EHONGWA 07
Jehova omundu ngu ri vi?
Indu tji mo ripura ohunga na Jehova Mukuru, ovikwaye mbi ya mourizemburuka woye? U ripura kutja Mukuru omundu omunahepero nu ngu ri kokure na ove tjinene? Poo u muna kutja eye ke novikaṋena vyoundu nungwari u ri tjimuna otjivepo otjinamasa? Hapo Jehova omundu ngu ri vi? Okupitira mEmbo re Ombeibela, Jehova wa tjiukisa ovikaṋena vye tjiva nonḓero ndje na yo move.
1. Omena raye tji tu ha munu Mukuru?
“Ndjambi Eye Ombepo.” (Johanes 4:24) Jehova ke norutu rwonyama. Eye Ombepo nu wa tura meyuru ndu ri oruveze eṱe ndu tu ha yenene okumuna.
2. Ovikaṋena viṋe tjiva Jehova mbye na vyo?
Nandarire kutja katu yenene okumuna Jehova, indu tji twa utu okumutjiwa tu uta okumusuvera mena rokutja eye Omundu ngu novikaṋena oviwa. Ombeibela i tja: “Muhona wa suvera ousemba, nu kamaa isa ovaingona ve.” (Epsalme 37:28) Eye wina “we ura notjari nounyaṋutima,” nu tjinenenene kovandu mbe muna ouzeu. (Jakobus 5:11) “Muhona u ri popezu na imba mbe noruhoze, nu u yama imba mbe rihahiza.” (Epsalme 34:18) Nu hapo u tjiwa kutja Jehova u ṱunwa i yomuano mbu tu ritjinda? Omundu ngu toorora okutjita oviṋa ovivi u mu hihamisa. (Epsalme 78:40, 41) Posi yokutja omundu ngu tjita imbi mbi ri ovisemba u mu yorokisa.—Lesa Omiano 27:11.
3. Jehova u raisa vi kutja we tu suvera?
Otjikaṋena tja Jehova otjinanḓengu tjinene orusuvero. Ombeibela i tja, “Ndjambi tjinga e ri orusuvero.” (1 Johanes 4:8) Jehova ka raisire orusuvero rwe okupitira mOmbeibela uriri nungwari wina we ru raisa moviṋa mbya ungura. (Lesa Oviungura 14:17.) Otjotjihorera, tara komuano mbwe tu mema. Eye we tu ungura kutja tu mune ovivara oviwa, okuzuva omizumbi omiwa nokutjatisa ovikurya oviwa. Eye u vanga kutja tu yorokere ehupo.
KONḒONONA OUKOTO
Rihonga kutja Jehova u ungurisa ye okuyenenisa oviṋa. Okuzambo tara komuano Jehova me tjiukisa nokuturaisira ovikaṋena vye oviwa.
4. Ombepo ondjapuke omasa wa Mukuru nge ungurisa
Otja tji tu ungurisa omake wetu okuungura oviṋa, Jehova wina u ungurisa ombepo ondjapuke. Ombeibela i tja ombepo ondjapuke kamundu, nungwari omasa we nge ungurisa okuyenenisa oviṋa. Lesa Lukas 11:13 nOviungura 2:17, nu okuzambo hungirira komapuriro nga:
-
Mukuru ma “tirire” ombepo ye ondjapuke ku imba mbu mave i ningire. Nu hapo mo munu kutja ombepo ondjapuke omundu poo omasa wa Mukuru nge ungurisa? Ongwaye tji mo tja nao?
Jehova u ungurisa ombepo ye ondjapuke okuyenenisa oviṋa ovihimise. Lesa Epsalme 33:6 na 2 Petrus 1:20, 21, nu okuzambo hungirira kepuriro ndi:
-
Omomiano viṋe tjiva Jehova ma ungurisa ombepo ye ondjapuke?
5. Jehova u novikaṋena oviwa
Moses wa ri omukarere wa Mukuru omuṱakame, posi yokutja aa vanga okutjiwa Omuute we nawa. Ku nao eye wa tja: “Ndji tjivisa ombango yoye.” (Eksodus 33:13) Jehova wa tjiukisa ovikaṋena vye tjiva ku Moses. Lesa Eksodus 34:4-6, nu okuzambo hungirira komapuriro nga:
-
Jehova wa tjiukisa ovikaṋena vye viṋe ku Moses?
-
Ovikaṋena viṋe vya Jehova mbi ku tjatera tjinene?
6. Jehova u rikendera ovandu
Ovakarere va Mukuru Ovaheberi, va ri kehi youvara wOvaengipte. Ondatumisire mu va ri ya ṱuna vi ku Jehova? Nyanda OVIPURATENWA nu u kongorere, poo lesa Eksodus 3:1-10. Okuzambo hungirira komapuriro ngu maye kongorere kehi mba.
-
Ehungi ndi mari ku raere ye ohunga nomuano Jehova me ripurira komauzeu wovandu?—Tara kezeva 7 no 8.
-
Hapo mo munu kutja Jehova tjiri u vanga okuvatera ovandu nu ma yenene okutjita nao? Omena raye?
7. Matu yenene okurihonga ohunga novikaṋena vya Jehova okuza koviṋa mbya uta
Jehova u tjiukisa ovikaṋena vye okupitira moviṋa mbya uta. Nyanda OKAVIDIO. Okuzambo lesa Ovaroma 1:20, nu hungirira kepuriro ndi mari kongorere kehi mba.
-
Ovikaṋena viṋe vya Jehova mbi u muna moviṋa mbya ungura?
OVANDU TJIVA VE TJA: “Mukuru kamundu, eye omasa nge ri apehe”
-
Hapo ove u noumune uṋe?
-
Ongwaye tji mo munu nao?
OKUYARUKIRA PO OUSUPI
Nandarire kutja Jehova katu yenene okumumuna, eye u novikaṋena ovingi oviwa nu tjinenenene orusuvero.
Okurizemburukisa
-
Ongwaye tji tu ha yenene okumuna Jehova?
-
Ombepo ondjapuke otjikeṋa?
-
Ovikaṋena vya Jehova tjiva ooviṋe?
RIHONGA OVINGI
Kondja okutjiwa Jehova mokurihonga ohunga novikaṋena vye vine ovinanḓengu tjinene.
“Mukuru omundu wovikaṋena mbya sana pi?” (Oruhungu No. 1 2019)
Tara koviṋa mbi mavi raisa kutja Jehova ke ri poṋa apehe.
Tara kutja ongwaye Ombeibela tji i sasaneka ombepo ondjapuke ku nomake wa Mukuru.
Omurumendu omupoṱu kaa ri nongamburiro kutja Mukuru u rikendera ye. Tara kutja ongwaye tja rundurura omeripura we.
“Ami nai mbi muna kutja me yenene okuvatera varwe” (Oruhungu, 1 ku Oktoba, 2015)
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
