ZAJ KAWM 07
Yehauvas Zoo Li Cas Tiag?
Koj xav tias Vajtswv Yehauvas zoo li cas xwb? Nws puas zoo li tej hnub qub saum nruab ntug uas peb yuav ncav tsis cuag thiab yuav tsis muaj peev xwm paub txog li? Los sis koj xav tias nws yog ib tug uas muaj hwj chim kawg tiam sis ho tsis muaj ib qho yam ntxwv twg li? Vajtswv Yehauvas zoo li cas tiag? Phau Vajlugkub qhia txog Yehauvas tej yeeb yam qhuas lug, thiab kuj qhia tias nws hlub thiab mob siab koj.
1. Vim li cas peb pom tsis tau Vajtswv?
Yehauvas tsis muaj lub cev ntaj ntsug li peb muaj. Phau Vajlugkub qhia tias Vajtswv yog ib tug Plig. (Yauhas 4:24) Nws yog ib tug plig nyob saum ntuj ceeb tsheej uas peb lub qhov muag pom tsis tau.
2. Yehauvas ib co yeeb yam qhuas lug yog dab tsi?
Peb pom tsis tau Yehauvas tiam sis thaum peb paub nws thiab nws tej yeeb yam qhuas lug ces peb yuav hlub nws. Phau Vajlugkub hais tias: “Yehauvas yeej nyiam txojkev ncaj ncees thiab tsis tau muab nws haivneeg uas muaj kev ncaj ncees tso tseg li.” (Phau Ntawv Nkauj 37:28) Nws kuj “muaj lub siab hlub thiab hmov tshua” cov uas txom nyem nyuaj siab. (Yakaunpaus 5:11) “Yehauvas nyob ze cov neeg uas tas kev cia siab, nws cawm cov neeg uas tsis muaj chaw vamkhom.” (Phau Ntawv Nkauj 34:18) Koj puas paub tias tej uas peb ua yuav ua rau Yehauvas zoo siab los sis tu siab? Thaum peb txiav txim siab ua tej yam tsis zoo ces yuav mob nws siab. (Phau Ntawv Nkauj 78:40, 41) Tiam sis, thaum peb ua tej yam zoo ces peb ua tau rau nws zoo siab.—Nyeem Pajlug 27:11.
3. Yehauvas ua li cas los qhia tias nws hlub peb?
“Vajtswv yog tus uas muaj kev hlub.” (1 Yauhas 4:8) Yehauvas qhov yeeb yam zoo tshaj plaws yog txoj kev hlub. Nws tsis yog qhia nws txoj kev hlub los ntawm phau Vajlugkub xwb tiam sis kuj qhia los ntawm tej uas nws tau tsim thiab. (Nyeem Tes Haujlwm 14:17.) Xav txog seb nws tsim tau peb zoo npaum li cas. Nws tsim kom peb pom ntau yam xim zoo nkauj, hnov tej suab nkauj paj nruag nrov kho siab zim, thiab paub tias tej zaub mov qab npaum li cas. Nws tsim peb li no rau qhov nws xav kom peb muaj lub neej nyob kaj siab lug.
KAWM NTXIV
Mus kawm seb Yehauvas siv dab tsi los ua tau ntau yam uas zoo heev. Thiab saib seb Yehauvas tau ua li cas los qhia rau peb txog nws tej yeeb yam qhuas lug.
4. Lub hwj huam dawb huv yog Vajtswv lub hwj chim
Yehauvas siv nws lub hwj huam dawb huv zoo li peb siv peb txhais tes los ua hauj lwm. Phau Vajlugkub qhia tias lub hwj huam dawb huv tsis yog ib tug neeg tiam sis yog Vajtswv lub hwj chim uas nws siv los ua yam ub yam no. Nyeem Lukas 11:13 thiab Tes Haujlwm 2:17, thiab tham txog cov lus no:
-
Vajtswv yuav muab nws lub hwj huam dawb huv pub rau cov uas thov nws. Yog li ntawd, koj xav tias lub hwj huam dawb huv yog ib tug neeg los yog Vajtswv lub hwj chim? Vim li cas koj ho hais li ntawd?
Yehauvas siv nws lub hwj huam dawb huv los ua tau ntau yam uas zoo heev. Nyeem Phau Ntawv Nkauj 33:6 thiab 2 Petus 1:20, 21, thiab tham txog lo lus no:
-
Yehauvas tau siv nws lub hwj huam dawb huv los ua tej yam twg?
5. Yehauvas muaj tej yeeb yam qhuas lug
Mauxes yog ib tug uas muaj kev ntseeg Vajtswv ruaj nreeg, tiam sis nws tseem xav paub tus Tswv uas tsim nws kom zoo dua tuaj thiab. Yog li, Mauxes thiaj hais rau Vajtswv tias: “Thov koj qhia koj txojkev rau kuv pom nimno xwv kuv thiaj paub koj.” (Khiav Dim 33:13) Ces Yehauvas thiaj qhia rau Mauxes tias Nws yog tus Vajtswv zoo li cas. Nyeem Khiav Dim 34:4-6, thiab tham txog ob lo lus no:
-
Yehauvas qhia nws tej yeeb yam twg rau Mauxes?
-
Koj nyiam Yehauvas qhov yeeb yam twg tshaj?
6. Yehauvas mob siab txog tib neeg
Yehauvas xav li cas thaum nws pom nws cov neeg Henplais txheej thaum ub raug quab yuam ua qhev txom nyem ntsuav hauv teb chaws Iyiv? Mloog zaj SUAB YEEB YAM los sis nyeem Khiav Dim 3:1-10. Ces tham txog cov lus no.
-
Yehauvas xav li cas txog tib neeg tej kev txoj nyem?—Saib nqe 7 thiab 8.
-
Koj puas xav tias Yehauvas yeej xav thiab muaj peev xwm pab tau tib neeg tiag? Vim li cas koj ho xav li ntawd?
7. Peb kawm tau Yehauvas tej yeeb yam qhuas lug los ntawm tej uas nws tau tsim
Yehauvas qhia nws tej yeeb yam qhuas lug rau peb los ntawm tej uas nws tau tsim. Saib zaj YEEB YAJ KIAB. Ces nyeem Loos 1:20, thiab tham txog lo lus no.
-
Thaum peb saib tej uas Yehauvas tau tsim peb pom nws tej yeeb yam twg?
IB TXHIA HAIS TIAS: “Peb pom tsis tau Vajtswv ces peb yeej tsis muaj peev xwm yuav paub tau nws li.”
-
Koj xav li cas?
-
Vim li cas koj ho xav li ntawd?
KOJ KAWM TAU DAB TSI
Vajtswv Yehauvas yog ib tug Plig uas peb qhov muag pom tsis tau. Nws muaj tej yeeb yam qhuas lug xws li kev hlub.
Rov Tham Dua
-
Vim li cas peb pom tsis tau Yehauvas?
-
Lub hwj huam dawb huv yog dab tsi?
-
Yehauvas tej yeeb yam qhuas lug yog dab tsi?
TSHAWB NTXIV
Kawm ntxiv txog Yehauvas plaub qho yeeb yam qhuas lug.
“Vajtswv Yog Tus Zoo Li Cas?” (Phau Tsom Faj Phau 1 Xyoo 2019)
Saib tej pov thawj uas qhia tau tias Yehauvas yeej tsis yog nyob rau ntawm txhua txhia qhov chaw.
“Puas Yog Vajtswv Nyob Rau Ntawm Txhua Txhia Qhov Chaw?” (Nyeem hauv jw.org/hmn)
Saib seb vim li cas phau Vajlugkub ho muab lub hwj huam dawb huv piv zoo li Vajtswv txhais tes.
“Lub Hwj Huam Dawb Huv Yog Dab Tsi?” (Nyeem hauv jw.org/hmn)
Nyuaj heev rau ib tug txiv neej uas dig muag ntseeg tias Vajtswv yeej hlub tshua nws. Mus saib seb ua li cas nws thiaj hloov siab lawm.
“Nim No Kuv Pab Tau Lwm Tus Lawm Thiab” (Phau Tsom Faj lub 10 Hli tim 1 xyoo 2015)
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
