SOMO LYA 07

Gurhe Yehova Aba?

ZIHA

Gurhe Yehova Aba?

Eyi wawaza ku Yehova Mungu, bichi biyinja omu bwenge bwawe? Onayunva omukengere loshi si, aliko ey’onabona okw’ali hale nka kulala enyenyezi ziba zili hale-hale? Changwa si, onawaza kw’aherhe misi minene aliko eyi nta borhere agwerhe, nka kulala echiyaga chiba? Gurhe Yehova aba kanuni? Kugerera Echinwa chage, Ebiblia, Yehova arhuyerekere ziguma omu ngeso zage; enashubire kuyerekana oku akulagireko.

1. Bulagurhe rhurhakabona Mungu?

“Mungu ali Roho.” (Yohana 4:24) Yehova arhajira omubiri guli nk’ogwerhu. Ali Roho olamire omu mbingu, ahantu rhurhakabona.

2. Ngeso ziguma zihe ziyerekene oborhere bwa Yehova?

Rhurhakabona Yehova; aliko amango rhwamamumenya, rhwanayunva rhumuzigiire bulala ali Muntu nya muntu, oherhe engeso zinja bwenene. Ebiblia ederhere: “Yehova asima okunali, arhanalekerera abemana bage chiro.” (Zaburi 37:28) Kandi aherhe “obuzigire bw’akasisi n’olukogo,” ahanene ku balala bali balibuka. (Yakobo 5:11) “Yehova ali haguma na balala bagwerhe omurhima guvungonyokere; anayokola balala bavunikire omurhima.” (Zaburi 34:18, amahugulo m’eshishi) K’onamenyere kw’ebi rhunakola byakasima awo bigayise Yehova? Omuntu wachishogere kukola amabi, anarhuma Yehova ayunva omuma n’okumugayisa. (Zaburi 78:40, 41) Aliko owachishogere kujira amenja, anamulerhera obusime.—Osome Mezali 27:11.

3. Nka gurhe Yehova anayerekana ku arhuzigiire?

Engeso nkulu Yehova ajira, buli buzigire. Kweri, “Mungu ali buzigire.” (1 Yohana 4:8) Yehova ayerekene obuzigire bwage, arhali kugerera Ebiblia yonyine, si na kugerera ebintu alemere. (Osome Matendo 14:17.) Omufano, waza okuntu arhukolere. Arhuhere obuhashe b’okubona amarangi makwirire, okuyunva omuziki gusimisize, n’okuhonja ebilyo bilokere. Alonzeze rhusiimire akalamo.

HUMBA BWENENE

Lolaga bichi Yehova anakolesa omukuyeneza ebintu bisomeze, n’okuntu ayerekene engeso zage zinja.

4. Eroho lichesibwa eba misi Mungu anakolesa

Nka kulala rhunakolesa efune eyirhwakola akasi, Yehova naye anakolesa eroho lyaga lichesibwa. Ebiblia eyerekene kw’eroho lichesibwa, arhali muntu, sy’eba misi Mungu anakolesa omu kujira ebintu bibe. Osome Luka 11:13 na Matendo 2:17, muje mwaganira kw’ebila bibazo:

Yehova “asheshera” eroho lyage lichesibwa ku balala bamuhemere lyo. Lero si, owazize kw’elyola roho lichesibwa ali muntu, changwa misi Mungu anakolesa? Chirhumire waderha ntyo?

Yehova anakolesa eroho lyage lichesibwa omu kuyeneza ebintu bisomeze. Osome Zaburi 33:6 na 2 Petro 1:20, 21, muje mwaganira kw’echila chibazo:

Njira ziguma zihe Yehova akoleseze mw’eroho lyage lichesibwa?

5. Yehova ajira oborhere busimisize

Musa aliri aharamya Mungu oku bwimana, aliko alonza amenye Omulemi wage bwinja. Charhuma Musa amubwira: “Omenyese enjira zawe, y’ingala kukumenya.” (Kutoka 33:13) Omu kumushubiza, Yehova abwira Musa gurhe aba. Osome Kutoka 34:4-6, muje mwaganira kw’ebila bibazo:

Yehova alibwirire Musa ku gurhe aba?
Zihe ziguma omu ngeso za Yehova zikusimisize bwenene?

6. Yehova analaga oku bantu

Abantu ba Mungu, k’okuderha Abaebraniya, baliri omu buja e Misri. Gurhe Yehova alichiyunvirhe okubona obala bantu bage yibalibuka? Ziha eyila AUDIO oyiyunvirize, awo osome Kutoka 3:1-10. Muje mwaganira kw’ebila bibazo.

AUDIO: Yehova Analaga oku Bantu Bage Bali Balibuka (2:45)

Bichi eyila ngani ekuyigirize oku bilolere okuntu Yehova anachiyunva ey’abona abantu bage yibalibuka?—Lola omustari gwa 7 n’ogwa 8.
Owazize ku kweri Yehova alonzeze kurhabala abantu, anagwerhe emisi y’okujira ntyo si? Akaba nechi, bulagurhe? N’akaba nanga, bulagurhe?