QUIMELTUN 07

Jehová, ¿chumngechi chengei?

AMULCÜNUNGEAL

Nütramcangelmi Ngünechen mu, ¿chem raquiduamqueimi ñi chumngen? Quiñeque che raquiduamquei Chau Ngünechen rume yamfali, huelu fütra camapulelu ñi mülen troquiquefingün. Caquelu raquiduamquei Chau Dios fütra nehuen nieafui rume, duamtuchequelai. Feimu, ¿turpu quimlayafuiñ ñi chumngen ta Chau Dios? Femlai llemai. Biblia quimeltuquei chumngechi chengen ta Chau Dios. Ca feipi eimi duamtunieimu Chau Dios.

1. Iñchiñ pequelafiyiñ ta Dios, ¿chumngelu (chemu) am?

Biblia feipi Chau Ngünechen quiñe püllüngei (Juan 4:24). Nielai cuerpo iñchiñ reque. Rume fütra huenulei, feimu pepi puuquintulafiyiñ.

2. ¿Chumngechi chengei ta Jehová?

Pelayafuiñ ta Jehová. Huelu cüme quimfiliyiñ, doi piuqueyerpuafiyiñ. Biblia feipi: “Chau Jehová piuqueyefilu am tati norngechi dungu, fei quisucünulayai tañi pu nor piuquengelu” (Salmo 37:28). Cafei Jehová ‘poyechefengei ca cutranpiuqueyechequei’ (Santiago 5:11). Biblia ca feipi: “Jehová fülmaniequefi com pu hueñancülelu ñi piuque ca montulquefi com pu huesa duamcülelu” (Salmo 34:18). Jehová müna piuqueyechequei. Feimu quiñe che huesaque dungu femle, Chau Ngünechen huesa duamnagai (Salmo 78:40, 41). Huelu, ¿cümeque dungu femfule cai? Cüme duamnagai Jehová (papeltuaimi Proverbios 27:11).

3. Jehová, ¿chumngechi pengelquei taiñ piuqueyeteu?

Biblia feipi Ngünechen ta piuqueyen (1 Juan 4:8). Felei llemai, Chau Jehová com femquei piuqueyen mu. ¿Chumngechi pengeli taiñ piuqueyeteu? Chau Dios eli tati Biblia. Ca quimfalcülei tañi piuqueyechefengen com tañi deuman mu (papeltuaimi Hechos 14:17). ¿Ca chem elueiñmu Chau Dios? Elueiñmu taiñ peal fillque color, taiñ allcütual musica, pu üñüm ñi ülcantun ca cümentuafiel iyael. Felei llemai, Chau Jehová ayüquei taiñ ayüucüleal taiñ mongen mu.

DOI QUIMAIMI

Jehová, ¿chumngechi am femquei afmatufalchi dungu? ¿Chumngechi quimafuiñ ñi chumngen quisu? Inaduamafiyiñ.

4. Ti espiritu santo: Ngünechen tañi nehuen

Iñchiñ taiñ cuhu mu femqueiñ fillque dungu. Ca femngechi Chau Jehová tañi espiritu santo meu, fillque dungu femquei. Huelu, ¿chem am tüfa? ¿Trürpei mai Dios mu? Femlai, Ngünechen tañi nehuen llemai. Quisu tañi nehuen mu, com femquei. Papeltuaiñ Lucas 11:13 ca Hechos 2:17, ca ngüneduamaiñ tüfachi ramtun:

Ñi feipin tüfachi 2 troquiñ Biblia, Chau Ngünechen ñi nehuen, ¿trürpei mai quisu mu?

Chau Dios tañi nehuen mu com dungu femquei. Papeltuaiñ Salmo 33:6 ca 2 Pedro 1:20, 21, ca ngüneduamaiñ tüfachi ramtun:

Biblia ñi feipin mu, ¿chumquei Jehová tañi nehuen mu?

5. Müna cüme piuquengei ta Jehová

Cuifi mu quiñe huentru Moisés pingelu, nor piuqueyefi ta Jehová. Fei eluhui ñi doi cüme quimafiel, feimu feipifi: “Quimeltuen tami rüpü, ayünien iñche tami doi cüme quimafiel” (Éxodo 33:13). Fei, ¿chumi Jehová? Quimeltueyu ñi chumngechi chengen. Papeltuaiñ Éxodo 34:4-6, ca ngüneduamaiñ tüfachi epu ramtun:

Ñi feipin Biblia, Jehová ¿chem feipi ñi chumngechi chengen ta quisu?
Ñi chumngechi chengen ta Jehová, ¿chuchi am doi ayüquefimi?

6. Jehová duamtuchequei llemai

Cuifi mu, Chau Jehová dullifi pu hebreo che quisu tañi troquiñchengeal. Huelu rupan mu ta tripantu, esclavolefuingün Egipto mapu mu. Fei rume huesa rupamequefuingün. Jehová quimniefui ñi sufrimequen engün, fei ¿chum duamnagi? Allcütuaiñ tüfachi NÜTRAM ca inayafiyiñ ñi feipin Biblia meu. Pepi allcünolmün ti nütram, re papeltuaimün Éxodo 3:1-10. Fei hula ngüneduamaiñ tüfachi epu ramtun.

NÜTRAM: Jehová duamtufi tañi pu che (2:45)

Quiñe che cutrancaucülele, ¿chum duamnagquei Jehová? (Pefinge Éxodo 3:7, 8).
Jehová, ¿eluucülepei mai ñi quelluafiel pu che? ¿Chem piafuimi?

7. Ñi deumael ta Jehová, ¿chem quimeltueiñmu ñi chumngechi chengen?

Jehová tañi deumael pengeleiñmu tañi chumngechi chengen. Peaiñ ti VIDEO. Fei hula papeltuaiñ Romanos 1:20, ca ngüneduamaiñ tüfachi ramtun.