NLÔ AJÔ 07

Yéhôva a ne avale môt avé?

Vô’ôlô nkobô

Wo simesane na Yéhôva a ne avale môt avé? Ye wo simesane na a ne mbetane yôp abui aval é ne na, teke môt éziñ a ne bo mvôé jé? Nge ke na ô lôô nye ane jôm é ne ngule ya bo beta be mam, ve teke nlem ya wô’ôtane jôm éziñ? Bible a kate bia na Yéhôva a bili mbamba mefulu, a na a nyoñe ngab a bia.

1. Amu jé bi se ngule ya yene Zambe a mis?

“Zambe a ne nsisim.” (Jean 4:24) Yéhôva a bili ki nyule minsôn ane bia. A nyiñe yôp, a bi vo’o nye yen a mis amu a ne nsisim.

2. Yéhôva a bili mefulu mevé?

Akusa bo na bi vo’o yene Yéhôva a mis, bi ne kui na bi yeme za a né a bo bemvôé bé, amu a ne Zambe a bili mbamba mefulu. Bible a jô na: “Yéhôva a nye’e nya ntyi’ane mejôô, a ne te li’i mbamba be bôte bé.” (Besam 37:28) A ne fe ‘nkoon éngôngo ne lut, a mvam,’ e dañedañ mfa’a ya ba ba tôbane minjuk. (Jacques 5:11) “Yéhôva a ne ba be ne minlem ntya’an bebé, a nyii avale bôt e ne minlem nje’ebane si.” (Besam 34:18) Nde fe na, mam bia bo me ne vindane Yéhôva nlem, nge ve nye nlem avak. Yéhôva a wô’ô nlem mintaé éyoñe môt a tyi’i na a bo mbia be mam. (Besam 78:40, 41) Ve a ne mevak éyoñe bia bo mam me ne zôsôô.—Lañe’e Minkana 27:11.

3. Jé ja liti na Yéhôva a nye’e bia?

Nye’an ô ne fulu ja dañe mefulu mese Yéhôva a bili. Bible a jô na “Zambe a ne nye’an.” (1 Jean 4:8) Ane ô vaa Bible, nye’ane Yéhôva wo yené fe biôm a nga té. (Lañe’e Mam minlôman 14:17.) Tame ve’ele simesan aval a nga té môta binam. A nga ve nye ngule ya yen abeñe mesam, ya wô’ô mbamba mezik, a bu’ubane mvaé bidi. Nalé a liti fo’o na Yéhôva a yi na bi wô’ ényiñe mvaé.

TUKA’A FAK

Yene’ avale Yéhôva a nga té bitua bi mam bia bômane bia. Mvuse ya valé, yene’ aval avé Yéhôva a liti bia mbamba mefulu mé.

4. Mbamba nsisim a ne ngule Zambe a belane je na a bo mam

Yéhôva a belane mbamba nsisime wé avale bia fe bia belane mo mangane na bi bo bisaé. Bible a liti na mbamba nsisim a nji bo môt, ve ngule Zambe a belane je na a bo mam. Lañe’e Luc 11:13 a Mam Minlôman 2:17, mvuse ya valé, yala’ane minsili mi:

Nge bia ja’é Yéhôva mbamba nsisime wé, é “sôé” bia nye. Nde, wo simesane na mbamba nsisim ate a ne jé: ye môt, ye ngule Zambe a bo je mam? Amu jé wo jô nalé?

Yéhôva a belane mbamba nsisime wé na a bo beta be mam. Lañe’e Besam 33:6 a 2 Pierre 1:20, 21, mvuse ya valé, yala’ane nsili wu:

Yéhôva a nga belane mbamba nsisime wé na a bo jé?

5.. Yéhôva a bili mbamba mefulu

Moïse a mbe mbo ésaé Zambe, ve a mbe a kômbô’ô tu’a yeme za Yéhôva a né. Jôm ete nje Moïse a nga jô Nye môs éziñe na: “Liti’i ma mezene môé me yeme wo.” (Nkôlan 33:13) Ane Yéhôva a nga liti nye avale môt a né. Lañe’e Nkôlan 34:4-6, mvuse ya valé, yala’ane minsili mi:

Yéhôva a nga liti Moïse mefulu mé mevé?
Fulu Yéhôva fé wo dañe nye’e?

6. Yéhôva a nyoñe ngab a bia

Bebo bisaé be Yéhôva be mbe minkôm Égypte. Yéhôva a nga wô’ôtan aya éyoñ a nga yene minju’u mise be nga tôbane mie? Futi’i AUDIO nge ke lañe’e Nkôlan 3:1-10. Mvuse ya valé, yala’ane minsili mi:

VIDÉO: Yéhôva a nga wô’ô be mintaé (2:45)

Nkañete ôte wo liti na Yéhôva a wô’ôtan aya éyoñe bôt ba tôbane minjuk?—Fombô’ éfuse 7 a 8.
Ye wo buni na Yéhôva a bili nkômbane ya volô bia, a na a ne ngule ya bo de? Amu jé wo simesane nalé?