THUTO 07
Jehova i Ndzimu Wa ka Tini?
Ha u kumbula ne kwa Jehova Ndzimu, ko zhani mu nkumbulo uwo? A u nkulukulu kwazo, kakale ali kulekule kwazo nawe kwa u si nga ke u kabe pejo naye? Kene a u no nkumbula a na masimba se vula i no na ne matutu, ngono a sina mazwiwo? Dumbu Jehova i Ndzimu wa ka tini? Jehova u no lakidza buthu gugwe, ne ku amika ne kuko e shingisa Dama lile Baibili.
1. Ini ti si nga khone ku bona Ndzimu?
“Ndzimu Meya.” (Johani 4:24) Jehova ha a na mbili u no boneka saswi. I nthu we Chimeya u no chila kudzimu, kwa ti si nga khone ku ku bona.
2. Jehova u na buthu gwa ka tini?
Ne ti si nga khone ku bona Jehova ne mesho, ha ti zwidiya ne kukwe, to nda ne kuti i Nthu dumbu kakale u na buthu bu buyanana. Baibili i kati: “Yahwe [Jehova] banoda ndulamo, abangasiye balulwami babo.” (Pisalema 37:28) Kakale “una mahwilo zogwadza ne ngoni,” kwazokwazo mu bathu ba no dziyila. (Jakuba 5:11) “Yahwe [Jehova] bapejo ne bakanyalamoyo; banotjidza ibabo bakapelegwa nge kugalamoyo.” (Pisalema 34:18) Kakale a wa gala u ziba kuti ti nga shathisa Jehova kene ku nhwisa zogwadza? Nthu u no thama zwa ka bipa ka ngwaza, u no nswabisa ne ku nhwisa zogwadza. (Pisalema 78:40, 41) Ngono nthu u no thama cha ka lulwama u no nshathisa.—Bala Zwiani 27:11.
3. Jehova u no lakidza chini kuti u no ti da?
Chingwe chi no boneka kwazo mu buthu gwa Jehova ludo. Dumbu, “Ndzimu ludo.” (1 Johani 4:8) Jehova ha a to lakidza ludo gugwe ne Baibili koga, ngono kakale u no gu lakidza ne zwithu zwa a ka bumba. (Bala Mishingo 14:17.) Ha ti lakidzila, kumbulila kwazo se kwa a ka ti bumba. Wa ka ti pa bukhoni gwe ku bona mibala ya ka naka, ku hwa nlidzo u no zipa ne ku shathila zojiwa zwi no zipa. U no shaka kuti ti shathile buchilo.
ZWIDIYE KWA KA NGINILILA
Zwidiye kuti ini chi no shingisiwa na Jehova ku thama zwithu zwi no chenamisa. Ngono ku dwa ipapo bona se kwa Jehova e lakidza buthu gugwe gwa ka naka.
4. Meya dza ka yengemala—Masimba e Ndzimu a no shinga
Koga se kwa ti shingisa maboko edu ku shinga, Jehova u no shingisa meya dzidze dza ka yengemala. Baibili i no lakidza kuti meya dza ka yengemala ha te ili nthu, ngono i masimba a no shingisiwa ne Ndzimu ku thama zwithu. Bala Luka 11:13 na Mishingo 2:17, mu be mu lebesana ne kwe buzo dzi no tobela:
-
Ndzimu u nowo “dila” meya dzidze dza ka yengemala mu na ibabo ba no dzi kumbila. A u no kumbula kuti meya dza ka yengemala i nthu, kene i masimba e Ndzimu a no shinga? Ini u jalo?
Jehova u no shingisa meya dzidze dza ka yengemala ku thama zwithu zwi no chenamisa. Bala Pisalema 33:6 na 2 Pita 1:20, 21, mu be mu lebesana ne kwe buzo i no tobela:
-
Jehova wa ka shingisa meya dzidze dza ka yengemala ne zila dzipi?
5. Jehova u na buthu gu no kwebela
Mushe wa ka be ili nlanda u no thembeka we Ndzimu, ngono wa ka be e shaka ku ziba Mbumbi uwe butuka. Ndizo a ka dwa Ndzimu eti: “Mundilakidze zila dzenyu kuita kuti ndimuzibe.” (Ekezodo 33:13) Jehova wa ka dabila Mushe ne ku nlakidza kuti U na buthu gwa ka tini. Bala Ekezodo 34:4-6, mu be mu lebesana ne kwe buzo dzi no tobela:
-
Jehova wa ka lakidza Mushe buthu gugwe gupi?
-
I zwithu zwipi mu buthu gwa Jehova zwa u no da kwazo?
6. Jehova u no da bathu
Bathu be Ndzimu be Bahebera, ba ka be ba li balanda ku Egipiti. Ngono ku dziyila kwabo kwa ka thama kuti Jehova a zwiwe chini? Zana ODIYO ngono u tobele, kene ku bala Ekezodo 3:1-10. Ku dwa ipapo mu be mu lebesana ne kwe buzo dzi no tobela.
-
Mbiko iyeyi i no ku diyani ne se kwa Jehova a no zwiwa ne kwe ku dziyila kwe bathu?—Bona ndimana 7 ne 8.
-
A u no kumbula kuti dumbu Jehova u no shaka ku batsha bathu ne kuti u na masimba e ku thama e jalo? Ne kutini?
7. Cha ka bumbiwa mu shango cho lakidza buthu gwa Jehova
Jehova u no lakidza buthu gugwe ne zwithu zwa a ka bumba. Zana VIDIYO. Ku dwa ipapo bala Baroma 1:20, mu be mu lebesana ne kwe buzo i no tobela.
-
I zwithu zwipi mu buthu gwa Jehova zwa u no bona mu zwithu zwa a ka bumba?
BATHU BANGWE BA KATI: “Ndzimu ha te ili nthu, i meya koga dzi pangwe ne pangwe.”
-
Iwe u no kumbulani?
-
Ne kutini?
CHA WA ZWIDIYA
Jehova i nthu wa ti si nga ke ti ka bona ne mesho una zwithu zwinjinji mu buthu gugwe zwi no kwebela, kwazo kwazo ludo.
U Nga Tini?
-
Ini ti si nga khone ku bona Jehova?
-
Meya dza ka yengemala ini?
-
Jehova u na buthu gwa ka tini?
SHAKISISA
Paphidza ku hwisisa kuko ne kwa Jehova ne ku zwidiya zwithu zwili zwi nna ne kwe buthu gugwe.
Bona bufakazi gwe kuti Jehova ha te ali pangwe ne pangwe.
Bona kuti ini Baibili iti meya dza ka yengemala i maboko e Ndzimu.
Nlume u si nga bone wa ka be e simigwa ne ku dumila kuti Ndzimu u no nda. Bona kuti ini cha ka shandula nkumbulo uwe.
“Ngwenu Ndi Nga Batsha Bangwe” (Thungamakole, October 1, 2015)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
