LISHOMO 07
Yeova ave kenga nyani?
Paunkumbukila Yeova Nnungu, nyamani shikwida mmakumbukililo lako? Wako wona kenga nae ni wadimongo namene na avele kushu namu wako, kenga dinondo divele kuwa? Au wako wona kenga nae ni munu, au inamuna ya dimongo, kenga ing’uva? Kwamwiu Yeova ave kenga nyani? Kupitila lilove lyake Ibibiliya, Yeova ankutumanyia mavalelo lavenavo, namomo ankukwangaikangila wako.
1. Mwaa shani wetu hatuulula kumwona Nnungu?
“Nnungu ni Imumu.” (Nshuwau 4:24) Yeova havané mili kenga wetu. Nae ni Imumu na anama kuwa, lyutu lyatukaulula kumwona.
2. Mavalelo shani lavenavo Yeova?
Kwaumwiu wetu hatulula shinu kumwona Yeova, kanji tukalipundisha kwaupande wake nae, tundanalela kenga ni munu wiu, wa mavalelo lambone. Ibibiliya inkushidoni: Yeova anagwaledya ishaliya, na nae havambukanga shinu vakukulupilika vake.” (Dimu 37:28) Nae yadavo ni “wakumbaligwa na lilotelo na ni washididi,” kupunda namene na avalá vauvauvanga. (Tiyagu 5:11) “Yeova avele pepi na vakutamakanga ntima; nae anavambola avalá vadabadabenge.” (Dimu 34:18, malove la mwina) Da wako unkumanya kenga vitendo vyetu vinkumwambukisha nae? Munu atandola kutenda vyakunyata anantadya nae matuva na shipalodi. (Dimu 78:40, 41) Kanji munu atandedya wambone anampuwangidya nae.—Shomya Mikong’o 27:11.
3. Yeova ankulodya dashi kenga ankutunagwaledya wetu?
Linagwaledyo ni livalelo likumene limwe Yeova. Kwa umwiu, “Nnungu ni linagwaledyo.” (1 Nshuwau 4:8) Yeova analodya linagwaledyo lyake i kwa indila ya Ibibiliya bai, kanji analodya yadavo kupitila mu vinu vyaumbile nae. (Shomya Vitendo 14:17.) Kwampano, kumbukila mwatukandyangididye wetu. Nae anditupa dimongo dyakuulula kulola dilangi dyakwalala namene, kwigwilila mushika wambone unatutadya kupuwa, na shakulya shakunogwa. Nae alota wetu tupuwange na shingumi.
LAMBELA KUMANYA VYOE
Lipundishe Yeova ankutumila nyamani pakulota kutenda vinu vitutadya kushanga. Badae lola mwashi mwalodedya mavalelo lake lambone.
4. Imumu yanashwe—Ni dimongo dyake Nnungu
Kenga mwatutumilila makono letu pakulota kukola madengo, Yeova atumila imumu yake yanashwe. Ibibiliya inkulodya kenga imumu yanashwe, hanava shinu munu, kanji ni dimongo dyake Nnungu dyatumila pakulota kukandyanga vinu. Shomya Lukashi 11:13, na Vitendo 2:17. badae mwambangile mwaa vyakudya vya mwina:
-
Wetu tunkuulula kujugwa imumu yanashwe, na Nnungu andatupa. Nadoni, wako wona kenga imumu yanashwe ni munu, au dimongo dya Nnungu dyakalela madengo? Mwaa shani wako unkutangola davo?
Yeova atumila imumu yake yanashwe pakulota kutandedya vinu vikumene vitutadya kushanga. Shomya Dimu 33:6 na 2 Patulu 1:20, 21, na badae mwambangile mwaa shakudya sha mwina:
-
Dindila shani dinji dyatumidile imumu yake yanashwe Yeova?
5. Yeova ankuvanavo mavalelolambone namene
Musha avelé ntumika wakukulupika wa Nnungu, kanji andilambela kummanya shana Namalunda. Ndyomana Musha animmanyia Yeova kushidoni: ‘Ngutadya nangu ngumanye dindila dyako, pakulotanikumanye wako.’ (Kuma 33:13) Pakunjang’ula, Yeova animmanyiaMusha mavalelo lanji lavenavo. Shomya Kuma 34:4-6, na badaemwambangile mwaa vyakudya vya mwina:
-
Mavalelo shani lamwe Yeova lamwaulidile Musha?
-
Mavalelo shani lamwe Yeova lakunagwadile namene wako?
6. Yeova anavatanana vanu
Venentete vake Nnungu, va ku Balaniya, vave vatumwa ku Mishili. Yeova alígwite dashi pashivona venentete vake vauvauvanga? Igwilila LIDI GWEKA na odedya kushomya, au shomya Kuma 3:1-10. Badae mwambangile mwaa vyakudya vya mwina.
-
Yeova aligwa dashi pavona vanu vauva? (Lola mishitali 7, 8.)
-
Wako wona kenga Yeova ankulota kuvapwashela vanu na nae ankuvanavo dimongo dyakutandela davo? Mwaa wa nyamani?
7. Vinu mushilambo vinkulodyamavalelo lamwe Yeova
Yeova ankuvalanga mavalelo lake kwa indila ya vinu vyaumbile nae. Lola VIDEO. Badae shomya Valoma 1:20, na mwambangile mwaa vyakudya vya mwina.
-
Mavalelo shani lamwe Yeova lawona wako,úkalola vinu vyaumbile?
VANU VANJI VANKUSHIDONI: “Nnungu hanava shinu munu, nae ni dimongodive kula pashinu.”
-
Wako wona dashi?
-
Mwaa shani wako ukwona davo?
KWAUNGWIPI
Wetu atulula shinu kumwona Yeova mwa nae ni imumu na ankuvanavo mavalelo loe, kupunda namene linagwaledyo.
Tukumbukilange
-
Mwaa shani tunaulula shinu kumwona Yeova?
-
Imumu yanashwe ni nyamani?
-
Mavalelo lanji lamwe Yeova ni lakwashi?
LIPUNDISHE
Wako undauka nammanya shana Yeova kwa kulipundisha kwaupande wa mavalelo nsheshe lavenavo nae.
Lola nyamani shilodya kenga Yeova hanapagwa shinu kula pashinu
Lola mwaa shani Ibibiliya inkuvalanga kenga imumu yanashwe ni kenga makono la Nnungu.
Julio hakalola, nae ashona kuva shinu shakukamadyanga kwamini kenga Nnungu ankuntanana. Lola nyamani shintadidye Julio kubadili makumbukililo lavénavo.
“Sasa Ninahisi Kwamba Ninaweza Kuwasaidia Wengine” (Mnara wa Mlinzi, Oktoba 1, 2015)
