TJONÏK 07
¿Achkë komä runaʼoj chqä rubʼanik Jehová?
Taq yachʼobʼon chrij Jehová, ¿achkë komä rubʼanik ryä naʼij rït? ¿Nanaʼ chë rma kan kowan ruqʼij rma riʼ ma yakowin ta yatok rachiʼil? ¿O naʼij rït chë ryä kʼo kowan ruchqʼaʼ ye kʼa xa majun ta nunaʼ? ¿Achkë kʼa runaʼoj chqä rubʼanik Jehová? Chpan le Biblia, ri Ruchʼaʼäl, Jehová nukʼüt chqawäch achkë jojun chkë ri naʼoj ye kʼo rkʼë y achkë nunaʼ chawij rït.
1. ¿Achkë rma ma nqkowin ta nqatzʼët Dios?
«Dios ya riʼ jun espíritu» (Juan 4:24). Jehová ma junan ta ruchʼakul qkʼë röj, rma ryä jun espíritu ri kʼo chlaʼ chkaj.
2. ¿Achkë jojun chkë ri naʼoj ye kʼo rkʼë Jehová?
Tapeʼ ma nqkowin ta nqatzʼët Jehová, taq nqatamaj ruwäch ya riʼ nbʼanö chqë chë más nqajoʼ, rma ryä ye kʼo jaʼäl taq naʼoj rkʼë. Le Biblia nuʼij: «Jehová kan nqä chwäch ri chojmilal y majun bʼëy xkeruyaʼ ta qa ri ma nkiqʼäj ta rutzij» (Salmo 37:28). Chqä «kan kowan nqrajoʼ chqä kan nupoqonaj qawäch», ye kʼa kan más yeqʼalajin ri naʼoj riʼ chrij taq yerukʼüt chkiwäch winäq ri najin nkitäj poqän (Santiago 5:11). «Jehová naqaj kʼo wä chkë ri sokotajnäq kan y yeruköl ri ye kʼo pa jun nimaläj bʼis» (Salmo 34:18). ¿Y ataman rït chë röj nqkowin nqaʼän chë Jehová kiʼ rukʼuʼx nuʼän o nbʼison rkʼë jontir ri nqaʼän? Ri winäq ri xa yë ri ma ütz ta nuchaʼ nuʼän kan nuyaʼ bʼis pa ran (Salmo 78:40, 41). Ye kʼa ri winäq ri kan yë ri ütz nuchaʼ nuʼän pa rukʼaslemal, Jehová kan kiʼ rukʼuʼx nuʼän rkʼë (taskʼij ruwäch Proverbios 27:11).
3. ¿Achkë rubʼanik nukʼüt Jehová chqawäch chë kowan nqrajoʼ?
Ri naʼoj más ruqʼij ri kʼo rkʼë Jehová ya riʼ ri kowan najowan. Le Biblia nuʼij: «Dios kan ajowabʼäl» (1 Juan 4:8). Jehová nuksaj le Biblia chqä jontir ri rubʼanon qa rchë nukʼüt chqawäch chë kowan nqrajoʼ (taskʼij ruwäch Hechos 14:17). Tachʼobʼoʼ na peʼ chrij ri rubʼanik rubʼanon qa Jehová chqë. Röj nqkowin nqatzʼët jaʼäl taq colores chqä kiʼ qakʼuʼx nqaʼän taq nqakʼoxaj bʼix y taq nqanaʼ kikiʼil ri jaʼäl taq rukïl wäy. Ryä nrajoʼ chë röj kiʼ qakʼuʼx nqaʼän pa qakʼaslemal.
TQATAMAJ MÁS CHRIJ RE NAʼOJ REʼ
Tqatzʼetaʼ achkë nuksaj Jehová rchë yeruʼän nimaläj taq bʼanobʼäl y achkë rubʼanik yerukʼüt ri jaʼäl taq naʼoj ye kʼo rkʼë.
4. Ri espíritu santo: ri loqʼoläj ruchqʼaʼ Dios
Röj nqaksaj qaqʼaʼ rchë nqsamäj, ye kʼa Jehová nuksaj ru-espíritu santo. Le Biblia ma nuʼij ta chë ri espíritu santo jun winäq, pa rukʼexel riʼ, nuʼij chë ya riʼ ri uchqʼaʼ nuksaj Dios rchë nuʼän ri nrajoʼ. Tiskʼij ruwäch Lucas 11:13 chqä Hechos 2:17, y kixtzjon chrij reʼ:
-
Dios nuyaʼ ru-espíritu santo pa kiwiʼ ri yekʼutun che rä. Rma riʼ, ¿naʼij rït chë ri espíritu santo jun winäq o chë kan ya riʼ ri loqʼoläj ruchqʼaʼ Dios? ¿Achkë rma naʼij riʼ?
Jehová nuksaj ri loqʼoläj ruchqʼaʼ rchë yeruʼän nimaläj taq bʼanobʼäl. Tiskʼij ruwäch Salmo 33:6 chqä 2 Pedro 1:20, 21, y kixtzjon chrij reʼ:
-
¿Achkë rubʼanik ruksan Jehová ri loqʼoläj ruchqʼaʼ?
5. Jehová kan jaʼäl taq naʼoj ye kʼo rkʼë
Moisés kan rkʼë ronojel ran xyaʼ ruqʼij Dios. Tapeʼ ke riʼ kan xrajoʼ xtamaj más ruwäch. Rma riʼ Moisés xuʼij che rä: «Takʼutuʼ abʼey chi nwäch rchë ke riʼ ntamaj awäch» (Éxodo 33:13). Rchë xuʼän ri xkʼutuj Moisés, Jehová xtzjoj che rä jojun chkë ri naʼoj ye kʼo rkʼë. Tiskʼij ruwäch Éxodo 34:4-6 y kixtzjon chrij reʼ:
-
Taq Jehová xtzjon rkʼë Moisés, ¿achkë jojun chkë ri naʼoj ye kʼo rkʼë xtzjoj che rä?
-
¿Achkë runaʼoj Jehová más nqä chawäch rït?
6. Jehová kowan yerajoʼ ri winäq
Ri israelitas, ri rutinamit Dios ojer, xexmeʼ pa samaj pan Egipto. ¿Achkë xnaʼ Jehová taq xtzʼët chë rutinamit najin wä nutäj poqän? Tikʼoxaj ri AUDIO rchë Éxodo 3:1-10 y junan tiskʼij äl ruwäch chpan i-Biblia, o xa xuʼ tiskʼij kiwäch ri textos riʼ. Chrij riʼ kixtzjon chrij reʼ:
-
Rkʼë ri xqaskʼij qa, ¿achkë nunaʼ Jehová taq nutzʼët chë ri winäq nkitäj poqän? (Titzʼetaʼ ri versículos 7 chqä 8).
-
¿Naʼij rït chë Jehová kantzij nrajoʼ yerutoʼ ri winäq? ¿Naquʼ rït chë ryä nkowin nuʼän riʼ? ¿Achkë rma naʼij riʼ?
7. Ronojel ri rubʼanon qa Jehová nkikʼüt runaʼoj chqawäch
Jehová nuksaj ronojel ri rubʼanon qa rchë nukʼüt runaʼoj chqawäch. Titzʼetaʼ ri VIDEO. Chrij riʼ tiskʼij ruwäch Romanos 1:20 y kixtzjon chrij reʼ:
-
¿Achkë runaʼoj Jehová natzʼët rït rkʼë ronojel ri rubʼanon qa?
JOJUN WINÄQ NKIʼIJ REʼ: «Ma nqkowin ta nq-ok rachiʼil Dios rma ma nqatzʼët ta».
-
¿Achkë naʼij rït?
-
¿Achkë rma naʼij riʼ?
RI XQATAMAJ QA
Jehová jun espíritu, rma riʼ ma nqkowin ta nqatzʼët. Ryä ye kʼo jaʼäl taq naʼoj rkʼë, ye kʼa ri más nqʼalajin chrij ya riʼ ri kowan najowan.
Tqakamluj ri xqatzʼët qa
-
¿Achkë rma ma nqkowin ta nqatzʼët Jehová?
-
¿Achkë riʼ ri espíritu santo?
-
¿Achkë jojun chkë ri naʼoj ye kʼo rkʼë Jehová?
RCHË NATAMAJ MÁS
Rchë natamaj más ruwäch Jehová, tanukʼuj kij ri kajiʼ naʼoj ri más yeqʼalajin chrij.
Tatzʼetaʼ achkë rma nqaʼij chë Jehová ma xa bʼaʼ akuchï ta kʼo wä.
Tatzʼetaʼ achkë rma le Biblia nuʼij «ruqʼaʼ» Dios che rä ri loqʼoläj ruchqʼaʼ Jehová.
Jun achiʼ ri ma nkowin ta ntzuʼun kʼayewal wä nuʼän chwäch nunmaj chë najowäx rma Dios, ye kʼa tatzʼetaʼ achkë rma ma ke riʼ ta chik xquʼ.
«Komä nnaʼ chë yikowin yentoʼ nkʼaj chik» (Ri Chajinel, 1 de octubre, 2015)
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
