যেতিয়া আপুনি যিহোৱা ঈশ্বৰৰ বিষয়ে চিন্তা কৰে, তেতিয়া আপোনাৰ মনলৈ কি আহে? আপুনি হয়তো ভাবে যে তেওঁ সৰ্বশক্তিমান ঈশ্বৰ। তেওঁৰ আৰু আমাৰ মাজত আকাশ পাতালৰ পাৰ্থক্য আছে। অথবা ঈশ্বৰক কেৱল এক নিৰাকাৰ শক্তি বুলি ভাবে? বাইবেলত উল্লেখ আছে যে যিহোৱাৰ বহুতো গুণ আছে আৰু তেওঁ আমাৰ বিষয়ে চিন্তা কৰে।

১. আমি ঈশ্বৰক কিয় দেখা নাপাওঁ?

বাইবেলত এইদৰে উল্লেখ আছে, “ঈশ্বৰেই আত্মা।” (যোহন ৪:২৪) যিহোৱা ঈশ্বৰৰ আমাৰ দৰে শৰীৰ নাই আৰু সেইবাবে আমি তেওঁক দেখা নাপাওঁ। তেওঁ স্বৰ্গত থাকে আৰু সেই ঠাই আমি দেখা নাপাওঁ।

২. যিহোৱাৰ কি কি গুণ আছে?

এয়া সঁচা যে আমি যিহোৱাক দেখা নাপাওঁ। কিন্তু তেওঁ অস্তিত্বত আছে। তেওঁৰ বহুতো গুণ আছে। আমি যিমানেই তেওঁক জানিম, সিমানেই তেওঁৰ প্ৰতি আমাৰ প্ৰেম বাঢ়িব। বাইবেলত এইদৰে লিখা আছে, “যিহোৱাই ন্যায়-বিচাৰ ভাল পায়, আৰু নিজ সাধুবিলাকক পৰিত্যাগ নকৰে।” (গীতমালা ৩৭:২৮) যিহোৱা “অতি স্নেহৱান আৰু দয়ালু” ঈশ্বৰ হয়। তেওঁ বিশেষকৈ সেই লোকসকলক দয়া দেখুৱায়, যিসকলে দুখ-কষ্টৰ সন্মুখীন হৈছে। (যাকোব ৫:১১) “যিহোৱা ভগ্ন-চিত্তীয়াবিলাকৰ ওচৰ; খেদিত মন হোৱাবিলাকক তেওঁ পৰিত্ৰাণ কৰে।” (গীতমালা ৩৪:১৮) আমাৰ কামে যিহোৱাক প্ৰভাৱিত কৰে। যদি আমি বেয়া কাম কৰোঁ, তেনেহʼলে যিহোৱাক দুখ লাগে। (গীতমালা ৭৮:৪০, ৪১) কিন্তু ভাল কাম কৰিলে তেওঁৰ হৃদয় আনন্দিত হয়।—হিতোপদেশ ২৭:১১ পঢ়ক।

৩. যিহোৱাই আমাক প্ৰেম কৰে বুলি আমি কিয় কʼব পাৰোঁ?

যিহোৱাৰ মুখ্য গুণ হৈছে প্ৰেম। সেইবাবে, ঈশ্বৰৰ কেৱল প্ৰেম গুণ আছে বুলি বাইবেলে কোৱা নাই, কিন্তু “ঈশ্বৰ প্ৰেম” হয় বুলি কৈছে। (১ যোহন ৪:৮) বাইবেল পঢ়াৰ লগতে যিহোৱাই সৃষ্টি কৰা বস্তুবোৰৰপৰাও জানিব পাৰি যে তেওঁ আমাক কিমান প্ৰেম কৰে। (পাঁচনিৰ কৰ্ম্ম ১৪:১৭ পঢ়ক।) মন কৰক যে তেওঁ আমাক কেনেকৈ সৃষ্টি কৰিছে। আমি ধুনীয়া ৰং চাব পাৰোঁ, গান শুনিব পাৰোঁ আৰু সোৱাদ লগা আহাৰৰ আনন্দ লʼব পাৰোঁ। ইয়াৰপৰা বুজিব পাৰি যে আমি আনন্দত থকাটো যিহোৱাই বিচাৰে।

 গভীৰভাৱে ধ্যান কৰক

৫. যিহোৱাৰ বহুতো আকৰ্ষণীয় গুণ আছে

প্ৰাচীন সময়ত মোচি নামৰ এজন ব্যক্তি আছিল। তেওঁ ঈশ্বৰৰ এজন বিশ্বাসী সেৱক আছিল। তেওঁ যিহোৱাক ভালদৰে জানিছিল, তথাপি তেওঁ ঈশ্বৰক এইদৰে কৈছিল, “মই যেন তোমাক জানি তোমাৰ দৃষ্টিত অনুগ্ৰহ পাওঁ, এই নিমিত্তে মোক তোমাৰ পথ জনোৱা।” (যাত্ৰাপুস্তক ৩৩:১৩) যিহোৱাই নিজৰ কিছুমান গুণৰ বিষয়ে মোচিক জনালে। যাত্ৰাপুস্তক ৩৪:৪-৬ পঢ়ক, তাৰ পাছত নিম্নলিখিত প্ৰশ্নবোৰ আলোচনা কৰক:

• যিহোৱাই নিজৰ বিষয়ে মোচিক কি কৈছিল?

• যিহোৱাৰ কোনটো কথা আপোনাক ভাল লাগে?

 আমি কি শিকিলোঁ

যিহোৱাক আমি দেখা নাপাওঁ। তেওঁৰ বহুতো গুণ আছে, কিন্তু তেওঁৰ সকলোতকৈ উত্তম গুণ হৈছে প্ৰেম।

আপুনি কেনেকৈ উত্তৰ দিব?

• আমি যিহোৱাক কিয় দেখা নাপাওঁ?

• পবিত্ৰ আত্মা বা পবিত্ৰ শক্তি কি হয়?

• যিহোৱাৰ কি কি গুণ আছে?