ˈWƆN ˗GƆ 07

Zoova ˗yö ˗kɔ ˗kë ꞊dhɛ?

-A "WƖ -DHƐ

ˈBha ü ˗zota Zoova ˗Zlan ˗yö ü ˈgü ˗kɔ ˗kë ꞊dhɛ? Mɛn ˈbhaa ˗nu ˗bha ˈgü ˗Zlan ˗yö ˈkpii˗ ˈö ˈˈmlümlüsü, mɛnbhɩɩdhe ˗nu ˈwaa ˗mɔn ˗a ˗bha kö ˗wo yö ˗a ˈka ꞊klöö˗. ˗Yö ü ˈgü ˈˈdhʋ̈ ˗ee? Ü ˗bha ˈgü mɛn ˈö ˗dhö ꞊dedewo ˈyaa ˗mü ˈˈkɛɛ pë ꞊faan ˈˈgbɩɩ˗ ˗sü ˈö ˗kë ꞊dhɛ ˈˈtɛɛ ˈˈgbɩɩ˗ ˈdhö yö ˗mü ˗ee? ˗Kɔ ˗mɛɛn ˈö Zoova ˈdhö˗ ˈka ꞊dedewo? Biblö ˗yö Zoova ˗bha ˈˈklʋʋsë ˗nu ˗zɔn kwa ˗dhɛ. ˗Ya ˗zɔn ˈzü ꞊dhɛ ˗yö ö ˈˈtʋ̈ŋ ˗kë kwa ˈgü, ˈö ö ˗zokë kwa ˈˈpiʋ̈.

1. ˗Mën ˈö ˗kë ˈö ˈkwaa ˗mɔn ˗a ˗bha kö ˈkwa ˗kpan ˗Zlan ˗bha?

«˗Zlan bhë ˗Zuu ˗mü.» (Zan 4:24, NTBL) Zoova ˈyaa ꞊dhɛ kwa ˈdhö, ˗zuu ˗mü ˗a ˈka, ˗yö dhaŋ˗ ˈgü, ˈkwaa ꞊mɔɔn˗ ˗bha kö ˈkwa˗ yö.

2. Zoova ˗bha ˈˈklʋʋsë ˈbha ˗nu ˈtɔ˗ ˗mën?

ˈKwaa ˗kpan Zoova ˗bha, ˈˈkɛɛ kö ˈkwa˗ dɔ ˗sü draanˈˈ, ˗a ˗dhɔ ˗yö kwa ˗kë ˈyö ˗tɔ ꞊dhɛ ˗yö ˗dhö ꞊dedewo, ˈö˗ ˈˈklʋʋ ˈdhö ˗së. Biblö ˗ya ˗pö: «ˈWɔn kpɛnŋdhö ˗dhɔ ˗yö Zoova ˗kë; yö ˈti ˗dho ˈkan mɛn ˗nu ˈwo ˗klu ˗a ˗bha ˗an ˗bha.» (Psaume 37:28) ˗Ya ˈgo ˗a ˈgü ˈzü, ˗a «ˈˈgblü ˈyaa ˈya˗, mɛ ˗wëë ˗ya ˗kë ꞊dedewo.» ˈKɛɛ mɛn ˗nu ˈwo saanˈˈ ˈgü ˗yö ˗nu ˗an ˗dhɛ ꞊dedewo. (Zakö 5:11) «Mɛn ˗nu ˈö ˗an zuʋ̈ˈˈ ˈˈklʋʋ ˈdhö bhɔ ˗ni ˈgü, Zoova ˗yö ˗an ˈˈsuee. ˗Yö mɛn ˗nu ˈö ˗an ˈgü ꞊ya ga ˗an ˗dha.» (Psaume 34:18) Ü˗ ˈwɔn ˗dɔ ꞊dhɛ pë ˗nu ˈö ˈkwa ˗an ˗kë ˗yö Zoova zuʋ̈ˈˈ ˗nii ˗da ɛɛnˈˈ ˗yö ˗shiö ˗a ˗dhɛ ˗ee? Kö ˈkwa ˈwɔn yaa kë, ˗yö ˗kë ˗a ˗dhɛ ˈya˗ ˈö˗ ˈgü ga. (Psaume 78:40, 41) ˈˈKɛɛ kö ˈkwa ˈwɔn ˗së kë ˗ya zuʋ̈ˈˈ ꞊nii ˗da ꞊dedewo.—Proverbes 27:11 ˗wo pö.

3. Zoova ˗ya ˗zɔn ꞊dhɛ kwa ˗dhɔ ˗ya ˗kë ˗kɔ ˗kë ꞊dhɛ?

Zoova ˗bha ˈˈklʋʋsë ˗nu bhë ˗a ˈkpii˗ ˈnën ˈö ˗tɔ ˗dhɔ. Biblö ˗ya ˗pö ‹waa˗ pö ˗dhɔ, kö ˗wo ˗wɩ ˗Zlan ˈka.› (1 Zan 4:8) Zoova ˗ya ˗zɔn Biblö ˈgü ꞊dhɛ kwa ˗dhɔ ˗ya ˗kë, ˈˈkɛɛ kwa˗ ˗yö ˈpö ˗a ˗dapë ˗nu ˗bha. (Këwɔn ˗nu 14:17 ˗wo pö.) ˗Bhö ü ˗zota ˗kɔ ˈö kwa ˗yökë ˗a ˗bha ˗a ˈgü. ˗Ya ˗kë ˈö ˈkwa pë ˈˈɲan ˗së ˗nu yö, ˈö ˈkwa kwa ˈˈtʋ to ˈˈtan ˈˈnɛɛnnɛn ˗nu ˗bha, ˈö ˈkwa ˗bhöpë ˗së ˗nu din yö. ˗Ya ˈˈpiʋ̈ kö ˗tosɛta ˗yö kë kwa ˗dhɛ ˈˈdhiaasü ꞊dedewo.

˗KAA ˈˈPIƲ̈ ˈPƆN

Pë ˈö Zoova ˗yö bɔ ˗a ˗ta kö ˗yö pë ˗së ˗nu ˈwo bhë ˗an kë, waa ˗kɔ ˈö ö ˗bha ˈˈklʋʋsë ˗nu ˗zɔn ˗a ˈka kwa ˗dhɛ, ˗kwaa ˗ga.

4. ˗Zuu ˈˈslʋ̈ʋ̈slʋ̈ ˈnën ˗tɔ ˗Zlan ꞊faan ˈö yökë ˗a ˈka.

Mɛnbhɩɩdhe ˗nu kwa yökë kwa ˗kɔdhɛ ˈka, ˈˈkɛɛ Zoova ˗zë ˗yö yökë ö ˗bha ˗zuu ˈˈslʋ̈ʋ̈slʋ̈ ˈka. Biblö ˗ya ˗zɔn ꞊dhɛ ˗zuu ˈˈslʋ̈ʋ̈slʋ̈ ˈyaa ꞊dhɛ mɛn ˈdhö, ˈˈkɛɛ ꞊faan ˈö ˗Zlan ˗ya sü kö ˗yö pë ˗nu kë ˗a ˈka yö ˗mü. ˗Ka Dhukö 11:13 waa Këwɔn ˗nu 2:17 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

Kö ˈkwa ˗zuu ˈˈslʋ̈ʋ̈slʋ̈ ˗dhɛ Zoova ˗gɔ, ‹˗ya ˗nu› kwa ˗dhɛ. ˈDhɛ ˈö ˈˈdhʋ̈ kwa ꞊mɔɔn˗ ˗bha ˈkwa˗ pö ꞊dhɛ ˗zuu ˈˈslʋ̈ʋ̈slʋ̈ ˈö bhë mɛn ꞊dede ˗mü ˗ee? ˈMën ˗kë ˈü˗ pö ˈˈdhʋ̈?

Zoova ˗yö ˗bɔ ö ˗bha ˗zuu ˈˈslʋ̈ʋ̈slʋ̈ ˗ta kö ˗yö pë ˈˈmlümlüsü ꞊va ꞊dede kë. ˗Ka Psaume 33:6 waa 2 Piɛdhö 1:20, 21 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

Zoova ˗yö ö ˗bha ˗zuu ˈˈslʋ̈ʋ̈slʋ̈ ˗sü ˈö ˗mën ˗kë ˗a ˈka?

5. Zoova ˗bha ˈˈklʋʋsë ˈnën ˈö kwa ˗gan ˗a ˗bha.

ˈKö ˗kë ꞊dhɛ Moizö ˗yö ˗Zlan ˗dhɔkë ˗kwɛ ꞊va ꞊dede ˈˈpiʋ̈, ˈˈtʋ̈ŋ ˈbhaa ˈka ˗a ˗bhawɔn ˗yö ˗yö ˈzü ˈö Dëmɛn dɔ ˗sü ˗bha ꞊dedewo. ˗A ˗wɔn ˈgü ˗ya ˗pö ˗a ˗dhɛ: «Dɔ ˈˈgbɩɩ˗ kö ˈü ü ˗bha ˈwɔn ˗nu kë ˗kɔ ˗nu ˗zɔn n ˗dhɛ kö ˈa ü dɔ.» (Exode 33:13.) ˈDhɛ ˈö ˗kë ˈˈdhʋ̈ Zoova ˗yö ö ˗bha ˈˈklʋʋsë ˈbhaa ˗nu ˗zɔn Moizö ˗dhɛ. ˗Ka Exode 34:4-6 ˗an ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

Zoova ˗bha ˈˈklʋʋsë ˗nu ˗mɛɛn ˈö ˗an ˗zɔn Moizö ˗dhɛ?
Zoova ˗bha ˈˈklʋʋsë ˗mɛɛn ˈö ü ˗dhɛ ˗së ꞊dedewo?

6. Zoova ˈˈtʋ̈ŋ ˗yö mɛnbhɩɩdhe ˗nu kwa ˈgü.

Eblö ˗nu ˈwo kun ˗Zlan ˗dhɔkë ˗ni ˈgü ꞊kwɛŋzü ˗wo ˗kun ꞊dhuëŋdhɛ ˈgü Ezitö ˈö ˈwo saanˈˈ sü ꞊dedewo. ˈDhɛ ˈwo kun saanˈˈ ni ˈgü ˈˈdhʋ̈ ˗yö ˗kë Zoova ˈgü ꞊dhɛ? ˗Ka Exode 3:1-10 ˈˈTƲTOBHAPË ˈˈwɩ kö ˈka ka ˈˈtʋ ˈto ˗a ˗bha ɛɛnˈˈ ˗kaa ˗wo pö, kö ˈka dhɛɛˈˈ ˗nu ˈwo ˈˈshia bhë ˗an ˗yɔ mɛɛnˈˈ.

ˈˈTƲTOBHAPË: Zoova ˗yö ˗kpan ˗an ˗bha saanˈˈ ˗bha (2:45)

˗Kwɛzlan bhë ˗mën ˈö˗ ˗zɔn? Zoova ˗ya ˗kpan mɛnbhɩɩdhe ˗nu ˗bha kö ˗wo saanˈˈ ˈgü, ˗yö ˗kë ˗a ˈgü ˗kɔ ˗kë ꞊dhɛ?—-Kaa ˈˈɲan ˈsɛɛn˗ 7 waa˗ 8 ˗ga.
Ü ˗bha ˈgü Zoova ˗ya ˈˈpiʋ̈ ˈö mɛnbhɩɩdhe ˗nu ˗takun ˗ee? ˗A ˗kɔ ˗yö ˗mɔn ˗a ˗bha ˗ee? ˈMën ˗kë ˈü˗ pö ˈˈdhʋ̈?

7. Kwa Zoova ˗bha ˈˈklʋʋsë ˗nu ˗yö ˗a ˗dapë ˗nu ˗bha.

Zoova ˗yö ˗bɔ ö ˗dapë ˗nu ˗ta ˈö ö ˗bha ˈˈklʋʋsë ˗nu ˗zɔn kwa ˗dhɛ. ˗Kaa VIDEO ˗ga, kö ˈka Wlɔmö 1:20 ˗wo pö, kö ˈka dhɛɛˈˈ ˈö ˈˈshia bhë ˗a ˗yɔ mɛɛnˈˈ.