EISOMO LYA 07
Yehova Nashusha Atai?
Nobona pichaki orw’olikutekeleza ebikwete ahali Yehova Katonda? Isi, nomutina nokwehulira tobasa kuba munywanyiwe aha rw’enshonga yokuba harai muno nk’enyanyinyi okwo zili harai? Anga, notekeleza mani agataina burora nk’okwo enkuba esharuka? Yehova aina ngeshoki? Kuruga omu kigambokye, Ebibulia, Yehova nashoborora engeshoze nanka, nokwolekya okwo ali kukwetaho.
1. Kubaki titubasa kubona Katonda?
“Ruhanga aba mwoyo.” (Yohana 4:24) Yehova taina mubili nka gwa bantu. Wenene aba mwoyo natura omwiguru, mbali tutabasa kubona.
2. Yehova aina ngeshoki?
N’orwo tutalikubasa kubona Yehova, wenene alihyo na katulikwega ebimukweteho nitumwenda aha rw’enshonga y’engeshoze ezili kutushemelera. Ebibulia negamba eti: “Yehova nayenda ehaki, nabali mahika ahali wenene talibanagirana.” (Ezaburi 37:28, NWT) Kandi wenene “aina engonzi z’embabazi kandi aina ekisha,” okukiraho omu bantu balinya abali kuteseka. (Yakobo 5:11, NWT) “Omukama tanaga bajune; kandi arokora abainanaire.” (Ezaburi 34:18) Isi, nomanya nk’okwo nitubasa kushemeleza Yehova anga kumujunaza? Omuntu alikuramura kukora ebintu ebibi namushasa n’okumujunaza. (Ezaburi 78:40, 41) Kyonkai omuntu alikuramura kukora ebintu ebirungi namushemeleza.—Shoma Emigani 27:11.
3. Yehova nayolekya atai okwo alikutugonza?
Engonzi niyo ngesho elinkuru muno eya Yehova. Omu mazima, “Ruhanga aba ngonzi.” (1 Yohana 4:8) Yehova nayolekya engonzize kuraba omu Bibulia nangu nokuraba omu bintu ebyo yatonzire. (Shoma Ebikorwa 14:17.) Obulebero nibwobu, tekeleza okwo yatutonzire. Atuhaire obushobora bwokubona erangi ezirungi, okuhuliliza omuziki ogurungi, n’okushemelerwa ekyakulya ekilikunura. Nayenda tushemelerwe emikalire.
MANYURUZA
Yega omanye okwo Yehova agobesheleize ebintu bingi ebirungi. Oshube obone okwo ashurwire n’okwolekya engeshoze ezili zirungi.
4. Omwoyo ogutakatifu mani ga Katonda agali kukozesa
Nk’okwo ichwe tulikukozesa emikono kukora emilimo, Yehova nakozesa omwoyogwe ogutakatifu kugobesheleza ebintu. Ebibulia neshoborora nk’okwo omwoyo ogutakatifu ti muntu, shana mani ago Katonda alikukozesa kukora emilimo. Shoma Luka 11:13 n’Ebikorwa 2:17, mushube mufumoreho ebibazo ebi:
-
Katonda ‘araha’ balinya abali kumushaba omwoyogwe ogutakatifu. Kityo, notekeleza omwoyo ogutakatifu muntu anga mani ga Katonda agali kukozesa? Kubaki nohorora otyo?
Yehova nakozesa omwoyogwe ogutakatifu kugobesheleza ebintu bingi ebirungi. Shoma Ezaburi 33:6 na 2 Petero 1:20, 21, mushube mufumoreho ekibazo eki:
-
Yehova nakozesa omwoyogwe ogutakatifu omuli ngeliki?
5. Yehova aina engesho zirungi
Musa omukozi omwesigwa owa Katonda akegomba kumanyage omutonziwe. Kityo Musa akagambira ati Yehova: “Ongambire eby’olikwenda, mbone kukukorera n’okukushemeleza.” (Okuruga 33:13) Aho, Yehova agambira Musa engeshoze nanka. Shoma Okuruga 34:4-6, mushube mufumoreho ebibazo ebi:
-
Ningeshoki ezo Yehova yagambire Musa?
-
Ningeshoki eza Yehova ezili kukushemelera muno?
6. Yehova nayetaho abantube
Abaheburania, ababaire bali bantu ba Katonda, bakaba bali bairu (watumwa) omwihanga lya Misiri. Yehova akehulira atai orwo babaire nibateseka? Zaana EREKODI EY’OKUHULILIZA kandi muhonderane n’obushomi obwo, anga mushome Okuruga 3:1-10. Mushube mufumoreo ebibazo ebili kuhonderaho.
-
Ebaruro egi nekwegesaki ekikwete ahali Yehova okwo yayehulire orwo abantu babaire nibateseka?—Leba orujuru rwa 7 n’orwa 8.
-
Isi, notekeleza Yehova nayenda kujuna abantu, isi aina obushobora bwokukora atyo? Kubaki notekeleza otyo?
7. Ebitondwa nibyolekya engesho za Yehova
Yehova nayolekya engonzize kuraba omu bintu ebyo yatonzire. Yolekya EVIDEO. Mushube mushome Abaroma 1:20, kandi mufumoreho ekibazo ekili kuhonderaho:
-
Orw’olikuhenjuza ebitondwa nobona ngeshoki eza Yehova?
ABANTU ABANDI NIBAGAMBA BATI: “Katonda mani agalikuzoka honahona, titwakubasa kumumanya kurungi.”
-
Iwe oina bitekelezoki?
-
Kubaki notekelezotyo?
OMUBIGUFI
Yehova aba mwoyo, kityo titubasa kumubona. Aina engesho zingi ezili zirungi muno kutamu n’engonzize.
Isi ebi wakubihorora otai?
-
Kubaki titwina kubasa kubona Yehova?
-
Omwoyo ogutakatifu kiki?
-
Yehova aina ngeshoki eza buli ngeli?
ENJUZA MUNO
Yega bingi ebikwete aha ngesho inai ezikuru eza Yehova.
Enjuza omanye amazima agali kwolekya okwo Yehova tali buli hantu.
Leba omanye kubaki Ebibulia neiganisa omwoyo ogutakatifu n’omukono gwa Katonda.
Kikaba nikiguma aha mushaija ayabaire ahumire amaisho kwesiga nk’okwo Katonda amwetaireho. Leba ekintu ekyakozire ahindure ebitekelezo bye.
“Kany’aka Ninyehulira Nk’okwo Nimbasa Kujuna Abandi” (Mnara wa Mlinzi, Omwezi gwa Ikumi 1, 2015)
