PIÖÖC 07
Yekoba Ye Raan Yïndï?
Tɛ̈ tɛk yïn yïnɔm ë Nhialic Yekoba, yeŋö bën ë yïnɔm? Ye yök këdït arëët ku meec apɛi ke yïn, cïtman akut kuɛɛl tɔ̈u nhial? Awu ye thɔ̈ɔ̈ŋic ke ril apɛi cïtman määr ë deŋ ku acïn nɔm kïit? Yekoba ye raan yïndï adil? Ë wɛ̈tde yic, Baibol, Yekoba acï kïit ken kɔ̈k nyuɔɔth, ku jɔl aa nɔn nhiɛɛr yen yïn.
1. Ye wɛ̈tŋö cïï ɣok Nhialic ye tïŋ?
“Nhialic ee Wëi.” (Jɔn 4:24) Yekoba acïn nɔm guɔ̈p ye tïŋ. Yen ë Wëi ku arɛ̈ɛ̈r nhial, tɛ̈ cuk ye tïŋ.
2. Ye ɣɔ̈n kɔ̈k kou ë kïïtke Yekoba nyuɔɔth?
Na cɔk anɔn cie Yekoba ye tïŋ, yen ee raan ayic nɔŋ kïit ye cɔl anhiɛɛr kɔc ŋic yen. Aye Baibol lueel: ‘Yekoba anhiaar luŋ lɔcök, ku acï kɔc ken nhiɛɛr bï kɔŋ päl wei.’ (Diɛt 37:28) Yen aya “anɔŋ nhiëërdït apɛi ku ee diɛɛr ë ɣook,” ku yic pacɔ̈k tënë kɔc wën mam. (Jakop 5:11, NWT) ‘Yekoba ee thiääk kek kɔc wën cï ke piɔ̈ɔ̈th päl wei; ee kɔc cï piɔ̈ɔ̈th dak luäkbei.’ (Diɛt 34:18, ke cï gɔ̈t ye cök) Ku nadɛ̈ ŋic Yekoba adai tɛ̈ ye ɣok luui thïn? Raan ye kuany bï ya luui ë kärɛc acïï ye nhiaar ku ee ye rac puɔ̈u. (Diɛt 78:40, 41) Ku raan ë luui käpath ee ye miɛtpuɔ̈u.—Kuen Kɛ̈ŋ 27:11.
3. Ye këdï cï Yekoba ye nyuɔɔth nɔn nadɛ̈ anhiaar ɣok?
Kïn dït apɛi ë kaam ë kïït ke Yekoba ëbën ë nhiëër. Yic pacɔ̈k, “Nhialic yen aye nhiëër.” (1 Jɔn 4:8) Yekoba acï nhiërde nyuɔɔth ë Baibolic ku kä cï keek cak aya. (Kuen Luɔi de Tuuc 14:17.) Tïŋ, citman, tɛ̈ cï yen ɣo cak thïn. Acï ɣo gäm riɛl bï ɣok kïit dhuëëŋ ya tïŋ,ku pïŋ ku madhïka piɛth apɛi, ku bilku kuïn mït apɛi. Awïc ɣook buk piɔ̈ɔ̈th ya miɛt apɛi ë pïïrda yic.
YÄP DÏT
Piɔ̈ɔ̈cë kë cïï Yekoba luöi bïï yen kädït ë gäi looi. Ku jɔl tïŋ të cïï Yekoba kïtken piɛth apɛi nyuɔɔth.
4. Wëidït ɣer—ee riɛl ë Nhialic
Cït man ye Ɣok ciin kuɔ luɔ̈i, Yekoba ee wëidït Ɣer ke luɔ̈i. Aye Baibol nyuɔth nɔn nadɛ̈ kë wëidit ɣer, acie raan, ee riɛl ye Nhialic luɔ̈i bï yen këriëëc ëbën looi. Kuen Luk 11:13 ku Luɔi de Tuuc 2:17, ku jalkë thiëc kä jäämiic:
-
Nhialic abï wëidït Ɣerke“gäm”kɔc ë ye thiëëc ë yen. Ye takic wëidït ɣer ee raan, awu ye riɛl Nhialic? Ku ye wɛ̈tŋö ee yïn ye lueel këya?
Yekoba acï wëidït Ɣer ke luɔ̈i bïï yen kä dit ke gäi looi. Kuen Diɛt 33:6 ku 2 Petero 1:20, 21, ku jalkë thiëc kënë jäämïc:
-
Ye kuɛɛr kɔ̈k kou cïï Yekoba wëidït Ɣerke luɔ̈i?
5. Yekoba anɔŋ kïit dhuëŋ apɛi
Mothith aa ye raan cï gam ë Nhialic door, ku ee wïc bï Nhialic de ŋic apiɛth. Go Mothith lɛ̈k yen: ‘Cɔl ɣɛn aŋic dhɔ̈lku, ku bä yï ŋic.’ (Bɛ̈nbei 33:13) Wën cï Yekoba ye dhuknɔm, acï kïitke bɛ̈n nyuöth Mothïth. Kuen Bɛ̈nbei 34:4-6, ku jalkë thiëc kä jäämiic:
-
Ye kïït kou cïï Yekoba keek nyuöth Mothith?
-
Ye kïn töŋ no ë kaam ë kïïtke Yekoba yen nhiar apɛi?
6. Yekoba ee nyin tïït ë kɔc
Kɔc ke Nhialic, Ɣeberuu, aake ye aluɛk paan Yijep. Cï Yekoba mɛɛm den bën tïŋ këdï? Puɔl RƆ̈L CÏ DƆM ku buɔth yic, awu kuen Bɛ̈nbei 3:1-10. Ku jalkë thiëc bɔ̈ jäämiic.
-
Yeŋö ye kënë lɛ̈k yïn tɛ̈ cït tɛ̈ ye Yekoba mɛɛm ë mɛnh ë raan tiëŋ thïn?—Tïŋ cökthii kä 7 ku 8.
-
Nadɛ̈ ye takic ke Yekoba awïc bï kɔc kuɔny ku alëu bï looi këya? Ye wɛ̈tŋö, awu ye wɛ̈tŋö cien yen?
7. Kä cï keek cak aa kïitke Yekoba nyuɔɔth
Yekoba acï kïïtke nyuɔɔth ë kuer ë kä cï keek cakiic. Puɔl ë BIDEO. Ku kuen Romai 1:20, ku jalkë thiëc bɔ̈ jäämiic.
-
Ye kïïtke Yekoba kou ye ke tïŋ ë kä cï keek cakiic?
AYE KƆC KƆ̈K LUEEL: “Nhialic acie raan, ee riɛl cïn tɛ̈ liu yen thïn.”
-
Ye takic këdï?
-
Ye wɛ̈tŋö ee yïn ye takic këya?
JAM CIEKIC
Yekoba ee raan ë wëi cie tïŋ ku anɔŋ kïït juëc piɛth apɛi, yic pacɔ̈k nhiëër.
Bëër Yic
-
Ye wɛ̈tŋö cïï Ɣok Yekoba ye tïŋ?
-
Wëidït Ɣer yeŋö?
-
Ye kïït kou tɔ̈u ke Yekoba?
YƆ̈P WËL JUËC KƆ̈K
Juak ŋiny dun bïï yïn Yekoba ŋic ë kuer bïï yïn piöc ë biäk kïït ke kaŋuan dït apɛi.
Tïŋ yiny ye nyuɔɔth nɔn nadɛ̈ ke Yekoba acïï tɔ̈u ë këriëëc ëbën yic.
Tïŋ ye wɛ̈tŋö ye Baibol weidit Ɣer cɔɔl ciin ë Nhialic.
Mony cï cɔɔr athäär keke gäm bï deetic nɔn ee Nhialic nyin tïït ë yen. Yök yeŋö cï ye bɛ̈n waar nɔm.
“Ɣɛn ë Rot Yök ke ɣa Lëu ba Kɔc Kɔ̈k Kuɔny” (The Watchtower, Pɛɛi ë Thiëër 1, 2015)
