Wò tsog na Zamba a ne ya? Ye mot zing ya wò kam a ne oyab ai wò? Abog zing oyab ane atitié? Ye wò tsog abog zing ki na Zamba a ne é ngul é ne ntut ve a toa tegè ai mefulu, dzam deda ane nkulu? Za men Yéhova a ne? A kalara woé, Bibel, Yéhova a lere mefulu moé, a lere fe na a mvamen ai bia.

1. Asu dzé bi seki dzam yen Zamba?

“Zamba a ne Nsisim” (Yohannes 4:24). Yéhova a bele ki nyòl ane mot. A ne Nsisim, a nying a yob é vom bi seki dzam yen.

2. Mefulu me Zamba mevòk me ne mefé?

Bi seki dzam yen Zamba, ve éyòng bia dzeng na bia yem nyè, bia kèène fe nyè ding amu a bele abeng mefulu. Bibel a dzo na: “Yéhova a ding susuo, a yi ki lig mimfufub mié” (Salmen 37:28). A ne fe “abui mvam ai ngòl,” a dang dang asu é ba be bele mindzug (Yakòbus 5:11). “A ne babi ai é ba be ne nnem ndzugen, a nyii é ba be ne ntsaan a nsisim” (Salmen 34:18). Ye wò yem fò na mimbòen miaan mia namba nyè? Éyòng bia tòb na bia bò é mam me ne abé, a wog olun (Salmen 78:40, 41). Veda éyòng bia tòb na bia bò é mam me ne mbeng a ne mintak (Lang’a Minkana 27:11).

3. Akia afé Yéhova a lere na a ding bia?

É fulu Yéhova ya dang mefulu mese mevòk é ne éding amu, “Zamba a ne éding” (1 Yohannes 4:8). Yéhova a lere bia éding dzié a Bibel ai a biem ya a nga tié (Lang’a Mimbòen mi apostel 14:17). Tsogo abog zing akia ya a nga kom bia. A nga ve bia maa na bi yen nyòl biem kan kan, bi vogolo abeng mezik, ai na bi kiègè abeng bidi. A yi na bi fon ai énying.

 TUENE FAG

5. Yéhova a bele mefulu ma duru bot

Tò ane Moses a nga be a lugu Zamba a tarigi kòm, mebog mevòk a mbe dzeng na a tuene yem Nkom woé. Ndò hm a nga kat nyè na: “Lerege te ma mezen moé, ne me yem wò.” (Eksodus 33:13) Yéhova a nga kat Moses kan mot fé a ne. Lang’a Eksodus 34:4-6 ai yalen minsili mi tsaa mi:

• Mefulu moé mefé Yéhova a nga lere Moses?

• Mefulu me Yéhova mefé ma dang wò namba?

 OBALBAS

Bi seki dzam yen Yéhova amu a ne Nsisim. A bele abeng mefulu ane éding.

Dzé bia baala

• Amu dzé bi seki dzam yen Yéhova?

• Dzé é ne mfufub nsisim?

• Mefulu me Yéhova mevòk me ne mefé?