowalay ci Yihofa to maanan a makapahay capeling no Niyah?
Maolahay kiso to maanan a capeling ni Yihofa hani?

6. Tada ciharatengay ci Yihofa to tamdaw

Nolitengan, Israil tamdaw o finawlan no Kawas mala koliay i Icip. Maˈaraw ni Yihofa ko pisemsem nangra samaanay ko harateng? Pasadaken ko LOKOING hakelongen mitengil ko piˈosi to Kasadakan 3:1-10. Ikor lengoen ko ilaenoay a salicay.

LOKOING: Ciharatengay ci Yihofa to Misemsemay a Tamdaw (2:45)

Mikitini tonini a maˈoningay, maˈaraw ni Yihofa misemsem ko tamdaw samaanay ko harateng hani?—Nengnengen ko 7 ato 8 sinael.
Soˈlinay ci Yihofa sapadamaaw to tamdaw, hanaca iraay ko ˈicel Ningra mihaen to demak, sanay ko harateng iso han? Misamaanay aki?

7. O maa:maan no cikiw padamaay kitaanan matongal ko kafanaˈ ci Yihofaan

O maa:maan no cikiw padamaay kitaanan matongal ko kacipinang to o masamaanay a Kawas ci Yihofa. Nengnengen ko IKA. ˈOsien ko Loma 1:20, ikor lengoen ko ilaenoay a salicay.